ભારતની દિગ્ગજ બેડમિન્ટન ખેલાડી પીવી સિંધુએ ટોક્યો ઓલિમ્પિકમાં બ્રોન્ઝ મેડલ જીત્યું છે. સિંધુએ બ્રોન્ઝ મેડલ મેચમાં ચીની શટલર બિંગજિયાઓ સામે 21-13 અને 21-15થી જીત નોંધાવી હતી.
પીવી સિંધુએ ઈતિહાસ રચ્યો
પીવી સિંધુએ ટોક્યો ઓલિમ્પિકમાં ઈતિહાસ રચ્યો. તેણે બ્રોન્ઝ મેડલ જીત્યો છે. સિંધુએ ચીનની બિંગજિયાઓને 21-13, 21-15થી હરાવીને બ્રોન્ઝ મેડલ જીત્યો. પીવી સિંધુ વ્યક્તિગત ઓલિમ્પિક સ્પર્ધામાં બે મેડલ જીતનાર પ્રથમ ભારતીય મહિલા ખેલાડી બની છે. પુરુષોમાં, કુસ્તીબાજ સુશીલ કુમાર (બ્રોન્ઝ – બેઇજિંગ 2008, સિલ્વર – લંડન 2012) એ આ પરાક્રમ કર્યું હતું.
રિયો ઓલિમ્પિકમાં સિલ્વર જીત્યું
સિંધુએ રિયો ઓલિમ્પિકમાં પણ અદભૂત પ્રદર્શન કર્યું અને સિલ્વર મેડલ જીત્યું. ટોક્યોમાં બ્રોન્ઝ જીતીને, તે ભારતની એવી પ્રથમ ખેલાડી બની છે, જેણે ઓલિમ્પિકમાં વ્યક્તિગત સ્પર્ધામાં બે મેડલ જીત્યા. એ બાબત ખુબ નોંધવા જેવી છે કે આ માત્ર સિંધુની બીજી ઓલિમ્પિક હતી. સિંધુએ રિયોમાં પ્રવેશ કર્યો હતો. એટલું જ નહીં, કુસ્તીબાજ સુશીલ કુમાર પછી સતત બે ઓલિમ્પિક મેડલ જીતનાર સિંધુ એ ભારતની બીજી ખેલાડી છે. સુશીલ કુમારે 2008 બેઇજિંગ ઓલિમ્પિકમાં બ્રોન્ઝ મેડલ અને 2012 લંડન ઓલિમ્પિકમાં સિલ્વર મેડલ જીત્યો હતો. સિંધુ રિયો ઓલિમ્પિકમાં ફાઈનલમાં સ્પેનની કેરોલિના મારિન સામે હારી ગઈ હતી. અહીં ટોક્યોમાં, સિંધુને સેમિફાઇનલમાં તાઇવાનની તાઇ ત્ઝુ યિંગ સામે હાર મળી હતી.
અત્યારે ચાલેલા ઓલિમ્પિકમાં સિંધુએ ભારત દેશનું નામ રોશન કર્યું છે. તેને દરેક લોકો અભિનંદન આપે છે અને કહે છે કે આ આપણા ભારતનું ગૌરવ છે, દેશની મહાન દીકરી વગેરે જેવા બિરુદ સિંધુને મળી રહ્યા છે. આ આપણા દેશ માટે ખુબ ગૌરવની વાત છે.
ટોક્યો ઓલિમ્પિકમાં ભારતનું આ ત્રીજું મેડલ છે. પ્રથમ, મીરાબાઈ ચાનુએ 49 કિલો વેઇટલિફ્ટિંગ કેટેગરીમાં સિલ્વર મેડલ જીત્યો. તે જ સમયે, મુક્કાબાજ લવલીના બોરગોહેને 69 કિલો વેલ્ટરવેટ કેટેગરીની સેમિફાઇનલમાં પહોંચીને ભારત માટે મેડલ સુનિશ્ચિત કર્યો છે.
26 વર્ષની સિંધુને ઓલિમ્પિક ગેમ્સમાં બીજું મેડલ મળ્યું. આ પહેલા તેણે 2016 રિયો ઓલિમ્પિકમાં સિલ્વર મેડલ જીત્યું. આ સાથે સિંધુ ઓલિમ્પિકમાં બે મેડલ જીતનાર બીજી ભારતીય બની છે. ઓલમ્પિક બેડમિન્ટન સ્પર્ધામાં ભારતનો આ ત્રીજો મેડલ છે. સિંધુ ઉપરાંત સાઇના નેહવાલે ઓલિમ્પિકમાં પણ મેડલ જીત્યું છે. સાઇના 2012 લંડન ઓલિમ્પિકમાં બ્રોન્ઝ મેડલ જીતવામાં સફળ રહી હતી.
ભારત – એકંદરે ઓલિમ્પિક બેડમિન્ટનમાં ત્રીજો મેડલ
સાઇના નેહવાલ
બ્રોન્ઝ મેડલ: લંડન ઓલિમ્પિક્સ (2012)
પીવી સિંધુ
બ્રોન્ઝ મેડલ: રિયો ડી જાનેરો (2016)
પીવી સિંધુ
બ્રોન્ઝ મેડલ: ટોક્યો ઓલિમ્પિક (2020)
પહેલા સિંધુએ સારી શરૂઆત કરી અને 4-0ની લીડ મેળવી લીધી. આ પછી, બિંગ ઝીઓએ ફરી શરૂઆત કરી અને 5-5થી બરાબરી કરી.
ત્યારબાદ સિંધુએ શાનદાર શોટ સાથે રમતના અંત સુધી 11-8ની લીડ મેળવી હતી. આ વખતે સિંધુએ આ લીડ ન જવા દીધી અને 23 મિનિટમાં આ પહેલી ગેમ જીતી લીધી.
બીજી ગેમમાં પણ સિંધુએ રમત અંતરાલ સમયે 11-8ની લીડ માટે શાનદાર શરૂઆત કરી હતી. જોકે, ચીની ખેલાડીએ સતત ત્રણ પોઈન્ટ લઈને સ્કોર 11-11 કરી દીધો હતો. આ પછી સિંધુએ સતત ચાર પોઈન્ટ લઈને સ્કોર 15-11 કર્યો. આખરે સિંધુએ બીજી ગેમ 29 મિનિટમાં જીતીને બ્રોન્ઝ મેડલ મેળવ્યો. સમગ્ર મેચ દરમિયાન સિંધુના જોરદાર સ્મેશ સામે બિંગ ઝીઓ ઘણી વખત જમીન પર પડતા દેખાયા હતા.
સિંધુની બિંગ ઝીઓ પર આ સાતમી જીત છે. બિંગ ઝીઆઓ પહેલા રમાયેલી 15 માંથી 9 મેચ જીત્યા. તે જ સમયે, ભારતીય ખેલાડીએ છ મેચ જીતી હતી.
… આવી હતી સિંધુની સફર
HISTORY CREATED🤩@Pvsindhu1 becomes 1️⃣st 🇮🇳 woman & only 2️⃣nd athlete after @WrestlerSushil to win 2️⃣ back to back medals. It’s also 3️⃣rd consecutive #Olympic medal from #Badminton.She defeats 🇨🇳’s Bing Jiao to clinch🥉at #Tokyo2020🥳#SmashfortheGlory#Cheer4India#TeamIndia pic.twitter.com/vYYSN11dzj
— BAI Media (@BAI_Media) August 1, 2021
2019 વર્લ્ડ ચેમ્પિયન પીવી સિંધુએ ગ્રુપ-જેમાં ટોચ પર રહીને નોકઆઉટ માટે ક્વોલિફાય કર્યું હતું. 25 જુલાઇએ તેની શરૂઆતની મેચમાં તેણે ઇઝરાયલની કેસેનિયા પોલિકાર્પોવાને 21-7, 21-10થી હરાવી હતી.
આ પછી, બુધવારે છેલ્લી ગ્રુપ મેચમાં તેણે હોંગકોંગના ચેઉંગ નગન યીને 21-9, 21-16થી હરાવ્યો. ત્યારબાદ રાઉન્ડ -16 માં તેણીએ ડેનમાર્કની મિયા બ્લિચફેલ્ટને 21-15, 21-13થી હરાવીને ક્વાર્ટર ફાઇનલમાં પ્રવેશ કર્યો હતો. આ પછી સિંધુએ ક્વાર્ટર ફાઇનલમાં જાપાનની અકાને યામાગુચીને 21-13, 22-20થી હરાવી હતી.
સિંધુ સેમિફાઇનલમાં વિશ્વની નંબર 1 ચાઇનીઝ તાઇપેઇની તાઇ ત્ઝુ યિંગ સામે 18-21, 12-21થી હારી ગઇ હતી.