આ સ્ટાર્સે એમના લગ્ન અંગે ન થવા દીધી જરા પણ જાણ, સિક્રેટ મેરેજ કર્યા આ સેલિબ્રેટીસે

ગ્લેમર ઈન્ડસ્ટ્રીમાં સંબંધો જોડાતા અને તૂટતા રહે છે. પરંતુ કેટલાક સંબંધો એવા બને છે જે જીવનભર ટકી રહે છે. જેમ કે કેટરિના કૈફ અને વિકી કૌશલના સંબંધો.બંને જ્યારે લગ્નની વાત લોકો સુધી પહોંચી તો બધા આશ્ચર્યચકિત થઈ ગયા.

આ કપલ આટલી જલ્દી લગ્નના બંધનમાં બંધાઈ જશે એવી કોઈને અપેક્ષા નહોતી. 2020માં વિકી અને કેટરિનાના લિન્ક-અપના સમાચાર લોકો સામે આવ્યા હતા. માત્ર એક વર્ષ પછી, બંનેએ સાત ફેરા લીધા અને કાયમ માટે એકબીજાના બની ગયા. તેમના સંબંધો વિશે તેમનેક્યારેય કશું કહ્યું નથી., બસ બન્ને સાથે દેખાયા એટલું જ. લગ્નમાં પણ, સવાઈ માધોપુરના સિક્સ સેન્સ ફોર્ટમાંથી લગ્નના ફોટા સામે આવ્યા ત્યાં સુધી તે ચૂપ રહ્યા.
કેટ અને વિકી ‘ચટ મગની પટ બ્યાહ’ના રૂઢિપ્રયોગને ચરિતાર્થ કરનાર પ્રથમ કપલ નથી, આ પહેલા 4 વધુ સેલેબ્સ છે જેમણે ઇઝહાર-એ-ઇશ્ક કર્યાના એક વર્ષમાં લગ્ન કર્યા છે. આવો જાણીએ તેમના વિશે….

અમીતાભ બચ્ચન અને જયા બચ્ચન

અમિતાભ બચ્ચન અને જયા બચ્ચને ઘણી ફિલ્મો સાથે કરી હતી. પરંતુ ફિલ્મ ‘એક નજર’ દરમિયાન અમિતાભ બચ્ચનનું દિલ તેમના માટે ધડક્યું હતું. વર્ષ હતું 1972. અમિતાભ બચ્ચન કહે છે કે એકવાર અમે અને જયાએ લંડન જવાનું નક્કી કર્યું. અમે આ વાત અમારા પિતા હરિવંશરાય બચ્ચનને કહી. પછી તેણે કહ્યું કે જો તમારે વિદેશ ફરવું હોય તો લગ્ન કરી લો. તે પછી અમે લગ્ન કરી લીધા. અમારા લગ્ન 3જી જૂન 1973ના રોજ થયા. પ્રેમના એક વર્ષમાં જ જયા અને અમિતાભના લગ્ન થઈ ગયા. તેમના લગ્નને 48 વર્ષ થયા છે. આજે પણ બંને વચ્ચે પ્રેમ અને આદર પહેલા જેવો જ છે.

અભિષેક બચ્ચન અને ઐશ્વર્યા રાય

અભિષેક બચ્ચન અને ઐશ્વર્યા રાયે પણ લગ્ન કરવામાં મોડું ન કર્યું. બંને પહેલીવાર ફિલ્મ ‘ઢાઈ અક્ષર પ્રેમ’માં સાથે જોવા મળ્યા હતા, પરંતુ 2006માં ‘ધૂમ 2’ દરમિયાન પ્રેમ પ્રકરણ ચાલુ થયું હતું. થોડા મહિના પછી, કપલએ સગાઈ કરી અને 20 એપ્રિલ 2007ના રોજ લગ્ન કર્યા.

શાહિદ કપૂર અને મીરા રાજપૂત

શાહિદ કપૂરે પણ મીરા રાજપૂત સાથે લગ્ન કરવામાં મોડું ન કર્યું. તેમના લગ્ન 7 જુલાઈ 2015ના રોજ થયા હતા. સમાચાર અનુસાર, અભિનેતા માત્ર 3-4 વખત મીરાને મળ્યો હતો. થોડી જ મીટિંગમાં શાહિદે તેને હમસફર બનાવવાનો નિર્ણય લીધો. તમને જણાવી દઈએ કે શાહિદ કપૂર પહેલા કરીના કપૂર સાથે ડેટ કરતો હતો અને બંનેની તસવીરો પણ હેડલાઈન્સમાં રહી હતી.

પ્રિયંકા ચોપરા અને નિક જોનસ

દેશી ગર્લ પ્રિયંકા ચોપરા ચટ મગની પટ બ્યાહ વાળા રૂઢિપ્રયોગન સાર્થક કરે છે. અભિનેત્રી નિક જોનાસને 2017 મેટ ગાલા ઇવેન્ટ દરમિયાન મળી હતી. આ પછી મિત્રતા-પ્રેમ થયો અને 1 ડિસેમ્બર 2018ના રોજ બંનેએ લગ્ન કરીને બધાને ચોંકાવી દીધા.

કેટરીના કેફ અને વિકી કૌશલ

કેટરિના કૈફ અને વિકી કૌશલનો સંબંધ હવે સાત જન્મનો થઈ ગયો છે. 9 ડિસેમ્બરે, દંપતીએ સવાઈ માધોપુરના સિક્સ સેન્સમાં સાત ફેરા લીધા. તેમની લવ સ્ટોરીના સમાચાર વર્ષ 2020માં આવ્યા હતા. એક વર્ષ બાદ બંનેએ લગ્ન કરીને ચાહકોને ચોંકાવી દીધા હતા.