તમારા આધાર કાર્ડનો દુરુપયોગ થઈ રહ્યો છે કે નહીં, તેને ઘરે બેઠા આ રીતે તપાસો

આધાર કાર્ડ આપણી પર્સનલ વિગતો અને માહિતી ને આધારે તૈયાર કરવામાં આવે છે. જેમ કે આપણી જન્મતારીખ, આપણા ફિંગરપ્રિન્ટ, આપણી આંખો ની ઓળખ વગેરે. અને આપણે આધાર કાર્ડ એટલા માટે જ કઢાવતા હોઈએ છીએ કે આપણે વિશ્વસનીય રીતે આપણી માહિતી સરકાર ને આપી શકીએ જેથી વિવિધ સરકારી યોજનાનો લાભ લઇ શકીએ.

આધાર કાર્ડ દરેક નાગરિક માટે જરૂરી અને મહત્વ નો ઓળખ પુરાવો છે. તમામ સરકારી કામો માટે આધાર કાર્ડ પ્રથમ જરૂરિયાત છે. બેંક ખાતું ખોલવું હોય કે કોઈ પણ સરકારી યોજના નો લાભ લેવો હોય, આધાર મેળવવો હોય કે એલપીજી સિલિન્ડર ની સબસિડી લેવી હોય, લગભગ દરેક જગ્યાએ આધાર નંબર ની માંગણી કરવામાં આવે છે.

જો તમને લાગે કે તમારા આધાર કાર્ડ નો ક્યાંક દુરુપયોગ થઈ રહ્યો છે, તો તમે આને સરળ રીતે જાણી શકો છો. વાસ્તવમાં, યુનિક આઇડેન્ટિફિકેશન ઓથોરિટી ઓફ ઇન્ડિયા (યુઆઇડીએઆઇ), આધાર નંબર જારી કરનારી સંસ્થા, આ સુવિધા પૂરી પાડે છે, જેથી તમે ચકાસી શકો કે તમારું આધાર કાર્ડ ક્યાં વપરાયું છે.

આધાર ઓથેન્ટિકેશન હિસ્ટ્રી કેવી રીતે ચેક કરવી

પહેલા તમે આધાર નંબર જારી કરતી એજન્સી યુઆઈડીએઆઈ ની સત્તાવાર વેબસાઇટ https://resident.uidai.gov.in પર જાવ. ત્યાર પછી આધાર ઓથેન્ટિકેશન હિસ્ટ્રી પર ક્લિક કરો. હવે તમે તમારો આધાર નંબર અને સુરક્ષા કોડ દાખલ કરો છો. પછી ‘જનરેટ ઓટીપી’ પર ક્લિક કરો. ઓટીપીમાં પ્રવેશ કર્યા પછી નોટિસ નો સમયગાળો અને વ્યવહારો ની સંખ્યા આપવી પડશે. ઓથેન્ટિકેશન વિનંતીઓ ની વિગતો હવે પસંદ કરેલા સમયગાળામાં સ્ક્રીન પર દેખાશે.

જો તમને લાગે કે કોઈએ તમારા આધાર કાર્ડ નો દુરુપયોગ કર્યો છે, તો તમારે તાત્કાલિક ફરિયાદ નોંધવી પડશે. ટોલ ફ્રી નંબર ૧૯૪૭ પર કોલ કરી ને અથવા [email protected] ઇમેઇલ કરી ને ફરિયાદ નોંધાવી શકાય છે. તમે https://resident.uidai.gov.in/file-complaint લિંક પર ઓનલાઇન ફરિયાદ પણ નોંધાવી શકો છો.

તાજેતરમાં ભારત સરકારે આધાર કાર્ડ અંગે મહત્વનો નિર્ણય લીધો હતો. આ અંતર્ગત હવે લોકો ને આધાર કાર્ડ અપડેટ કરવા માટે વધારે દસ્તાવેજો ની જરૂર નહીં પડે. લોકો નામ અથવા સરનામું બદલવા માટે એક ઓળખપત્ર, ડ્રાઇવિંગ લાઇસન્સ અને શૈક્ષણિક સંસ્થા ના પત્ર નો ઉપયોગ કરી શકે છે.