ચારુ આસોપાએ આપ્યો દીકરીને જન્મ, ફોઈ સુસ્મિતા સેન બોલી, દિવાળી પહેલા લક્ષ્મી આવી ઘરે
બોલિવૂડની જાણીતી અભિનેત્રી સુષ્મિતા સેનનો ભાઈ રાજીવ સેન અને તેની ભાભી અને અભિનેત્રી ચારુ આસોપા માતા-પિતા બની ગયા છે. હા, ચારુ આસોપાએ 1 નવેમ્બર, 2021ના રોજ પોતાની સુંદર પુત્રીને જન્મ આપ્યો છે અને આ સારા સમાચાર રાજીવે સોશિયલ મીડિયા પર શેર કર્યા છે. રાજીવે સોશિયલ મીડિયા પર કેટલીક તસવીરો શેર કરી છે, જેમાં પિતા બનવાની ખુશી તેના ચહેરા પર સ્પષ્ટ દેખાઈ રહી છે.
વાત જાણે એમ છે કે રાજીવ સેને તેના ઓફિશિયલ ઈન્સ્ટાગ્રામ એકાઉન્ટ પર કેટલીક તસવીરો શેર કરી છે, જે હોસ્પિટલની છે. આ તસવીરોમાં તે અને ચારુ તેમની દીકરી પર પ્રેમ વરસાવતા જોવા મળે છે. પ્રથમ તસવીરમાં રાજીવ તેના નાનકડી પરીને કિસ કરતો જોવા મળે છે. આ દરમિયાન બેબી ચારુના ખોળામાં છે. બીજી તસવીરમાં રાજીવ તેની પત્ની ચારુના માથા પર કિસ કરતો જોવા મળે છે. આ તસવીરમાં ચારુના ચહેરા પર માતા બનવાની ખુશી દેખાઈ રહી છે.
તો છેલ્લી તસવીર રાજીવની તેની પુત્રી સાથેની છે. આ તસવીરમાં રાજીવ તેની દીકરીને હાથમાં પકડીને તેને જોઈ રહ્યો છે. જો કે, કપલની પુત્રીનો ચહેરો કોઈપણ તસ્વીરમાં સ્પષ્ટ દેખાતો નથી.
આ તસવીરોની સાથે રાજીવે એક ક્યૂટ કેપ્શન પણ આપ્યું છે, જેમાં તેણે પોતાની પત્નીના સ્વસ્થ થવાની જાણકારી આપી છે. રાજીવે લખ્યું છે કે, ‘બાળકીના આશીર્વાદ, ચારુ સારી અને ફિટ છે. મને મારી પત્ની પર ગર્વ છે કે તે અંત સુધી મજબૂત છે. તમારી પ્રાર્થના માટે આપ સૌનો આભાર. ભગવાનનો આભાર.’ આ પોસ્ટ સામે આવ્યા બાદ સેલેબ્સથી લઈને ફેન્સ સુધી દરેક કપલને અભિનંદન આપી રહ્યા છે.
View this post on Instagram
ચારુ આસોપા માતા બન્યા બાદ સુષ્મિતા સેને પણ ઈન્સ્ટાગ્રામ પર એક તસવીર શેર કરી છે, જેમાં તે પોતાના હાથથી હાર્ટ શેપ બનાવતી જોવા મળી રહી છે. આ તસવીર સાથે સુષ્મિતાએ લખ્યું, ‘લક્ષ્મી દિવાળી પહેલા આવે છે. આ એક કન્યા છે. અસોપા અને રાજીવ સેનને અભિનંદન, અભિનંદન. આ કેટલું સુંદર છે. હું આજે સવારે જ ફોઈ બની ગઈ છે. અત્યારે બાળકનો ફોટો શેર કરવાની મંજૂરી નથી, તેથી ચારુએ અમારી નાનકડી પરીને જન્મ આપતા પહેલાનો ફોટો શેર કર્યો, મને એ જવાનું સૌભાગ્ય મળ્યું. એને આટલો સુંદર ને શાંતિપૂર્ણ અનુભવ બનાવવા માટે ડોકટર રશ્મિનો આભાર. તમે બધા કરતા સારા છો. અસોપા અને સેન પરિવાર, 3 પૌત્ર- પૌત્રીઓ, બધી છોકરીઓને અભિનંદન
ચારુ આસોપાએ 7 જૂન 2019ના રોજ બોલિવૂડ અભિનેત્રી સુષ્મિતા સેનના ભાઈ રાજીવ સાથે લગ્ન કર્યા. લગ્ન બાદ બંને વચ્ચે તણાવના સમાચાર પણ આવ્યા હતા, પરંતુ બંનેએ પરસ્પર સમજણથી સંબંધો સુધાર્યા હતા. આ વર્ષે મે મહિનામાં ચારુએ પોતાની પ્રેગ્નન્સીના સમાચાર આપીને ચાહકોને ખુશ કરી દીધા હતા. ચારુ પ્રેગ્નન્સીના દિવસોમાં સોશિયલ મીડિયા પર ખૂબ જ એક્ટિવ હતી. તે સતત તેના બેબી બમ્પને ફ્લોન્ટ કરતી તસવીરો શેર કરતી હતી. આટલું જ નહીં, ચારુની યુટ્યુબ પર એક ચેનલ છે, જ્યાં તે પ્રશંસકો સાથે તેના ગર્ભાવસ્થાના અનુભવને શેર કરી રહી હતી.
