IPL મેગા ઓક્શન (IPL 2022 ઓક્શન)ના પહેલા દિવસે 10 ફ્રેન્ચાઈઝી દ્વારા 74 ખેલાડીઓને ખરીદવામાં આવ્યા હતા. તેમાંથી ઘણા જાણીતા ચહેરા હતા, જેમને 10 કરોડ કે તેથી વધુ રકમ મળી હતી. જોકે, કેટલાક અજાણ્યા ખેલાડીઓ પર બોલી લગાવવામાં આવી હતી, જે બહુ ઓછા લોકો જાણતા હતા. જેમાં રાતોરાત કરોડપતિ બની ગયો છે. જેને ગુજરાતની ટીમે બેઝ પ્રાઈસ કરતા 13 ગણી રકમ આપીને બધાને ચોંકાવી દીધા. આ ખેલાડીએ ઘરેલુ ક્રિકેટમાં પોતાના બેટથી બધાનું દિલ જીતી લીધું છે. જ્યારે આ ખેલાડીના પિતા ફૂટવેરની દુકાન ચલાવતા હતા. જેનું નામ છે અભિનવ મનોહર સદારંગાણી છે અભિનવે તેની મૂળ કિંમત માત્ર 20 લાખ રૂપિયા રાખી હતી, પરંતુ નવી IPL ટીમ ગુજરાત ટાઇટન્સે તેને 2.60 કરોડ રૂપિયામાં સામેલ કર્યો.
☕ Good morning from Abhinav Manohar, Bengaluru boy, dashing right-hand batter and our newest signee ☀️#GujaratTitans #IPL2022 pic.twitter.com/z5RNGzu4vx
— Gujarat Titans (@gujarat_titans) February 13, 2022
અભિનવ મનોહર કર્ણાટકનો ઓલરાઉન્ડર છે અને મિડલ ઓર્ડરમાં રમે છે. તે લેગ સ્પિનર પણ છે. તેણે કર્ણાટક માટે તે જ વર્ષે સૈયદ મુશ્તાક અલી ટ્રોફીમાં ડેબ્યૂ કર્યું હતું, જ્યાં તેણે માત્ર 4 મેચ રમી હતી. પોતાની ડેબ્યુ મેચમાં જ અભિનવે બે ચોગ્ગા અને 6 છગ્ગાની મદદથી 70 રનની શાનદાર ઇનિંગ રમીને ટીમને શાનદાર જીત અપાવી હતી. તેણે કર્ણાટક માટે અત્યાર સુધી 4 T20 મેચમાં 54ની એવરેજથી 162 રન બનાવ્યા છે. આ દરમિયાન તેનો સ્ટ્રાઈક રેટ 150 રહ્યો છે. અભિનવે સૈયદ મુશ્તાક અલી ટ્રોફીની ક્વાર્ટર ફાઇનલમાં 9 બોલમાં 19 અને સેમિફાઇનલમાં 13 બોલમાં 27 રન બનાવ્યા હતા. ફાઇનલમાં પણ તેણે 37 બોલમાં 46 રનની શાનદાર ઇનિંગ રમી હતી.
પિતાને છે ફૂટવેરની દુકાન
અભિનવ મનોહર સદરંગાની અત્યંત મધ્યમ વર્ગિય પરિવારમાંથી આવે છે. અભિનવના બાળપણના કોચ ઈરફાન સઈતે મીડિયા સાથેની વાતમાં જણાવ્યું કે, ઓલરાઉન્ડરના પિતા અને તેમના મિત્ર મનોહર સદરંગાની અગાઉ બેંગ્લોરમાં ફૂટવેરની દુકાન ચલાવતા હતા, જેનાથી પરિવારનું ભરણપોષણ થતું હતું. અભિનવને નાનપણથી જ ક્રિકેટમાં રસ છે. ઘણી મુશ્કેલીઓને પાર કરીને તેમણે ક્રિકેટમાં સફળતા મેળવી છે.