કરીના સાથે લગ્ન કરતા પહેલા સૈફ અકી ખાને મોકલી હતી અમૃતા સિંહને ચિઠ્ઠી, લખી હતી આ વાત

બોલિવૂડના ફેમસ એક્ટર સૈફ અલી ખાને હિન્દી સિનેમામાં પોતાની ફિલ્મો અને પોતાના અંદાજથી જબરદસ્ત ઓળખ બનાવી છે. સૈફ અલી ખાને વર્ષ 1991માં અભિનેત્રી અમૃતા સિંહ સાથે લગ્ન કર્યા હતા, પરંતુ લગ્નજીવનમાં આવેલા ઉતાર-ચઢાવ બાદ બંનેએ વર્ષ 2004માં અલગ થવાનો નિર્ણય લીધો હતો. અમૃતા સિંહ પછી સૈફ અલી ખાન વર્ષ 2012માં અભિનેત્રી કરીના કપૂર સાથે લગ્ન બંધનમાં બંધાયા હતા. પરંતુ અભિનેત્રી સાથે લગ્ન કરતા પહેલા સૈફ અલી ખાને અમૃતા સિંહને એક ચિઠ્ઠી લખી હતી.

અમૃતા સિંહ સાથે જોડાયેલી આ વાતનો ખુલાસો ખુદ સૈફ અલી ખાને ‘કોફી વિથ કરણ’માં કર્યો હતો. કરીના કપૂર સાથેના લગ્નની પળોને યાદ કરતાં સૈફ અલી ખાને કહ્યું કે તેણે તેની પહેલી પત્નીને એક પત્ર લખ્યો હતો. આ વિશે અભિનેતાએ કહ્યું હતું કે, “હું કરીના સાથે લગ્ન બંધનમાં બાંધવાનો હતો. પરંતુ કેટલાક કારણોસર મેં જીવનમાં આગળ વધતા પહેલા અમૃતાને એક ચિઠ્ઠી લખી હતી.

તે પત્ર વિશે વાત કરતા સૈફ અલી ખાને આગળ કહ્યું, “મેં તે નોટમાં લખ્યું હતું કે, ‘આ એક નવો અધ્યાય શરૂ થઈ રહ્યો છે અને અમારી પાસે અમારો પોતાનો પણ એક ભૂતકાળ છે. શુભકામનાઓની તર્જ પર, હું પણ અમારા બંને માટે શુભેચ્છા પાઠવું છું.’ પરંતુ અમૃતા સિંહને આ નોટ મોકલતા પહેલા, મેં આ નોટ કરીનાને મોકલી અને તેને વાંચવા કહ્યું.

।”
સૈફ અલી ખાને પણ આ અંગે કરીના કપૂરની પ્રતિક્રિયા શેર કરી હતી. તેણે કહ્યું, “મેં કરીનાને પૂછ્યું કે જો આ નોટ સાચી છે તો મારે તેને ફોરવર્ડ કરવી જોઈએ અને તેણે એમ પણ કહ્યું કે તે ખરેખર સારી રીતે લખાયેલ છે. મેં તેને મોકલ્યો અને થોડા સમય પછી સારાએ મને ફોન કર્યો અને કહ્યું, ‘તમે જાણો છો કે હું કોઈ પણ ભોગે લગ્નમાં આવી હોત. પણ હવે હું લગ્નમાં દિલથી હાજરી આપીશ.”

તમને જણાવી દઈએ કે સૈફ અલી ખાને અમૃતા સિંહથી છૂટાછેડાને દુનિયાની સૌથી ખરાબ વાત ગણાવી હતી. તેણે કહ્યું હતું કે, “તે કંઈક હતું જેના વિશે હું હજી પણ વિચારું છું, હું ઈચ્છું છું કે તે થોડું અલગ હોત. મને નથી લાગતું કે આ વસ્તુ સાથે હું ક્યારેય સામાન્ય થઈ શકીશ. અહીં કેટલીક એવી બાબતો છે જે ક્યારેય સુધારી શકાતી નથી.”