યુક્રેનથી સામે આવ્યા ખુબ જ દર્દનાક દ્રશ્યો, રસ્તા પર જઈ રહેલી કારને કચડી નીકળી ગયું રશિયન ટેન્ક
રશિયાએ યુક્રેન સામે યુદ્ધની ઘોષણા કર્યા બાદ ત્યાંના લોકોના જીવ જોખમમાં મુકાયા છે. દરમિયાન, યુદ્ધ સાથે સંબંધિત એક ભયાનક વીડિયો સોશિયલ મીડિયા પર જોરદાર વાયરલ થઈ રહ્યો છે. વીડિયોમાં એક રશિયન ટેન્ક રસ્તા પર ચાલતી યુક્રેનિયન કારને કચડી નાખતી જોવા મળે છે. વિડીયો ખુબ જ દર્દનાક છે.
વીડિયોમાં જોઈ શકાય છે કે રસ્તા પર આગળ વધી રહેલી એક રશિયન ટાંકી અચાનક પોતાનો માર્ગ બદલી નાખે છે અને રોડ પર એક કારને પીડાદાયક રીતે કચડી નાખે છે. વીડિયોમાં જોઈ શકાય છે કે રશિયન ટેન્ક કારની ઉપર ચઢી જાય છે. જેના કારણે કાર સંપૂર્ણ રીતે ડૂબી જાય છે. કારની હાલત જોઈને તમારો આત્મા કંપી જશે. તમને જણાવી દઈએ કે યુક્રેનિયન કારને કચડી નાખનાર આ ટેન્ક રશિયાની છે. મીડિયા રિપોર્ટ્સ અનુસાર, આ સમયે ઘણી રશિયન ટેન્ક યુક્રેનની શેરીઓમાં ફરે છે.
Shocking! A tank CHANGES direction to drive over a car! #RussiaUkraineWarpic.twitter.com/i9g0YiJRuV
— Jason Hanifin (@JasonHanifin) February 25, 2022
વીડિયો જોયા બાદ સોશિયલ મીડિયા પર લોકો તેને રશિયન સેનાનું અમાનવીય કૃત્ય ગણાવી રહ્યા છે. લોકો કહી રહ્યા છે કે આનાથી વધુ દર્દનાક બીજું કંઈ હોઈ શકે નહીં. જોકે, આ ઘટનામાં રાહત એ રહી કે આ અકસ્માતમાં કાર ચાલકનો આબાદ બચાવ થયો હતો. ડ્રાઇવરને બચાવી લેવાનો વીડિયો પણ સામે આવ્યો છે. જેને જોઈને લોકો બોલી રહ્યા છે, ‘જાકો રખે સૈયાં, માર સકે ના કોય.’
