કોરોનાના ડેલ્ટા વેરિએન્ટે સમગ્ર વિશ્વમાં તબાહી મચાવી છે. હવે ડેલ્ટાના પરિવાર સાથે સંકળાયેલ AY.12 સ્ટ્રેઇન(Delta New Sublineage) પણ ભારતના ઘણા રાજ્યોમાં જોવા મળ્યો છે. તાજેતરમાં ઇઝરાયલમાં કોરોનાના કેસોમાં અચાનક થયેલા વધારા માટે પણ તે જવાબદાર હોવાનું માનવામાં આવે છે. INSACOG ના સાપ્તાહિક અપડેટ મુજબ, ડેલ્ટા વેરિએન્ટ હજુ પણ વિશ્વભરના લોકોને ચેપ લગાવી રહ્યો છે. ઇઝરાયેલમાં 60 ટકા વસ્તીનું રસીકરણ હોવા છતાં, નવા ચેપગ્રસ્ત લોકોની સંખ્યા રેકોર્ડ સુધી વધી છે. INSACOG વિભિન્ન લેબ્સનું એક અખિલ ભારતીય નેટવર્ક છે જે COVID-19 ના જીનોમ અભ્યાસ પર નજર રાખે છે.
એવું કહેવામાં આવી રહ્યું છે કે અગાઉ જે કેસો ભારતમાં ડેલ્ટા વેરિએન્ટ સાથે જોડાયેલા હોવાનું માનવામાં આવતું હતું તે હવે AY.12 તરીકે વર્ગીકૃત કરી શકાય છે. INSACOG એ તેના બુલેટિનમાં કહ્યું છે કે AY.12 સ્ટ્રેનના સંપૂર્ણ કેસો બહાર આવવામાં સમય લાગશે કારણ કે વ્યાખ્યા હજુ ચોક્કસ નથી.
ડેલ્ટા વેરિએન્ટ અને AY.12
તે હજુ સ્પષ્ટ નથી કે AY.12 તબીબી રીતે ડેલ્ટા વેરિઅન્ટથી અલગ છે. INSACOG એ આ વાત કહી છે. ડેલ્ટા વેરિએન્ટમાં હાજર G142D સ્પાઇક પ્રોટીન AY.12 સ્ટ્રેનમાં નથી. આ વેરિએન્ટના સ્પાઈક પ્રોટીનમાં કોરોના વાયરસ પરિવાર સાથે મળતા કોઈ કોઈ પણ મ્યૂટેશન મળ્યા નથી, જે મોટા પ્રમાણમાં લોકો માટે જોખમી હોય. પરંતુ ઇઝરાયલમાં ઝડપથી વધી રહેલા કેસોએ તેના વિશે વિચારવાની ફરજ પાડી છે. AY.12 હાલમાં ઇઝરાયેલમાં સૌથી પ્રબળ સ્ટ્રેન છે. આ વેરિઅન્ટ લગભગ 51 ટકા સેમ્પલમાં જોવા મળી રહ્યું છે.
ભારતમાં 1504 નમૂનાઓ
Outbreak.org તરફથી પ્રાપ્ત માહિતી અનુસાર, અત્યાર સુધીમાં ભારતમાં આ સ્ટ્રેનના 1504 નમૂના મળી આવ્યા છે. AY.12 નમૂના 7 સપ્ટેમ્બર 2020 ના રોજ ભારતમાં પ્રથમ વખત નોંધવામાં આવ્યું હતા.
ડેલ્ટા વેરિએન્ટ સૌથી ખતરનાક વેરિએન્ટ કેમ છે?
કોરોનાવાયરસનો ડેલ્ટા વેરિએન્ટ સૌથી ખતરનાક વેરિએન્ટ કેમ છે? આને લગતા મહત્વના સંશોધનો સામે આવ્યા છે. ટેક્સાસ યુનિવર્સિટીના વૈજ્ઞાનિકોએ આ રહસ્યનો પર્દાફાશ કર્યો છે. ચાલો તમને જણાવી દઈએ કે લાંબા સમય સુધી, વિશ્વના વૈજ્ઞાનિકો સામે આ પ્રશ્ન રહ્યો કે ડેલ્ટા વેરિઅન્ટ વધુ અને ખતરનાક કેમ છે? એક પ્રકાશિત સમાચાર અનુસાર, વૈજ્ઞાનિકો દાવો કરે છે કે વધુ ખતરનાક ડેલ્ટા વેરિએન્ટનું કારણ P681R મ્યૂટેશન છે. માહિતી અનુસાર, તે શ્વસનતંત્રના એપિથિલિયલ સેલ્સમાં આલ્ફા વેરિએન્ટની તુલનામાં ઝડપથી ફેલાય છે. સંશોધનમાં દાવો કરવામાં આવ્યો હતો કે જ્યારે p681R મ્યૂટેશન દૂર કરવામાં આવ્યું હતું, ત્યારે એવું જોવામાં આવ્યું હતું કે ચેપનો દર લગભગ સમાપ્ત થઈ ગયો છે, તેથી ડેલ્ટા વધુ ચેપી હોવાનું આ મુખ્ય કારણ હોઈ શકે છે.
વાયરલ લોડ 300 ગણો વધારે
વૈજ્ઞાનિકોએ ડેલ્ટા વેરિએન્ટ વિશે દાવો કર્યો છે કે વાયરલ લોડ તેનાથી પ્રભાવિત લોકોમાં 300 ગણો વધારે છે, પરંતુ તેનો અર્થ એ નથી કે આ વેરિએન્ટ 300 ગણો વધારે ચેપી છે. યુનિવર્સિટી ઓફ ટેક્સાસ મેડિકલ બ્રાન્ચના વાઇરોલોજિસ્ટ પ્રો. પેઇ-યોંગ શી કહે છે કે સંશોધનમાં તેને વાયરસના આ સ્વરૂપમાં એમિનો એડ્સનું મ્યૂટેશન મળ્યું છે, જે તેના વધુ ચેપી અને જીવલેણ માટેનું મુખ્ય કારણ હોઈ શકે છે.
પ્રો. પેઇ યોંગ શી દાવો કરે છે કે જ્યારે વાયરસ કોષોમાં પ્રવેશ કરે છે, ત્યારે તેનું સ્પાઇક પ્રોટીન કોષોના પ્રોટીનને બે વાર કાપી નાખે છે. તેમણે કહ્યું કે વાયરસની ફ્યુરિન ક્લીવેજ સાઇટ પહેલા કાપી નાખે છે. આ પછી, ચેપગ્રસ્ત કોષોમાંથી બનેલા નવા વાયરલ કણો ઝડપથી મુખ્ય કોષોને ચેપ લગાડે છે, જે ટૂંકા સમયમાં જીવલેણ સ્વરૂપ ધારણ કરે છે.
પ્લાઝ્મા મેબ્રેનને ફ્યુઝ કરે છે
તો બીજી તરફ, અન્ય સંશોધક, યુનિવર્સિટી ઓફ ટોક્યો વાઇરોલોજિસ્ટ પ્રોફેસર પી સાટો પણ કહે છે કે વાયરસના સ્પાઇક પ્રોટીનમાં P681R મ્યૂટેશન તંદુરસ્ત કોષોના પ્લાઝ્મા મેબ્રેનને ત્રણ ગણી ઝડપથી ફ્યુઝ કરે છે.