બોલિવૂડ કપલ્સ ઘણીવાર તેમની લવ સ્ટોરી જલ્દી જાહેર કરતા નથી. વિકી કેટરિનાએ પણ ક્યારેય તેમના સંબંધોને સ્વીકાર્યા ન હતા અને ચોરી છુપી મળતા રહ્યા હતા. પરંતુ એક અભિનેત્રીએ તો હદ વટાવી દીધી હતી. તે તેના બોયફ્રેન્ડને મળવા માટે બુરખો પહેરતી હતી. આ વાતનો ખુલાસો એક વીડિયોમાં થયો છે.
આ દિવસોમાં એક વીડિયો વાયરલ થઈ રહ્યો છે, જેમાં આરજે અનમોલ તેના ફેન્સ સાથે ઘેરાયેલા જોવા મળે છે. તે એક પછી એક બધાને ઓટોગ્રાફ આપી રહ્યો છે અને બીજી તરફ અમૃતા બુરખામાં ઝૂમી રહી છે અને દૂરથી ગીત પર ડાન્સ કરતી જોવા મળે છે. આ વીડિયોમાં દાવો કરવામાં આવી રહ્યો છે કે બુરખામાં રહેલી મહિલા અન્ય કોઈ નહીં પરંતુ અભિનેત્રી અમૃતા રાવ છે. આ વીડિયો વર્ષ 2011નો છે, એટલે કે તેઓ એ દિવસોમાં એકબીજાને ડેટ કરી રહ્યા હતા.
અમૃતા અને અનમોલનો ક્યૂટ બોન્ડ
બોલિવૂડ એક્ટ્રેસ અમૃતા રાવ એક બાળક વીરની માતા બની છે અને તે પોતાના પતિ આરજે અનમોલ સાથે ખુશીથી લગ્ન જીવન પસાર કરી રહી છે. અમૃતા બોલિવૂડની એ અભિનેત્રીઓમાંથી એક છે જે હંમેશા પોતાને વિવાદોથી દૂર રાખે છે. અમૃતાને આરજે અનમોલ સાથે પ્રેમ થયો અને તેની સાથે લગ્ન કર્યા. અમૃતા અને આરજે તેમના રોમેન્ટિક બોન્ડને કારણે બી-ટાઉનના સૌથી સુંદર કપલમાંથી એક માનવામાં આવે છે
તમને જણાવી દઈએ કે અનમોલ અને અમૃતાએ એકબીજાને લગભગ 7 વર્ષ સુધી ડેટ કર્યા છે, પરંતુ ઈન્ડસ્ટ્રીમાં કોઈને તેના વિશે ખબર પણ નહોતી. આ પછી બંનેએ 15 મે 2016ના રોજ લગ્ન કરી લીધા. તેમના લગ્ન બહુ ઓછા લોકો વચ્ચે થયા હતા, જેમાં તેમના પરિવારના સભ્યો અને માત્ર નજીકના મિત્રો જ હાજર રહ્યા હતા. લગ્નના ચાર વર્ષ પછી, અમૃતાએ 1 નવેમ્બર 2020 ના રોજ એક પુત્રને જન્મ આપ્યો. તેણે પુત્રનું નામ વીર રાખ્યું.
અમૃતાએ પોતાના કરિયરની શરૂઆત મોડલિંગથી કરી હતી. બોલિવૂડ સિવાય તેણે ઘણી તેલુગુ ફિલ્મોમાં પણ કામ કર્યું હતું. અમૃતા રાવે વર્ષ 2002માં ફિલ્મ ‘અબ કે બરસ’થી ડેબ્યૂ કર્યું હતું. આ ફિલ્મમાં અમૃતા સાથે આર્ય બબ્બર જોવા મળ્યો હતો. ફિલ્મમાં અમૃતાના અભિનયની પ્રશંસા કરવામાં આવી હતી.
અમૃતા ફિલ્મ ‘ઈશ્ક વિશ્ક’થી ચર્ચામાં આવી હતી. આ ફિલ્મમાં અમૃતાએ કોલેજ ગર્લની ભૂમિકા ભજવી હતી.આ પછી અમૃતાની ઘણી હિટ ફિલ્મો આવી, જેમાં ‘મેં હૂં ના’ અને ‘વિવાહ’ સામેલ છે. અમૃતાએ વર્ષ 2007માં તેલુગુ ફિલ્મ ‘અતિધિ’થી ડેબ્યૂ કર્યું હતું. ફિલ્મમાં અમૃતાનો હીરો મહેશ બાબુ હતા. અમૃતાએ વર્ષ 2013 સુધી બોલીવુડ તેમજ તેલુગુમા ઘણી ફિલ્મો કરી પણ એમને વધુ સફળતા ન મળી