હાલમાં જ બિગ બોસ 15ના ઘરમાંથી બહાર ગયેલી ટીવી એક્ટ્રેસ દેવોલિના ભટ્ટાચારી તેની સર્જરી કરાવ્યા બાદ ઘરે પરત ફરી છે. સર્જરી પછી, દેવોલીનાએ ઘરે પરત ફરતાની સાથે જ સોશિયલ મીડિયા પર એક પોસ્ટ શેર કરીને લોકોને તેના સ્વાસ્થ્યના અપડેટ્સ આપ્યા. આ દરમિયાન હવે અભિનેત્રી સાથે જોડાયેલા વધુ એક મોટા સમાચાર સામે આવી રહ્યા છે. ટીવી એક્ટર વિશાલ સિંહે દેવોલિના સાથેની કેટલીક તસવીરો સોશિયલ મીડિયા પર શેર કરી છે. આ તસવીરો સામે આવતા જ તેના ફેન્સ પણ આશ્ચર્યચકિત થઈ ગયા છે. વાત જાણે એમ છે કે અભિનેતાએ દેવોલિના સાથેની તેની કેટલીક તસવીરો ઈન્સ્ટાગ્રામ પર શેર કરી અને જણાવ્યું કે બંનેએ સગાઈ કરી લીધી છે.
આ તસવીરો ઈન્સ્ટાગ્રામ પર શેર કરતા અભિનેતાએ લખ્યું કે, આ ઓફિશિયલ છે. આ સાથે તેણે કેપ્શનમાં રીંગ ઈમોજી અને હાર્ટ ઈમોજી પણ લખ્યા છે. આ તસવીરોમાં એક્ટર વિશાલ સિંહ દેવોલિના ભટ્ટાચારજીને પ્રપોઝ કરતા જોવા મળે છે. તે જ સમયે, એક તસવીરમાં, અભિનેત્રી તેની રિંગ ફ્લોન્ટ કરતી જોવા મળે છે. અભિનેતાએ ઘૂંટણિયે પડીને અભિનેત્રીને હીરાની વીંટી અને ગુલાબનો બુકે આપી પ્રપોઝ કર્યું છે
વિશાલની પોસ્ટ પર કોમેન્ટ કરતાં દેવોલીનાએ લખ્યું, આખરે આઈ લવ યુ વીશું. આ સાથે તેણે ઘણા હાર્ટ ઇમોજીસ પણ કમેન્ટ કર્યા છે. ઈન્ટરનેટ પર આ તસવીરો સામે આવતા જ બંનેના ચાહકો કપલને અભિનંદન આપતા જોવા મળે છે. તે જ સમયે, ઘણા લોકોને આ જોઈને ખૂબ જ આશ્ચર્ય થાય છે.
આ સિવાય વિશાલે તેના ઈન્સ્ટાગ્રામ એકાઉન્ટ પર દેવોલિના સાથેની બીજી તસવીર શેર કરી છે. આ તસવીરમાં વિશાલ અને દેવોલિના સોફા પર એકસાથે સૂતેલા જોવા મળે છે. તેણે આ તસવીરમાં દેવોલિના ભટ્ટાચારીને પણ ટેગ કર્યા છે. આ તસવીર પર હાર્ટ ઈમોજી પણ પોસ્ટ કરી છે
વાત જાણે એમ છે કે, દેવોલિના ભટ્ટાચારજી અને વિશાલે સગાઈ કરી નથી, પરંતુ બંને એક મ્યુઝિક વીડિયો લઈને આવી રહ્યા છે, જેની જાણ તેમણે ફેન્સને ખાસ રીતે કરી હતી. સગાઈના સમાચાર આવ્યા બાદ દેવોલીનાએ પોતે સત્ય કહ્યું છે. દેવોલિના અને વિશાલે વીડિયો શેર કર્યો અને તેમના નવા મ્યુઝિક વીડિયો વિશે જણાવ્યું. બંને પહેલીવાર મ્યુઝિક વીડિયોમાં સાથે કામ કરવા જઈ રહ્યા છે.
તમને જણાવી દઈએ કે વિશાલ સિંહ અને દેવોલિના ભટ્ટાચારજી એકસાથે સ્ક્રીન શેર કરતા જોવા મળ્યા છે. બંને સ્ટાર પ્લસની પ્રખ્યાત સીરિયલ સાથ નિભાના સાથિયામાં સાથે જોવા મળ્યા હતા. જોકે, આ સીરિયલમાં વિશાલ સિંહ દેવોલીનાના દિયરના રોલમાં જોવા મળ્યો હતો.
વર્ક ફ્રન્ટની વાત કરીએ તો અભિનેત્રી તાજેતરમાં બિગ બોસ 15માં જોવા મળી હતી. આ સિવાય ગયા વર્ષે તે ડિઝની પ્લસ હોટસ્ટારની લંચ સ્ટોરીઝમાં પણ જોવા મળી હતી. તે જ સમયે, અભિનેતા વિશાલ સિંહ છેલ્લે વર્ષ 2018 માં કુમકુમ ભાગ્ય શોમાં જોવા મળ્યો હતો. આ સીરિયલમાં તે રાહુલનું પાત્ર ભજવતો જોવા મળ્યો હતો. આ સિવાય તે તાજેતરમાં બિગ બોસ 15માં પણ થોડા સમય માટે જોવા મળ્યો હતો.