આ વર્ષે રાષ્ટ્રીય રાજધાનીમાં ડેન્ગ્યુના ઓછામાં ઓછા સતાણું કેસ નોંધાયા છે. આ માહિતી મ્યુનિસિપલ રિપોર્ટમાં આપવામાં આવી છે. એક જાન્યુઆરીથી અઠ્ઠયાવીસ ઓગસ્ટ ના સમયગાળા દરમિયાન ડેન્ગ્યુ ના કેસોની સંખ્યા પણ ૨૦૧૮ પછી આ વર્ષે સૌથી વધુ છે. વર્ષ 2018 માં આ સમયગાળા દરમિયાન ડેન્ગ્યુના એકસો સાત કેસ નોંધાયા હતા.
રિપોર્ટ મુજબ ઓગસ્ટ મહિનામાં પિસ્તાલીસ કેસ નોંધાયા હતા, જે નોંધાયેલા કુલ કેસોના લગભગ છેતાલીસ ટકા છે. ડેન્ગ્યુ ના મચ્છરો સ્વચ્છ, સ્થિર પાણીમાં ખીલે છે, જ્યારે મેલેરિયાના મચ્છરો પણ ગંદા પાણીમાં ખીલે છે. મચ્છર જન્ય રોગોના કેસ સામાન્ય રીતે જુલાઈ થી નવેમ્બર ની વચ્ચે નોંધવામાં આવે છે, જોકે આ સમયગાળો ડિસેમ્બરના મધ્ય સુધી લંબાવી શકે છે.
મ્યુનિસિપલ કોર્પોરેશનો દ્વારા જાહેર કરાયેલા અહેવાલ મુજબ આ વર્ષે અઠ્ઠયાવીસ ઓગસ્ટ સુધી ડેન્ગ્યુ ના સતાણું કેસ નોંધાયા છે. રિપોર્ટ અનુસાર જાન્યુઆરીમાં ડેન્ગ્યુના કેસ નહોતા, ફેબ્રુઆરીમાં બે કેસ, માર્ચમાં પાંચ, એપ્રિલમાં દસ અને મે મહિનામાં બાર કેસ નોંધાયા હતા. જૂન માં ડેન્ગ્યુના સાત અને જુલાઈમાં સોળ કેસ નોંધાયા હતા.
અગાઉના વર્ષોમાં આ જ સમયગાળામાં ચારસો સત્યાસી (2016), છસો ચાર (2017), એકસો સાત (2018), બાણું (2019) અને ઈઠોતેર (2020) કેસ નોંધાયા હતા. જોકે શહેરમાં હજી સુધી ડેન્ગ્યુ ને કારણે કોઈનું મોત થયું નથી. સોમવારે જાહેર થયેલા મ્યુનિસિપલ રિપોર્ટ મુજબ આ વર્ષે અઠ્ઠયાવીસ ઓગસ્ટ સુધી મેલેરિયાના પિસ્તાલીસ કેસ અને ચિકનગુનિયાના લગભગ છવીસ કેસ પણ નોંધાયા છે.
મેલેરિયા, ડેન્ગ્યુ અને ચિકનગુનિયામાં તાવ વધારે હોય છે, અને તેથી ડોકટરો ને લાગે છે કે લોકોને શંકા હોઈ શકે છે કે તેમને કોવિડ-19 થયો છે. દિલ્હીમાં મ્યુનિસિપલ કોર્પોરેશનોએ મચ્છરજન્ય રોગો ના પ્રકોપ ને અટકાવવા માટે તેમના સ્તરે પગલાં લીધાં છે.
ભારતમાં દર વર્ષે સોળ મી મેના દિવસે ‘નેશનલ ડેન્ગ્યુ ડે’ ઊજવવામાં આવે છે. નેશનલ વૅક્ટર બ્રૉન ડિસીઝ કંટ્રોલ પ્રોગ્રામ હેઠળ તેને અટકાવવા માટેના પ્રયાસ હાથ ધરવામાં આવે છે. વર્લ્ડ હેલ્થ ઑર્ગેનાઇઝેશન ના તારણ પ્રમાણે અમેરિકા, દક્ષિણપૂર્વ એશિયા તથા અમેરિકાના સો જેટલા દેશોમાં તે જોવા મળે છે.
ડેન્ગ્યૂને સામાન્ય રીતે સંક્રામક બીમારી સમજવામાં આવે છે. પરંતુ હકીકતમાં ડેન્ગ્યૂ સંક્રામક બીમારી નથી કારણ કે આ બીમારી એક વ્યક્તિમાંથી બીજા વ્યક્તિમાં ફેલાતી નથી. ડેન્ગ્યૂ બીમારીના ચાર પ્રકાર હોય છે. દર્દીને એક વારમાં એક જ પ્રકારનું જ ડેન્ગ્યૂ થતું હોય છે, અને બીજીવાર બીજા પ્રકારનું ડેન્ગ્યૂ થાય છે.
ડેન્ગ્યૂ બીમારીને લઇને લોકોની માન્યતા એવી હોય છે કે આ દરમિયાન પ્લેટલેટ્સ કાઉન્ટ ખૂબ જ મહત્ત્વ ધરાવે છે અને માત્ર તેને વધારવા પર જ ધ્યાન આપવું જોઇએ. ઉલ્લેખનીય છે કે જે દર્દીઓના પ્લેટલેટ્સ કાઉન્ટ દસ હજાર થી ઓછા થઇ જાય ત્યારે તે દર્દીઓ માટે ડેન્ગ્યૂ જીવલેણ પરિસ્થિતિમાં પહોંચવાની શક્યતા સર્જાય છે.