આ સેક્સ્યુઅલ અબયુઝના કિસ્સા સાંભળી તમારું હૃદય પણ દ્રવી ઉઠશે, જાણો વધુ વિગત

સીબીઆઈના અધિકારીઓ છેલ્લી વખત પોતાનું પ્લાનિંગ ફિક્સ કરી રહ્યા હતા. એક એક ગલી, એક એક ઘર અને એક એક વ્યક્તિની ઓળખ થઈ ચૂકી હતી. પરંતુ 14 રાજ્યોના 77 અલગ-અલગ શહેરોમાં એક જ સમયે દરોડા પાડવાના હતા, તેથી તેઓ કોઈ જોખમ નહોતા લઈ શકતા. બાળકોને ખૂબ જ ખરાબ દલદલમાંથી બહાર કાઢવાની વાત છે. એવી દલદલ જેમાં આપણા ઘરના બાળકો પણ ફસાઈ શકે. અને અમને ખબર નથી કે અહીં અમે 13 વર્ષની છોકરી અને 16 વર્ષની છોકરીની સાથે 8 વર્ષના છોકરાની વાર્તા રાખી રહ્યા છીએ. પહેલા આ વાંચો, પછી વધુ ઊંડાણમાં જાઓ

પહેલો કેસ- ઓનલાઇન મુલાકાત, વર્ચ્યુઅલ મિત્રતા અને પછી મહિનાઓ સુધી યૌન શોષણ

હૈદરાબાદની 13 વર્ષની જલ્પા (નામ બદલ્યું છે) મિડલ કલાસ ફેમીલીમાંથી આવે છે. સોફ્ટવેર એન્જિનિયર પિતા અને ડોક્ટર માતાની એકમાત્ર પુત્રી જલ્પા અભ્યાસ સિવાય ઇન્ટરનેટ સર્ફિંગ કરવામાં ઘણો સમય વિતાવે છે. વર્ષ 2018 માં, જલ્પાએ સોશિયલ મીડિયા પ્લેટફોર્મ ફેસબુક પર એક વયસ્ક મહિલા સાથે મિત્રતા કરી. શરૂઆતના દિવસોમાં બંને સામાન્ય રીતે હાય-હેલો કરે છે અને સામાન્ય વાતચીત થાય છે, ત્યારબાદ ધીરે ધીરે જલ્પા પોતાની પર્સનલ વાતો આ મહિલા સાથે શેર કરવા લાગે છે.

જલ્પાને ઘણા સમયથી એ વાતની ચીડ આવી હતી કે મારી બોડી શેપ સારી નથી અને તેથી જ મારા મિત્રો મારી મજાક ઉડાવતા રહે છે. જલ્પાએ પોતાની સમસ્યા તેની ફેસબૂક મહિલા મિત્ર સમક્ષ વ્યક્ત કરી હતી. ફેસબુક વાળી મહિલાએ જલ્પાને સાંત્વના આપી કે તેણી તેના બોડી શેપને યોગ્ય બનાવવામાં મદદ કરશે. આ પછી જલ્પા વીડિયો ચેટિંગ પર મહિલા પાસેથી ફિઝિકલ ટ્રેનિંગ લેવાનું શરૂ કરે છે અને આ ક્રમમાં જલ્પાને તેના કપડા ઉતારવા અને પ્રાઈવેટ પાર્ટને લગતી કેટલીક કસરતો કરવા માટે કહેવામાં આવે છે.

લગભગ 4 મહિના પછી, જલ્પાના કઝીન, ઇન્ટરનેટ સર્ફિંગ કરતી વખતે, એક ચાઇલ્ડ પોર્ન વિડિયો જુએ છે અને તેમાં તે તેની બહેન ઐશ્વર્યાનો ખૂબ જ ‘ગંદો’ વીડિયો જુએ છે. પરિવારજનોને આ અંગેની જાણ થતાં તેઓ ખળભળાટ મચી ગયો હતો. માતા-પિતાએ આ સમગ્ર ઘટના સુનિતા ક્રિષ્નન સાથે શેર કરી, જે બાળ અપરાધ રોકવાના અભિયાનમાં વ્યસ્ત હતી. સુનિતાને તેના સામાજિક કાર્યો માટે 2016માં પદ્મશ્રીથી પણ સન્માનિત કરવામાં આવી છે.

સુનીતા કહે છે કે ‘જલ્પાનો કેસ ઓનલાઈન ચાઈલ્ડ એબ્યુઝનો એવો મામલો હતો જેમાં પીડિત છોકરીને ક્યારેય એ વાતનો અહેસાસ પણ નહોતો થયો કે તેનું યૌન શોષણ થઈ રહ્યું છે. જ્યારે જલ્પાને ચાઈલ્ડ પોર્ન વીડિયો વિશે ખબર પડી તો તેણે પોતાને રૂમમાં બંધ કરી દીધી અને કોઈને મળવાની ના પાડી.

જલ્પાના પરિવારે પોલીસમાં આ કેસ દાખલ કરવાનો ઇનકાર કર્યો હતો. સ્પષ્ટ છે કે જલ્પાની જેમ ઘણા કેસ પોલીસ રેકોર્ડમાં પણ આવતા નથી. તેથી, ઓનલાઈન ચાઈલ્ડ સેક્સ્યુઅલ અબ્યુઝની આ સમસ્યા આંકડા કરતા ઘણી મોટી છે.

બીજો કેસ- કેરળની 16 વર્ષની છોકરી

કેરળ પોલીસની સાયબર ક્રાઈમ ટીમને ડાર્ક નેટ પર દેખરેખ દરમિયાન એક સગીર છોકરીનો ભયાનક વીડિયો મળ્યો. પોલીસને ત્રણ મહિના સુધી ઈન્ટરનેટના ડાર્ક વેબમાં સખત સંઘર્ષ કરવો પડ્યો હતો. આ વીડિયોના મૂળનું IP એડ્રેસ ખાસ સોફ્ટવેર દ્વારા શોધી કાઢવામાં આવ્યું હતું અને એક ભયાનક વાર્તા બહાર આવી હતી.

, કોવિડની પ્રથમ લહેર પછી, જાન્યુઆરી 2021માં કેરળની રાજધાની તિરુવનંતપુરમમાં પોલીસ હેડક્વાર્ટરથી માત્ર 3 કિમી દૂર એક ઘરમાં 16 વર્ષની છોકરી જિનલ (નામ બદલ્યું છે)નું જાતીય શોષણ કરવામાં આવ્યું. યૌન શોષણ કરનાર કોઈ બહારની વ્યક્તિ નહીં પરંતુ જિનલના કાકા હતા. જિનલનું યૌન શોષણ કરવાની સાથે તેનો વિડિયો પણ બનાવતો અને પછી તેના કાકા તે વીડિયો ચાઈલ્ડ પોર્નોગ્રાફી માર્કેટમાં વેચતા.

કેરળ પોલીસના ADG અને સાયબર વિભાગના પ્રમુખ મનોજ અબ્રાહમ કહે છે કે- ‘અમને આવા ઘણા કિસ્સાઓ મળ્યા છે જેમાં ફક્ત બાળકોના પેરેન્ટ્સ અથવા પરિચિતો જ પોર્ન કન્ટેન્ટ રેકોર્ડ કરી રહ્યા છે. ચાઇલ્ડ પોર્નોગ્રાફિક કન્ટેન્ટનું લાઇવ સ્ટ્રીમિંગ સારી રકમ કમાય છે. આ રીતે ઘરમાં જ બાળકોનું શોષણ ચાલી રહ્યું છે

ત્રીજો કેસ- ચેટિંગ, મિત્રતા, સેકટિંગ, પછી બ્લેકમેલીંગ અમે વારંવાર ચાઈલ્ડ સેક્સ્યુઅલ અબ્યુઝ

8 વર્ષનો રાજ (નામ બદલ્યું છે) મુંબઈના મિડલ કલાસ પરિવારમાંથી આવતો હતો. તેના બાકીના મિત્રોની જેમ તે પણ ઇન્ટરનેટ પર એકદમ એક્ટિવ હતો. વર્ષ 2016 માં, સોશિયલ મીડિયા પ્લેટફોર્મ પર સર્ફિંગ કરતી વખતે, રાજની અન્ય વ્યક્તિ સાથે વર્ચ્યુઅલ મિત્રતા થઈ ગઈ. એક દિવસ અચાનક સામેની વ્યક્તિએ તેના પ્રાઈવેટ પાર્ટની તસવીરો મોકલી. બદલામાં રાજે તેને તેના પ્રાઈવેટ પાર્ટની તસવીરો પણ મોકલવાનું શરૂ કર્યું.

હવે સામેની વ્યક્તિએ આ તસવીરોના આધારે રાજને બ્લેકમેલ કરવાનું શરૂ કર્યું અને કહ્યું કે તું આવા વધુ ફોટો-વિડિયો મોકલ. રાજને ધમકી આપવામાં આવી હતી કે જો તે તેના પ્રાઈવેટ પાર્ટના વધુ ફોટો, વીડિયો નહીં મોકલે તો તે જૂના ફોટો વાયરલ કરી દેશે.

બ્લેકમેઈલ કર્યા બાદ પણ રાજને આ સેક્સ્યુઅલ વીડિયો શૂટ કરીને આપવા દબાણ કરવામાં આવ્યું હતું. આ પછી રાજના માતા-પિતાને આ ઘટનાની જાણ થઈ અને તેઓ સ્તબ્ધ થઈ ગયા. માતા-પિતાએ રાજ પર થયેલા જાતીય શોષણની પોલીસને જાણ કરી હતી. પૂછપરછ દરમિયાન રાજે જણાવ્યું કે – તે યૌન શોષણની જાળમાં ફસાઈ ગયો છે. બાળકોના યૌન શોષણ પર કામ કરતી સંસ્થા આરંભ ઈન્ડિયાના સભ્ય સિદ્ધાર્થ પિલ્લઈને આ મામલાની માહિતી મળી. સિદ્ધાર્થ એક IT નિષ્ણાત છે અને ઑનલાઇન ચાઈલ્ડ અબ્યુઝ કન્ટેન્ટને ડિટેકટ કરવા અને એને ઈન્ટરનેટ પરથી હટાવવાનું કામ કરે છે.
ઈન્ટરપોલના તાજેતરના રિપોર્ટ અનુસાર, ભારતમાં 2017 અને 2020 વચ્ચે ઓનલાઈન ચાઈલ્ડ સેક્સ્યુઅલ અબયુઝના લાખ કેસ નોંધાયા છે. પીડિતોમાં 80% 14 વર્ષથી ઓછી ઉંમરની છોકરીઓ છે.

હાલમાં જ CBIએ ચાઈલ્ડ પોર્નોગ્રાફીના સંબંધમાં 14 રાજ્યોમાં 70 સ્થળો પર દરોડા પાડ્યા હતા. પૂછપરછ બાદ એજન્સીએ દિલ્હી, નોઈડા, ઢેંકનાલ, ઝાંસી અને તિરુપતિ જેવા સ્થળોએથી 7 લોકોની ધરપકડ કરી છે. અમે ચાઇલ્ડ પોર્નોગ્રાફીની તપાસ કરી છે અને ત્રણ રિપોર્ટની સિરીઝ તૈયાર કરી છે.

એપ્રિલ 2020 માં, ઇન્ડિયા ચાઇલ્ડ પ્રોટેક્શન ફંડ (ICPF) એ ભારતમાં ચાઇલ્ડ પોર્ન કન્ટેન્ટની ડિમાન્ડ પર સંશોધન હાથ ધર્યું હતું. આ રિસર્ચમાં જાણવા મળ્યું કે ભારતના 100 શહેરોમાંથી દર મહિને સરેરાશ 50 લાખ ચાઈલ્ડ પોર્ન કન્ટેન્ટની ડિમાન્ડ કરવામાં આવે છે. ‘ચાઈલ્ડ પોર્ન’, ‘સેક્સી ચાઈલ્ડ’ અને ‘ટીન સેક્સ વીડિયો’ પબ્લિક નેટ પર ટ્રેંડિંગ સર્ચ છે. આ સામગ્રી જોનારા 90% લોકો પુરુષો હતા. પોર્ન સાઇટ પોર્નહબના ડેટા અનુસાર, ભારતમાં 24 માર્ચથી 26 માર્ચ, 2020 વચ્ચે પોર્નની માંગમાં 95%નો ઉછાળો આવ્યો હતો.

નેશનલ સેન્ટર ફોર મિસિંગ એન્ડ એક્સપ્લોઈટેડ ચિલ્ડ્રન (NCMEC), એક અમેરિકન એનજીઓ જે સેક્સ્યુઅલ એબ્યુઝ મટિરિયલ્સ (CSAM) પર કામ કરે છે, અનુસાર, ચાઈલ્ડ પોર્ન સંબંધિત કન્ટેન્ટના સંદર્ભમાં ભારત વિશ્વમાં પ્રથમ ક્રમે છે. ભારત પછીની યાદીમાં, વર્ષ 2020માં, NCMEC એ 2.17 કરોડ સીસમ કન્ટેન્ટનો રિપોર્ટ સાયબર ટિપ નામની એજન્સીને આપ્યો હતો. 2019 ની સરખામણીએ વર્ષ 2020 માં સીસમ સામગ્રીમાં 28% નો વધારો થયો હતો. આ વધારાનું મુખ્ય કારણ કોવિડ પીરિયડ છે