આમિર ખાનને બોલિવૂડનો ‘મિસ્ટર પરફેક્શનિસ્ટ’ કહેવામાં આવે છે. આમિર ખાન આજે પોતાનો 75મો જન્મદિવસ ઉજવી રહ્યો છે. સોશિયલ મીડિયા પર તેમના ચાહકો, મિત્રો અને તેમને અભિનંદન આપનારાઓનો ધસારો છે. આ અવસર પર આમિરને ઘણી કિંમતી ભેટ પણ મળી રહી છે. પરંતુ આ વખતે આમિર ખાને તેના જન્મદિવસ પર મળેલી શ્રેષ્ઠ ભેટ વિશે ખુલાસો કર્યો છે. આમિરે કહ્યું કે તેને શ્રેષ્ઠ ગિફ્ટ બીજા કોઈ નહીં પણ તેની પૂર્વ પત્ની કિરણ રાવ તરફથી મળી છે. આ માટે આમિર ખાને એક ઈન્ટરવ્યુમાં કિરણ રાવના વખાણ પણ કર્યા છે.
આમિર ખાને કહ્યું કે તેણે કિરણ રાવને તે બાબતો વિશે જણાવવા કહ્યું હતું જેમાં તેને સુધારવાની જરૂર હતી. જે બાદ કિરણ રાવે તેને લગભગ 10-12 વસ્તુઓની યાદી આપી છે, જેમાં આમિરને સુધારાની જરૂર છે. આમિર ખાને દરેક બાબતની નોંધ લીધી છે અને તે કહે છે કે તે તેના જીવનની શ્રેષ્ઠ ભેટોમાંની એક છે.
આમિર ખાન અને કિરણ રાવ ગયા વર્ષે જુલાઈમાં અલગ થઈ ગયા હતા. તેમના છૂટાછેડાના સમાચાર ચાહકો માટે આઘાત સમાન હતા. 15 વર્ષ સુધી સાથે રહ્યા બાદ બંનેએ સોશિયલ મીડિયા પર એક નિવેદન જારી કરીને અલગ થવાનો નિર્ણય લીધો હતો. કિરણ રાવ અને આમિર ખાનને એક પુત્ર આઝાદ રાવ ખાન પણ છે. આ પહેલા આમિર ખાને 1986માં રીના દત્તા સાથે લગ્ન કર્યા હતા, ત્યારબાદ બંનેએ 2002માં છૂટાછેડા લીધા હતા.
વર્ક ફ્રન્ટની વાત કરીએ તો, આમિર ખાન ટૂંક સમયમાં જ કરીના કપૂરની સાથે ફિલ્મ લાલ સિંહ ચઢ્ઢામાં જોવા મળશે. આ ફિલ્મમાં આમિર અને કરીના ઉપરાંત નાગા ચૈતન્ય પણ જોવા મળશે. આ ફિલ્મ 11 ઓગસ્ટે સિનેમાઘરોમાં રિલીઝ થશે.