અમીતાભથી લઈને પ્રિયંકા સુધીના, આ સેલેબ્સે કરાવ્યો છે એમના બોડી પાર્ટ્સનો ઇન્સ્યોરન્સ
પ્રોપર્ટી, જ્વેલરી, કાર, આપણું જીવન અથવા દરેક મૂલ્યવાન વસ્તુ કે જે આપણે સખત મહેનતથી મેળવીએ છીએ અથવા જે ખોવાઈ જવા અથવા નુકસાન થવાનો ડર હોય તેનો વીમો લઈએ છીએ. પરંતુ બોલિવૂડના કેટલાક સેલેબ્સે પ્રોપર્ટી કે સામાનનો નહિ તેમના શરીરના અંગોનો વીમો કરાવ્યો છે, આજે આપણે એવા કેટલાક સેલેબ્સ વિશે જાણીશું જેમણે પોતાના શરીરના અંગોનો કરોડોનો વીમો કરાવ્યો છે.
પ્રિયંકા ચોપરા
ઈન્ટરનેશનલ ડીવા બની ચૂકેલી અભિનેત્રી પ્રિયંકા ચોપરાના તેના સેક્સી હોઠ અને મોહક સ્મિત માટે લાખો દીવાના છે. તેના પરફેકટલી સેટ કરેલા દાંત અને સેક્સી હોઠનું કોમ્બિનેશન વાળી સ્માઈલ ખરેખર કિલર છે. કદાચ પ્રિયંકાને પણ આ વાતની જાણ હશે એટલે જ તેણે પોતાની સ્માઈલનો વીમો કરાવ્યો છે.
અમિતાભ બચ્ચન
બિગ બી અમિતાભ બચ્ચનનો દમદાર અવાજ માત્ર બોલિવૂડમાં જ નહીં પરંતુ સમગ્ર વિશ્વમાં આઇકોનિક માનવામાં આવે છે. ફિલ્મોનું પાત્ર હોય કે ટેલિવિઝન પરનો ગેમ શો, અમિતાભના અવાજના જાદુથી દરેક જણ પ્રભાવિત થાય છે. અમિતાભ પણ તેમના અવાજની કિંમત જાણે છે, તેથી તેમણે તેમના અવાજનો વીમો કરાવ્યો છે. એકવાર એક ગુટકા બ્રાન્ડે તેમની બ્રાન્ડને પ્રમોટ કરવા માટે તેમના અવાજનો ઉપયોગ કર્યો હતો, જેનાથી તે ખૂબ ગુસ્સે થયો હતો. ભવિષ્યમાં ફરી એવું ન થાય એટલે એમને પોતાના અવાજનો ઇન્સ્યોરન્સ કરાવી લીધો
.
સની દેઓલ
આમ તો સની તેના અઢી કિલોના હાથ માટે પ્રખ્યાત છે, પરંતુ તેણે તેના અઢી કિલોના હાથનો વીમો નથી લીધો, પરંતુ તેના અવાજ અને ડાયલોગ ડિલિવરીની સ્ટાઇલનો વીમો કરાવ્યો છે, સની પાજીની ડાયલોગ ડિલિવરીની ઘણીવાર નકલ કરવામાં આવે છે, જે સની પાજીને બિલકુલ પસંદ નથી. તેથી જ તેણે તેની ડાયલોગ ડિલિવરીની સ્ટાઇલનો વીમો કરાવ્યો. તેઓ કહે છે કે તેમની નકલ કરવામાં તેમને કોઈ સમસ્યા નથી, પરંતુ લોકોએ તેમની મર્યાદા જાણવી જોઈએ.
જ્હોન અબ્રાહમ
જોન અબ્રાહમની સ્ટાઈલ અને હોટ બોડીના માત્ર છોકરીઓ જ નહીં છોકરાઓ પણ દિવાના છે. જ્હોન યુવાનોની ફિટનેસ પ્રેરણા છે. ફિલ્મ ‘દોસ્તાના’ દરમિયાન, જ્યારે જ્હોને એક ગીતમાં પોતાનો બમ્પ ફ્લોન્ટ કર્યો, ત્યારે દરેકના હૃદયના ધબકારા વધી ગયા. આ પછી, જ્હોનને લાગ્યું કે તેનો બોડી પાર્ટ ખૂબ વેલ્યુએબલ છે, તેથી તેણે તેના બમ્પ એટલે કે નિતંબનો વીમો કરાવ્યો. જ્હોનને 2010માં તેના બમ્પ માટે 10 કરોડ રૂપિયાનો આ વીમો મળ્યો હતો.
નેહા ધૂપિયા
અભિનેત્રી નેહા ધૂપિયાએ પણ તેના હિપ્સનો વીમો કરાવ્યો છે. નેહાએ તેનો વીમો એ જ અમેરિકન વીમા કંપની પાસેથી કરાવ્યો છે, જેણે હોલીવુડ અભિનેત્રી જેનિફર લોપેઝના હિપનો $27 મિલિયનનો વીમો કરાવ્યો હતો. નેહાએ જણાવ્યું હતું કે જ્યારે આ કંપનીએ હિપ ઇન્શ્યોરન્સ માટે તેનો સંપર્ક કર્યો તો તેણે પણ તરત જ હા પાડી દીધી.
લતા મંગેશકર
લતા મંગેશકર, જેઓ સ્વરા કોકિલા અને ભારતની નાઇટિંગેલ તરીકે પ્રખ્યાત છે, તે ખરેખર લિવિંગ લિજેન્ડ છે. તેમણે અનેક ભાષાઓમાં હજારો ફિલ્મોમાં મધુર ગીતો ગાયા છે અને તેમના મધુર અવાજના ચાહકો માત્ર ભારતમાં જ નહીં પરંતુ સમગ્ર વિશ્વમાં વખણાય છે. લતાજીએ તેમના ગળા અને મધુર અવાજનો પણ વીમો કરાવ્યો છે.
રજનીકાંત
સાઉથના સુપરસ્ટાર રજનીકાંતની ડાયલોગ ડિલિવરી, અવાજ, દરેક સ્ટાઈલના લાખો લોકો દિવાના છે. એક એક્ટર તરીકે આખી ઈન્ડસ્ટ્રી તેમનું ઘણું સન્માન કરે છે. રજનીકાંતે પણ પોતાના અવાજનો કોપીરાઈટ અને ઇન્સ્યોરન્સ કરાવ્યો છે
રાખી સાવંત
કોન્ટ્રોવર્સી ક્વીન રાખી સાવંતે પણ નેહા ધૂપિયાની જેમ તેના હિપ્સનો વીમો કરાવ્યો છે. રાખીએ તેનો બ્રેસ્ટ ઈન્સ્યોરન્સ પણ કરાવ્યો છે.
અદનાન સામી
અદનાન સામીના ‘તેરા ચેહરા…’ આલ્બમના મધુર અવાજને મ્યુઝિક લવર્સ ભૂલી શક્યા નથી. બહુ ઓછા લોકો જાણતા હશે કે અદનાન સામી 35 મ્યુઝિકલ ઇન્સ્ટ્રુમેન્ટ વગાડી શકે છે. સિગિંગ ઉપરાંત, તે સૌથી ઝડપી કીબોર્ડ પ્લેયર તરીકે પણ વિશ્વભરમાં પ્રખ્યાત છે. એટલા માટે અદનાને પોતાની આંગળીઓનો વીમો કરાવ્યો છે.
મલ્લિકા શેરાવત
બોલિવૂડની સેક્સ બોમ્બ તરીકે જાણીતી, મલ્લિકા શેરાવતે તેની કારકિર્દીના પ્રારંભિક તબક્કામાં તેના સેક્સી શરીરને ફ્લોન્ટ કર્યું હતું. અને તેના હોટ અને સેક્સી બોડી ના લોકો પણ ઘણા દિવાના હતા. લોકોના આ ક્રેઝને જોતા મલ્લિકાએ પોતાના આખા શરીરનો 50 કરોડનો વીમો કરાવ્યો છે. મલ્લિકાએ 2009માં આ વીમો લીધો હતો.
મિનિષા લાંબા
જો કે મિનિષા હવે બોલિવૂડથી દૂર છે, પરંતુ આજે પણ મિનિષાના પરફેક્ટલી શેપવાળા બમ્પને ઘણા કોમ્પ્લીમેન્ટ્સ મળે છે. રાખીની જેમ મનીષા લાંબાએ પણ એમના હિપ્સનો ઇન્સ્યોરન્સ કરાવ્યો છે