બાળકોમાં સામાન્ય જોવા મળતી કૃમિની સમસ્યા દૂર કરવા માટે આ રીતે બાળકોને અજમો ખવડાવો
ભારતીય ખાદ્ય પદાર્થોમાં સદીઓથી અજમાનો ઉપયોગ કરવામાં આવે છે. અજમો પાચન, લાભકારી, તીક્ષ્ણ, ગરમ, ચટપટો, કડવો અને પિત્તરસ વિષયક છે. પાચન દવાઓમાં તેનું ખૂબ મહત્વનું સ્થાન છે. આયુર્વેદ મુજબ અજમો પાચન શક્તિ જાળવે છે. તે કફ, પેટ અને છાતીમાં દુખાવો અને કૃમિના રોગમાં ફાયદાકારક છે. આ ઉપરાંત, એડકી, ઉબકા, બેચેની, અપચો, યુરિનમાં સમસ્યા અને પાથરી જેવા રોગોમાં પણ ફાયદાકારક છે.
શરદી-ઉધરસમાં ફાયદાકારક
બંધ નાક, શરદી અથવા ઉધરસની સમસ્યા દૂર કરવા માટે અજમાને થોડું ક્રશ કરો અને તેને એક કાપડમાં બાંધીને સુગંધ લો. શિયાળામાં થોડો અજમો સારી રીતે ચાવવો અને ચાવ્યા પછી તેને પાણીથી ગળી લો. આ ઉપાય અપનાવવાથી શરદી-ઉધરસ જેવી સમસ્યામાં તમને ઘણી રાહત મળશે.
પીરિયડ્સની પીડા દૂર થશે
પીરિયડ્સમાં થતો દુખાવો ઓછો કરવા માટે અજમાનો ઉપયોગ શ્રેષ્ઠ છે. આ માટે 15 થી 30 દિવસ સુધી જમ્યા પછી અથવા જમતા સમયે નવશેકા પાણી સાથે અજમો ખાવાથી પીરિયડ્સમાં થતો દુખાવો દૂર થાય છે.
વજન ઘટાડવામાં મદદરૂપ છે
જાડાપણું ઘટાડવા માટે પણ અજમો ફાયદાકારક છે. આ માટે રાત્રે એક ગ્લાસ પાણીમાં એક ચમચી અજમો પલાળી લો. સવારે આ પાણી ગાળી લો અને તેમાં એક ચમચી મધ મિક્સ કરીને પીવાથી ફાયદો થાય છે. તેના નિયમિત સેવનથી જાડાપણું ઓછું થાય છે.
ગર્ભાવસ્થામાં ફાયદાકારક
ગર્ભાવસ્થા દરમિયાન અજમાનું સેવન કરવું મહિલાઓ માટે ફાયદાકારક છે. આ લોહીને સાફ તો રાખે જ છે સાથે તે આખા શરીરમાં લોહીનો પ્રવાહ પણ ચલાવે છે. ડિલિવરી પછી પણ અજમાનું પાણી પીવું એ સ્ત્રીઓ માટે સારું છે.
પાચનતંત્ર માટે ઉપયોગી
જો પેટમાં જંતુઓ હોય, તો પછી કાળા મીઠાની સાથે અજમો ખાઓ. પેટમાં અસ્વસ્થતા આવે ત્યારે અજમો ચાવવો ત્યારબાદ એક કપ ગરમ પાણી પીવો. જો તમને લીવરની તકલીફ હોય તો, 3 ગ્રામ અજમો અને અડધો ગ્રામ મીઠું ભોજન બાદ લેવાથી ફાયદો થશે. જો પાચક તંત્રમાં કોઈ તકલીફ થાય છે, તો અજમાને છાશ સાથે મિક્સ કરીને પીવાથી રાહત મળશે.
મોમાં આવતી તીવ્ર દુર્ગંધ દૂર કરો
જ્યારે મોમાં તીવ્ર દુર્ગંધ આવે છે ત્યારે તેને થોડા અજમાને પાણીમાં ઉકાળો અને આ પાણીને ગાળી લો. હવે આ પાણીથી દિવસમાં બે થી ત્રણ વખત કોગળા કરવાથી મોંની ગંધ સમાપ્ત થાય છે.
ઉધરસમાં ફાયદાકારક
ઉધરસની સમસ્યા થવા પર અજમાનું સેવન કરવું ખૂબ ફાયદાકારક છે. જો તમને સતત ઉધરસ આવે છે, તો અજમાના રસમાં બે ચપટી કાળું મીઠું નાખીને પીવો અને તે પછી ગરમ પાણી પીવો. આ તમારી ઉધરસની સમસ્યા દૂર કરશે.
પેઢામાં સોજાની સમસ્યા દૂર થશે
જ્યારે પેઢામાં સોજો આવે છે, ત્યારે નવશેકા પાણીમાં થોડા અજમાના તેલના ટીપાં ઉમેરીને આ પાણીથી કોગળા કરવાથી સોજો ઓછો થાય છે. અજમાથી બનેલું ટૂથપેસ્ટ પેઢાથી સંબંધિત તમામ રોગોને દૂર કરે છે.
સંધિવા માં ફાયદાકારક
સંધિવાની પીડાથી રાહત મેળવવા માટે અજમાનું ચૂર્ણ બનાવીને તેને એક કપડામાં બાંધી લો. હવે આ કપડાથી સંધિવા પર શેક કરવાથી પીડામાં રાહત મળે છે અથવા અજમામાં સરસવ તેલના થોડા ટીપા ઉમેરીને તેને ગરમ કરો. ત્યારબાદ આ મિક્ષણથી સાંધાની માલિશ કરવાથી દુખાવામાં રાહત મળશે. સંધિવાને મટાડવા માટે, અડધા કપ અજમાના રસમાં અડધી ચમચી સૂંઠનો પાવડર અને પાણી મિક્સ કરીને આ પીણાંનું સેવન કરો.
પેટમાંથી કૃમિ દૂર કરો
બાળકોના પેટમાં કૃમિ હોય ત્યારે અજમો ખાવાથી જંતુઓ ભાગી જાય છે. આ માટે, બાળકોને રાત્રે સુતા પેહલા લગભગ અડધો ગ્રામ અજમો અને એટલી જ માત્રામાં કાળું મીઠું મિક્સ કરીને નવશેકા પાણી સાથે બાળકને આપવું. થોડા દિવસોમાં જ કૃમિની સમસ્યા દૂર થશે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત