ઓટો રીક્ષાની સવારી કરતા દેખાયા બિગ બોસ 15ના ફર્સ્ટ રનર અપ પ્રતીક સહજપાલ, જુઓ વિડીયો
જ્યારે તેજસ્વી પ્રકાશ ટીવીના લોકપ્રિય રિયાલિટી શો બિગ બોસ 15 ની વિજેતા હતી, ત્યારે પ્રતીક સહજપાલે પ્રથમ રનર અપનો ખિતાબ જીતીને દર્શકોના દિલ જીતી લીધા હતા. આ શોનો ગ્રાન્ડ ફિનાલે ગયા અઠવાડિયે થયો હતો પરંતુ શો પૂરો થયા પછી પણ ઘણા સ્પર્ધકો હજી પણ હેડલાઇન્સમાં છે. રિયાલિટી શોના અંત પછી, જ્યારે તેજસ્વી પ્રકાશ અને કરણ કુન્દ્રા તેમના સંબંધો અને લગ્નની તૈયારીઓને લઈને ચર્ચામાં છે, ત્યારે અન્ય સ્પર્ધકો પણ કોઈને કોઈ કારણોસર હેડલાઈન્સ બનાવી રહ્યા છે.આ શોમાં પ્રતિક સહજપાલને તેના પ્રામાણિક અને નમ્ર વલણ માટે પ્રેક્ષકો દ્વારા પ્રશંસા કરવામાં આવી હતી. હવે પ્રતીક તાજેતરમાં ઓટો રિક્ષા ચલાવતો જોવા મળ્યો છે.
નોંધનીય છે કે પ્રતીક સહજપાલે MTV Ace of Space અને MTV લવ સ્કૂલ જેવા ઘણા રિયાલિટી શોમાં પણ ભાગ લીધો છે. તાજેતરમાં તે મુંબઈમાં ઓટો-રિક્ષા ચલાવતો જોવા મળ્યો હતો. કાળા શર્ટ અને બ્લુ ટ્રાઉઝર પહેરેલા પ્રતીકનો એક વીડિયો વાયરલ થઈ રહ્યો છે, જેમાં તે ઓટોમાં બેસીને જતો જોવા મળી રહ્યો છે.આ વીડિયોમાં પ્રતિક વીડિયો બનાવનાર પાપારાઝી સાથે વાત કરતો જોવા મળ્યો હતો.
View this post on Instagram
આ વીડિયો વિરલ ભાયાણીએ શેર કર્યો છે. જેના પર પ્રતિક સહજપાલના ફેન્સ ઘણી કોમેન્ટ કરી રહ્યા છે અને તેની સાદગીને પસંદ કરી રહ્યા છે. ‘બિગ બોસ 15’માં પણ પ્રતીક સહજપાલને એવું કહેતા સાંભળવામાં આવ્યા હતા કે તે વાસ્તવિક દુનિયાને ખૂબ જ મિસ કરી રહ્યો છે. જ્યારે પાપારાઝીએ તેને તેનો માસ્ક હટાવવાનું કહ્યું ત્યારે તે શરૂઆતમાં અનિચ્છા દર્શાવતો હતો, પરંતુ આખરે તેણે વિનંતી સ્વીકારી હતી.આ વીડિયો જોઈને તેના ફેન્સ તેની નમ્રતાની પ્રશંસા કરી રહ્યા છે. એક પ્રશંસકે લખ્યું, “વેરી ડાઉન ટુ અર્થ અને સ્વીટ બોય…લવ યુ પ્રતીક ભાઈ” જ્યારે બીજાએ ટિપ્પણી કરી “તે ખૂબ જ સુંદર છે”. અન્ય એક ચાહકે લખ્યું, “તે ખરેખર નમ્ર અને સરસ છે. લોકો તેને નકલી કહે છે પણ તે અસલી છે.”
તમને જણાવી દઈએ કે પ્રતિક સહજપાલે બિગ બોસ ઓટીટી કર્યા બાદ જ શોની 15મી સીઝનમાં પ્રવેશ કર્યો હતો. તે બિગ બોસ ઓટીટીનો ફાઇનલિસ્ટ હતો. આ કારણોસર, તેને સીઝન 15નો મજબૂત સ્પર્ધક માનવામાં આવતો હતો. રિપોર્ટ્સ અનુસાર પ્રતિક સહજપાલ દર અઠવાડિયે 2 લાખની કમાણી કરે છે.