ઓગસ્ટ અને શ્રાવણ મહિનો બન્ને ભેગા ચાલી રહ્યા છે અને આ મહિને રજાઓની પણ ભરમાર છે. તમને જણાવી દઈએ કે, ઓગસ્ટમાં બેંકોમાં 15 દિવસની આસપાસ રજાઓ આવી છે. જો તાજેતરની વાત કરીએ તો આજથી બેંકો સતત 5 દિવસ સુધી બંધ છે. જેથી જો તમારી બેંક સાથે સંબંધિત કોઈ મહત્વનું કામ હોય, તો તમારે આ લિસ્ટ જાણવુ જરૂર છે. કારણ કે 19 ઓગસ્ટ પછી ફરી બેંકમાં લાંબી રજા હશે. ચાલો બેંકની રજાઓની યાદી તપાસીએ.
ઓગસ્ટમાં કેટલી રજાઓ?
ઓગસ્ટ મહિનો બેંક રજા સાથે શરૂ થયો છે. ઓગસ્ટમાં, રવિવારની રજાઓ 1 ઓગસ્ટ અને 8 ઓગસ્ટ, પછી 15 ઓગસ્ટની રજા હાલમાં જતી રહી છે. હવે 22 ઓગસ્ટ અને 29 ઓગસ્ટ રજા આવશે. આ પછ આ મહિનામાં, રવિવારે 5 રજાઓ અને શનિવારે 2 રજાઓ સહિત, 7 રજાઓ માત્ર રવિવાર અને શનિવારે આવી છે.
ઓગસ્ટમાં બેંકો ક્યાં બંધ રહેશે?
બેંગલુરુ, ચેન્નઈ, કોચી અને તિરુવનંતપુરમમાં 20 ઓગસ્ટના રોજ ઓણમના કારણે બેંકો બંધ રહેશે. કોચિ અને તિરુવનંતપુરમમાં 21 ઓગસ્ટે થિરુવોણમ પ્રસંગે અને 23 ઓગસ્ટના રોજ શ્રી નારાયણ ગુરુ જયંતિ પ્રસંગે બેંક રજા રહેશે. 30 ઓગસ્ટે કૃષ્ણ જન્માષ્ટમી નિમિત્તે બેંકો કામ કરશે નહીં. આ દિવસે અમદાવાદ, ચંદીગઢ, ચેન્નઈ, દેહરાદૂન, ગંગટોક, જયપુર, જમ્મુ, કાનપુર, લખનૌ, પટના, રાયપુર, રાંચી, શિલોંગ, શિમલા અને શ્રીનગરમાં બેન્કો બંધ રહેશે. હૈદરાબાદમાં કૃષ્ણ જન્માષ્ટમી 31 ઓગસ્ટે ઉજવવામાં આવશે. મોહરમના કારણે 19 ઓગસ્ટના રોજ બેંકોમાં કામ થશે નહીં. આ દિવસે અગરતલા, અમદાવાદ, બેલાપુર, ભોપાલ, હૈદરાબાદ, જયપુર, જમ્મુ, કાનપુર, કોલકાતા, લખનૌ, મુંબઈ, નાગપુર, નવી દિલ્હી, પટના, રાયપુર, રાંચી અને શ્રીનગરમાં બેન્કો બંધ રહેશે.
ઓગસ્ટ 2021માં બેંક રજાઓની યાદી
- 1 ઓગસ્ટ – રવિવાર
- 8 ઓગસ્ટ – રવિવાર
- 13 ઓગસ્ટ – પેટ્રિયટ ટે – ઈમ્ફાલમાં બેંક બંધ
- 14 ઓગસ્ટ – મહિનાનો બીજો શનિવાર
- 15 ઓગસ્ટ – રવિવાર
- 16 ઓગસ્ટ – પારસી નવું વર્ષ (શહેનશાહી) – બેલાપુર, મુંબઈ અને નાગપુરમાં બેંકો બંધ
- 19 ઓગસ્ટ – મોહરમ (આશુરા) – અગરતલા, અમદાવાદ, બેલાપુર, ભોપાલ, હૈદરાબાદ, જયપુર, જમ્મુ, કાનપુર, કોલકાતા, લખનૌ, મુંબઈ, નાગપુર, નવી દિલ્હી, પટના, રાયપુર, રાંચી અને શ્રીનગરમાં બેંકો બંધ
- 20 ઓગસ્ટ – મોહરમ / પ્રથમ ઓણમ – બેંગલોર, ચેન્નઈ, કોચી અને તિરુવનંતપુરમમાં બેંકો બંધ
- 21 ઓગસ્ટ- થિરુવોણમ- કોચી અને તિરુવનંતપુરમમાં બેંકો બંધ
- 22 ઓગસ્ટ – રવિવાર
- 23 ઓગસ્ટ – શ્રી નારાયણ ગુરુ જયંતી – કોચી અને તિરુવનંતપુરમમાં બેંકો બંધ
- 28 ઓગસ્ટ – મહિનાનો ચોથો શનિવાર
- 29 ઓગસ્ટ – રવિવાર
- 30 ઓગસ્ટ – જન્માષ્ટમી/કૃષ્ણ જયંતી – અમદાવાદ, ચંદીગઢ, ચેન્નઈ, દેહરાદૂન, ગંગટોક, જયપુર, જમ્મુ, કાનપુર, લખનૌ, પટના, રાયપુર, રાંચી, શિલોંગ, શિમલા અને શ્રીનગરમાં બેંકો બંધ
- 31 ઓગસ્ટ – શ્રી કૃષ્ણ અષ્ટમી – હૈદરાબાદમાં બેંક બંધ
