કોરોના વાયરસની મહામારી વચ્ચે સૌથી મહત્વનું કામ જો કોઈ બજાવી રહ્યું હોય તો તે છે પોલીસકર્મી અને આરોગ્યકર્મીઓ. તેઓ ફ્રંટલાઈન વોરિયર્સ તરીકે ઉત્કૃટ કામ બજાવી રહ્યા છે. તેવામાં મહેસાણા જિલ્લા પોલીસ તરફથી ટિકટોક સ્ટાર અલ્પિતા ચૌધરીને પણ ફરજ પર હાજર થવા કહેવામાં આવ્યું હતું.
ટિકટોક પર લાખો ફેન્સ ધરાવતા અલ્પિતાએ પણ ખુમારીથી કહ્યું કે તે કોરોના વાયરસની મહામારી સામે લડવા તૈયાર છે અને તે તુરંત જ ફરજ બજાવવા માટે હાજર થઈ ગયા હતા. તેમણે કહ્યું હતું કે મારા ડિપાર્ટમેન્ટને મારી જરૂર છે તો આવા સમયે હું સાથ ન આપું તો કોણ આપે.
અલ્પિતા હાલ કડી પોલીસ સ્ટેશનમાં ફરજ પર હાજર થયા છે. તેમણે કહ્યું હતું કે સસ્પેન્ડ થયા બાદ તેના નવા કરિયર પર કોઈ અસર થશે નહીં. તે પહેલા પોલીસ તરીકે ફરજ બજાવશે અને ડિપાર્ટમેન્ટની મંજૂરી લઈ તે પોતાની કારર્કિદીમાં આગળ વધશે.