બોર્ડરથી ઉરી સુધી, યુદ્ધ પર આધારિત છે આ પાંચ ફિલ્મો, આ ઓટીટી પ્લેટફોર્મ પર જુઓ

રશિયા અને યુક્રેન વચ્ચેના યુદ્ધે હવે ભયાનક સ્વરૂપ ધારણ કર્યું છે. રશિયા દ્વારા યુક્રેન પર સતત હુમલો કરવામાં આવી રહ્યો છે, તેથી યુક્રેનની સેના પણ પરિસ્થિતિનો સામનો કરી રહી છે. દાવો કરવામાં આવી રહ્યો છે કે રશિયન હુમલામાં યુક્રેનના 70 સૈનિકો માર્યા ગયા છે. તે જ સમયે, રશિયા અને યુક્રેન વચ્ચેના આ યુદ્ધે વિશ્વભરમાં ચર્ચા જગાવી છે. એટલું જ નહીં, મનોરંજન પસંદ કરનારા લોકો હવે યુદ્ધ પર બનેલી ફિલ્મો શોધી રહ્યા છે. તો આજે અમે તમને બોલીવુડની તે ફિલ્મો વિશે જણાવીશું,જેમાં બે દેશોની યુદ્ધની સ્થિતિ અને સૈનિકોની ભાવનાને શ્રેષ્ઠ રીતે દર્શાવવામાં આવી છે.

ફિલ્મ- બોર્ડર

ઓટીટી પ્લેટફોર્મ- પ્રાઇમ વિડિયો

ફિલ્મ ‘બોર્ડર’ વર્ષ 1997માં રિલીઝ થઈ હતી. આ ફિલ્મમાં જેપી દત્તાએ રાજસ્થાનની સરહદ પર 1971માં ભારત-પાકિસ્તાન યુદ્ધની એક ઘટના બતાવવાનો પ્રયાસ કર્યો હતો, જેમાં તેઓ સફળ પણ થયા હતા. ફિલ્મમાં દેશભક્તિથી પ્રેરિત ફિલ્મમાં જે હોવું જોઈએ તે બધું હતું. સની દેઓલ, સુનીલ શેટ્ટી, અક્ષય ખન્ના, જેકી શ્રોફ, પુનીત ઇસાર, સુદેશ બેરી જેવા કલાકારોએ ફિલ્મ ‘બોર્ડર’માં અભિનય કરીને દર્શકોના દિલ જીતી લીધા હતા. આ ફિલ્મ પ્રાઈમ વીડિયો પર જોઈ શકાય છે

ફિલ્મ – LoC: કારગિલ

ઓટીટી પ્લેટફોર્મ – પ્રાઇમ વિડિયો

વર્ષ 2003માં રિલીઝ થયેલી ફિલ્મ ‘LoC: કારગિલ’ વર્ષ 1999માં ભારત અને પાકિસ્તાન વચ્ચે થયેલા કારગિલ યુદ્ધની વાર્તા વર્ણવે છે. આ ફિલ્મનું નિર્દેશન જેપી દત્તાએ કર્યું હતું. તેમાં અજય દેવગણ, સૈફ અલી ખાન, અભિષેક બચ્ચન, રાની મુખર્જી, કરીના કપૂર, મોહનીશ બહલ, સુનીલ શેટ્ટી, અરમાન કોહલી, સંજય દત્ત, નાગાર્જુન, અક્ષય ખન્ના, મનોજ બાજપેયી, આશુતોષ રાણા, એશા દેઓલ અને રવિના ટંડન મુખ્ય ભૂમિકામાં હતા. . આ ફિલ્મ પ્રાઇમ વિડિયો પર પણ ઉપલબ્ધ છે.

ફિલ્મ- લક્ષ્ય

ઓટીટી પ્લેટફોર્મ – નેટફ્લિક્સ

લક્ષ્ય એ 2004 માં રિલીઝ થયેલી યુદ્ધ-ડ્રામા ફિલ્મ છે, જેમાં કારગિલ યુદ્ધ દર્શાવવામાં આવ્યું હતું. આ ફિલ્મમાં રિતિક રોશન, પ્રીતિ ઝિન્ટા અને અમિતાભ બચ્ચને મુખ્ય ભૂમિકા ભજવી હતી. આ ફિલ્મનું નિર્દેશન ફરહાન અખ્તરે કર્યું હતું. આ ફિલ્મ દર્શકોને ખૂબ પસંદ આવી હતી. આ ફિલ્મ OTT પ્લેટફોર્મ Netflix પર ઉપલબ્ધ છે

ફિલ્મ – ગાઝી એટેક

ઓટીટી પ્લેટફોર્મ – એમેઝોન

આ યાદીમાં ફિલ્મ ‘ગાઝી એટેક’નું નામ સામેલ છે. આ ફિલ્મ અંડરવોટર સબમરીન ઓપરેશનના ભારત-પાકિસ્તાન યુદ્ધની વાર્તા પર આધારિત છે, જેમાં રાણા દગ્ગુબાતી, તાપસી પન્નુ, અતુલ કુલકર્ણી અને કેકે મેનન મુખ્ય ભૂમિકામાં છે. ફિલ્મ ગાઝી એટેક વર્ષ 2017માં આવી હતી. તમે એમેઝોન પર સરળતાથી ગાઝી એટેક જોઈ શકો છો.

ફિલ્મ- ઉરીઃ ધ સર્જિકલ સ્ટ્રાઈક

ઓટીટી પ્લેટફોર્મ- Jio મૂવી

આ ફિલ્મ વર્ષ 2019માં રિલીઝ થઈ હતી, જે જમ્મુ અને કાશ્મીરના ઉરી સેક્ટરમાં 2016માં થયેલા હુમલા પર આધારિત છે. આ ફિલ્મમાં વિકી કૌશલ, યામી ગૌતમ, પરેશ રાવલ સહિત ઘણા મહાન કલાકારો જોવા મળ્યા હતા. આ ફિલ્મમાં બતાવવામાં આવ્યું છે કે કેવી રીતે ભારતીય સેનાના જવાનોએ પાકિસ્તાનમાં ઘૂસીને સર્જિકલ સ્ટ્રાઈક કરી હતી અને આતંકવાદીઓના ઘણા ઠેકાણાઓને નષ્ટ કર્યા હતા. આ ફિલ્મ jio મૂવી પર છે.