શું ખરેખર મહામારી અને યુદ્ધનો સંબંધ સૂર્ય સાથે છે? આ વૈજ્ઞાનિકે કર્યો ચોંકાવનારો ખુલાસો, જાણીને તમને પણ વિચારવા મજબૂર થઈ જશો
શું પૃથ્વી પરના મહામારીઓ અને યુદ્ધો ખરેખર સૂર્યથી પ્રભાવિત છે? શું આપણા ઈતિહાસમાં બધી ક્રાંતિઓ અને મુખ્ય ઘટનાઓ સૂર્ય સાથે સંબંધિત છે? તમને આ સવાલો અજીબોગરીબ લાગતા હશે, પરંતુ એક વૈજ્ઞાનિકે ઘણા સમય પહેલા તેના વિશે ઘણા નક્કર પુરાવા રજૂ કર્યા હતા.
વિશ્વભરમાં કોરોનાની મહામારી વચ્ચે રશિયા અને યુક્રેનમાં યુદ્ધ ફાટી નીકળ્યું છે, જે બાદ ત્રીજા વિશ્વ યુદ્ધનો ખતરો તોળાઈ રહ્યો છે. જો ત્રીજું વિશ્વ યુદ્ધ થાય તો મોટા પાયે જાનમાલનું નુકસાન થશે. આ યુદ્ધમાં સામેલ દેશ અને બહાર રહેતા લોકો બંનેને તેનો સામનો કરવો પડશે. હવે સવાલ એ ઊભો થાય છે કે શું આ સમયે દુનિયામાં જે કંઈ પણ થઈ રહ્યું છે તેનો સંબંધ સૂર્ય સાથે છે? પ્રખ્યાત રશિયન વૈજ્ઞાનિક એલેક્ઝાન્ડર ચિઝેવસ્કીએ વિશ્વમાં મહામારી અને યુદ્ધને સૂર્ય સાથે જોડ્યું હતું અને તેના પુરાવા પણ આપ્યા હતા.
આની શોધ 1920માં રશિયન વૈજ્ઞાનિક ચિઝેવસ્કીએ કરી હતી. સંશોધન દરમિયાન તેમને જાણવા મળ્યું કે દર 11 વર્ષે સૂર્ય પર સમયાંતરે વિસ્ફોટ થાય છે. ચિઝેવસ્કીને તેની શોધ દરમિયાન ખબર પડી કે પૃથ્વી પર યુદ્ધ અને ક્રાંતિ ત્યારે જ શરૂ થાય છે જ્યારે સૂર્ય પર પરમાણુ વિસ્ફોટ થાય છે.
ચિયાઝેવસ્કીએ કહ્યું કે 700 વર્ષના લાંબા ઈતિહાસમાં જ્યારે પણ સૂર્ય પર આવી ઘટનાઓ બની છે ત્યારે પૃથ્વી પર અકસ્માતો થયા છે. સૌથી મોટી વાત એ છે કે રશિયન વૈજ્ઞાનિકે તેનું વૈજ્ઞાનિક વિશ્લેષણ પણ કર્યું હતું.
ચિઝેવસ્કીના વિશ્લેષણ પછી, તેમને સોવિયેત યુનિયનના નેતા, જોસેફ સ્ટાલિન દ્વારા જેલમાં ધકેલી દેવામાં આવ્યા હતા. સ્ટાલિનના મૃત્યુ પછી ચિયાઝેવસ્કીને જેલમાંથી મુક્ત કરવામાં આવ્યો હતો. જોસેફ સ્ટાલિન માનતા હતા કે પૃથ્વી પરની તમામ ક્રાંતિનું કારણ આર્થિક વિવિધતા છે, જ્યારે ચિઝેવ્સ્કી માનતા હતા કે આનું કારણ સૂર્ય પર વિસ્ફોટ છે.
