પ્રેમ એ મિત્રતા છે અને મિત્રતા વિના તો પ્રેમ હોઈ જ ન શકે… છોકરો અને છોકરી ક્યારેય મિત્ર બની શકતા નથી કારણ કે પ્રેમ તેમની વચ્ચે આવી જાય છે. તમે બોલિવૂડની ઘણી સુપરહિટ ફિલ્મોમાં આવા ઘણા ડાયલોગ સાંભળ્યા હશે. છોકરા અને છોકરીની મિત્રતા વિશે ઘણીવાર એવું કહેવામાં આવે છે કે તેઓ લાંબા સમય સુધી સારા મિત્રો નથી રહી શકતા અને તેઓ પ્રેમમાં પડી જાય છે. ઘણી ફિલ્મોમાં એવું પણ બતાવવામાં આવ્યું છે કે બે લોકો જે એકબીજાને મિત્ર કહીને બોલાવે છે તેઓ પ્રેમમાં પડે છે. જો કે બોલીવુડમાં એવા ઘણાં સ્ટાર્સ છે જેમને અસલ જિંદગીમાં આ વાતને ખોટી સાબિત કરી છે.
બોલિવૂડના ઘણા એવા સેલેબ્સ છે જેમની ફિમેલ ફ્રેન્ડ્સ છે અને તેમનું બોન્ડિંગ ઘણું સારું છે. આ સ્ટાર્સ ઘણીવાર સુખ-દુઃખના પ્રસંગે સાથે જોવા મળે છે અને તેમની મિત્રતાની ખૂબ પ્રશંસા થાય છે. તો ચાલો તમને બોલીવુડના આવા જ કેટલાક મિત્રોનો પરિચય કરાવીએ.
પ્રીતિ ઝિન્ટા અને સલમાન ખાન
બોલિવૂડની ડિમ્પલ ગર્લ પ્રીતિ ઝિન્ટાની ઈન્ડસ્ટ્રીમાં દરેક સાથે સારી મિત્રતા છે. જો કે અભિનેત્રીઓ કરતાં અભિનેતાઓ સાથે તેની મિત્રતા ઘણી સારી માનવામાં આવે છે. પ્રીતિ અને સલમાન ઘણા સારા મિત્રો છે. માત્ર સલમાન જ નહીં પરંતુ સમગ્ર ખાન પરિવાર સાથે પ્રીતિની સારી મિત્રતા છે. સોહેલ ખાન પ્રીતિને ઝિન્ટા કહીને બોલાવે છે. ઘણા પ્રસંગો પર, પ્રીતિ અને સલમાન તેમની મિત્રતા વ્યક્ત કરતા જોવા મળ્યા છે.
શાહરુખ ખાન અને કાજોલ
શાહરૂખ અને કાજોલની ઓનસ્ક્રીન કેમેસ્ટ્રીથી બધા વાકેફ છે. જ્યારે પણ બંને સ્ક્રીન પર સાથે આવ્યા છે ત્યારે તેમની કેમિસ્ટ્રીએ સ્ક્રીન પર આગ લગાવી દીધી છે. જોકે વાસ્તવિક જીવનમાં બંને ખૂબ સારા મિત્રો છે. કાજોલ કહે છે કે તે એકમાત્ર એવી અભિનેત્રી છે જે શાહરૂખના ગાલ ખેંચી શકે છે અને ચાહકો તેમના ક્યૂટ બોન્ડિંગને પસંદ કરે છે.
વરુણ ધવન અને આલિયા ભટ્ટ
વરુણ અને આલિયા સ્ટાર કિડ્સ છે અને બંનેએ સ્ટુડન્ટ ઑફ ધ યર ફિલ્મથી ડેબ્યૂ કર્યું હતું. રિયલ લાઈફમાં બંને એકબીજાના ખૂબ સારા મિત્રો છે. જ્યારે ચાહકોને સ્ક્રીન પર તેમની જોડી ગમે છે, વાસ્તવિક જીવનમાં, બંનેની ખાટી અને મીઠી વાતો જણાવે છે કે તેમની મિત્રતા કેટલી મજબૂત છે.
કરણ જોહર અને ટ્વીનકલ ખન્ના
કરણ જોહર અને ટ્વિંકલ ખન્ના એકબીજાના સારા મિત્રો માનવામાં આવે છે. ટ્વિંકલ કરણ જોહરની મજાક ઉડાવવાથી ક્યારેય ડરતી નથી. તો, કરણ પણ ટ્વિંકલ સાથે ખૂબ જ સહજ મહેસુસ કરે છે. બંનેની ફની કેમેસ્ટ્રી ચાહકોને પસંદ આવી રહી છે.
શાહરુખ ખાન અને જુહી ચાવલા
જૂહી ચાવલા સાથે શાહરૂખની જોડીને પડદા પર પણ ખૂબ પસંદ કરવામાં આવી છે. તો બંને વાસ્તવિક જીવનમાં પણ એકબીજાના ખૂબ સારા મિત્રો છે. શાહરૂખ અને જૂહી આઈપીએલ ટીમમાં ભાગીદાર છે, જ્યારે આર્યનના જામીન દરમિયાન જુહી ચાવલા પણ હાજર થઈ હતી. આ બતાવે છે કે તેમની વચ્ચે કેટલી સારી મિત્રતા છે.