મિત્રો, ગુલાબ એ વિશ્વના સૌથી પ્રાચીન અને સુંદર ફૂલોમાંથી એક છે. જે તેની સુગંધ અને ઘણા સ્વાસ્થ્ય લાભ માટે જાણીતુ છે. આમા ઘણી જાતો છે, જેને માનવીય ઉપયોગ માટે સલામત માનવામાં આવે છે. આ જ કારણ છે કે, ગુલાબનો ઉપયોગ ઘણી રીતે કરવામાં આવ્યો છે પછી ભલે તે ગુલકંદ હોય કે ગુલાબની ચાસણી. તે સ્વાસ્થ્ય માટે ઘણી રીતે ફાયદાકારક છે. આ ઉપરાંત તે ત્વચામા ગ્લો પણ લાવે છે. તો ચાલો જાણીએ ગુલાબની પાંખડીમાંથી બનાવેલી ચા પીવાના ફાયદાઓ વિશે.
આ રીતે ગુલાબના ફૂલની ચા બનાવવી માટે :
પહેલા બે કપ પાણી ગરમ કરો અને તેમા ગુલાબની પાંખડી ઉમેરો અને થોડો સમય ઉકાળો. ત્યારબાદ આ પાણીને એક કપમા ગાળી લો અને બહાર કાઢો. ત્યારબાદ તમે તેનો સ્વાદ થોડો મધ ઉમેરી શકો છો.
પીરિયડની પીડાથી રાહત :
જનરેશન્સમાં પ્રકાશિત એક અહેવાલમાં જણાવાયું છે કે ૨૦૦૫ નો અભ્યાસ પ્રમાણે આ ચા માસિક સાથે સંકળાયેલી સમસ્યાઓમા રાહત મેળવવા માટે મદદરૂપ થઈ શકે છે, જેમાં ગુલાબ ચામાં દુખદાયક સ્પામ્સ અને સોજોનો સમાવેશ થાય છે.
ગળામા દુ:ખાવો થાય ત્યારે :
ગળામા દુ:ખાવો, સામાન્ય શરદી અને ફલૂના લક્ષણો માટે એક કપ ગુલાબ ચા એક અસરકારક સારવાર છે. ચામા હાજર વિટામિન-સી ચેપ સામે લડવામાં મદદ કરે છે અને પીડા ઘટાડવામાં મદદગાર છે.
પાચન વધુ સારું રહે છે :
ગુલાબની પાંખડીઓ અને ગુલાબના ફૂલોથી બનેલી ચા પાચનમાં સુધારો કરવા માટે પણ જાણીતી છે. આ ચા સારા બેક્ટેરિયાના વિકાસને પ્રોત્સાહન આપવા માટે માનવામાં આવે છે. ચા કબજિયાત માટેના કુદરતી અને હળવા ઉપાય તરીકે પણ કામ કરે છે.
ખીલ દૂર થશે :
વિટામિન-એ અને વિટામીન-ઇ સમૃદ્ધ ગુલાબની ચા ત્વચાની લાઇનોને ઘટાડવામાં અને ડાર્ક સર્કલ્સ ઘટાડવામાં મદદ કરે છે. ગુલાબની પાંખડીઓ વિટામિન-સી નો સારો સ્રોત છે, જે તેના એન્ટી ઑકિસડન્ટ ગુણ માટે પણ જાણીતી છે. તેમાં બળતરા વિરોધી અને એન્ટીબેક્ટેરિયલ ગુણ પણ છે, જે ખીલને દૂર કરે છે. એક અહેવાલ મુજબ ગુલાબ ચા એ વિટામિન અને એન્ટીઑકિસડન્ટોનો એક મહાન સ્રોત છે. તે કેફીન, ખાંડ અને કેલરીથી પણ મુક્ત છે. તેમા વિટામિન-ઇ અને વિટામીન-સી હોય છે, જે ત્વચાને વધુ સારી રીતે રાખવામાં મદદગાર છે.
વિટામિન સીનો સારો સ્રોત :
ગુલાબના પાનની ચા એ વિટામિન-સીનો સારો સ્રોત છે. વિટામિન-સી તમારા શરીર માટે આવશ્યક એન્ટી ઑક્સિડેન્ટ તરીકે કામ કરે છે. આ એન્ટી ઑક્સિડેન્ટ્સ તમારી રોગપ્રતિકારક શક્તિને સ્વસ્થ રાખે છે. જો તમને શરદી અને ફ્લૂની સમસ્યા છે, તો ગુલાબનાં પાનનો ચા એક વધુ સારું પીણું હશે, જેને લેવાથી તમે રાહત મેળવી શકો છો.
એન્ટી ઓક્સિડેન્ટ શામેલ છે :
ગુલાબના પાંદડામાં ચામાં ઉંચી માત્રામાં એન્ટીઑક્સિડેન્ટ હોય છે. વિટામિન-સી માત્ર એક એન્ટિ-ઑક્સિડેન્ટ જ નથી પરંતુ, આ ચામા પોલિફેનોલ, એન્ટી ઑકિસડન્ટ્સ, એન્થોસ્યાનિન, એલેજિક એસિડ અને ક્યુરેટિન પણ છે. આ બધા એન્ટી ઑકિસડન્ટો ફ્રી રેડિકલથી થતા શરીરને નુકસાનથી બચાવવામાં મદદ કરે છે.