રસોઈ ફરીવાર મોંઘી થશે, માતેલા સાંઢની જેમ વધી રહેલા LPGના ભાવમાં ફરી વધારો થયો, ફટાફટ જાણી લો નવા ભાવ

એલપીજી સિલિન્ડરની કિંમતોમાં ફરી એકવાર વધારો કરવામાં આવ્યો છે, પરંતુ રાહતની વાત છે કે આ વધારો 19 કિલો કોમર્શિયલ સિલિન્ડરોમાં થયો છે. હવે દિલ્હીમાં 19 કિલો કોમર્શિયલ એલપીજી સિલિન્ડર 1693 રૂપિયાથી વધીને 1736.50 રૂપિયા થઈ ગયું છે. તે જ સમયે, સબસિડી વગરના ઘરેલુ એલપીજી સિલિન્ડરની કિંમત 884.50 રૂપિયા પર સ્થિર છે. જો કે, ક્રૂડ ઓઇલના વધતા ભાવને જોતા આશંકા વ્યક્ત કરવામાં આવી હતી કે આ વખતે એલપીજી સિલિન્ડરની કિંમત 1000 રૂપિયાથી ઉપર જશે.

તમને જણાવી દઈએ કે 1 સપ્ટેમ્બરના રોજ 14.2 કિલો સબસિડી વગરના ઘરેલુ એલપીજી સિલિન્ડરની કિંમતમાં 25 રૂપિયાનો વધારો કરવામાં આવ્યો હતો. અગાઉ, 18 ઓગસ્ટના રોજ પેટ્રોલિયમ કંપનીઓએ ગેસ સિલિન્ડરના ભાવમાં 25 રૂપિયાનો વધારો કર્યો હતો. છેલ્લા એક વર્ષમાં દિલ્હીમાં ઘરેલૂ એલપીજી સિલિન્ડરની કિંમતમાં 290.50 રૂપિયાનો વધારો થયો છે, જ્યારે હવે સબસિડી પણ આવી રહી નથી.

તમને જણાવી દઈએ કે જુલાઈ અને ઓગસ્ટમાં કિંમતોમાં વધારો કરવામાં આવ્યો હતો. મે અને જૂનમાં ઘરેલું સિલિન્ડરના ભાવમાં કોઈ ફેરફાર થયો નથી. એપ્રિલમાં એલપીજી સિલિન્ડરની કિંમતમાં 10 રૂપિયાનો ઘટાડો કરવામાં આવ્યો હતો. દિલ્હીમાં LPG સિલિન્ડરની કિંમત આ વર્ષે જાન્યુઆરીમાં 694 રૂપિયા હતી, જે ફેબ્રુઆરીમાં વધારીને 719 રૂપિયા પ્રતિ સિલિન્ડર કરવામાં આવી હતી. 15 ફેબ્રુઆરીએ ભાવ વધારીને 769 રૂપિયા કરવામાં આવ્યા હતા. આ પછી, 25 ફેબ્રુઆરીએ, એલપીજી સિલિન્ડરની કિંમત 794 રૂપિયા કરવામાં આવી હતી. માર્ચમાં એલપીજી સિલિન્ડરની કિંમત 819 રૂપિયા કરવામાં આવી હતી.

તો બીજી તરફ મહિનાના પહેલા જ દિવસે પેટ્રોલિયમ કંપનીઓએ પેટ્રોલ અને ડીઝલના ભાવમાં વધારો કરીને આંચકો આપ્યો છે. પેટ્રોલ અને ડીઝલ આજે સતત બીજા દિવસે મોંઘા થયા છે. આ વધારા બાદ રાજધાની દિલ્હીમાં ડીઝલ 90 રૂપિયા પ્રતિ લીટરને પાર કરી ગયું છે, જ્યારે પેટ્રોલ 102 રૂપિયાની નજીક પહોંચી ગયું છે. અત્યારે દેશના તમામ શહેરોમાં પેટ્રોલ અને ડીઝલના દર ઓલટાઈમ હાઈ પર ચાલી રહ્યા છે.

આજે એટલે કે શુક્રવારે પેટ્રોલ 25 પૈસા અને ડીઝલ 30 પૈસા મોંઘુ થયું છે. ગુરુવારે પેટ્રોલની કિંમતમાં 25 પૈસા પ્રતિ લીટર અને ડીઝલની કિંમતમાં 30 પૈસા પ્રતિ લીટરનો વધારો કરવામાં આવ્યો હતો. બુધવારે કિંમતોમાં કોઈ ફેરફાર થયો ન હતો. મંગળવારે પેટ્રોલના ભાવમાં 20 પૈસાનો વધારો કરવામાં આવ્યો હતો. જ્યારે ડીઝલ 25 પૈસા મોંઘુ થયું છે.

આજે દિલ્હી પેટ્રોલ 101.89 રૂપિયા અને ડીઝલ 90.17 રૂપિયા પ્રતિ લીટર છે, જ્યારે મુંબઈમાં પેટ્રોલ 107.95 રૂપિયા અને ડીઝલ 97.84 રૂપિયા પ્રતિ લીટર પર પહોંચી ગયું છે. જો આપણે ચેન્નઈની વાત કરીએ તો અહીં પેટ્રોલ 99.58 રૂપિયા અને ડીઝલ 94.74 રૂપિયા પ્રતિ લીટરમાં વેચાઈ રહ્યું છે. જ્યારે કોલકાતામાં એક લિટર પેટ્રોલની કિંમત 102.47 રૂપિયા અને ડીઝલની કિંમત એક લિટર ડીઝલ માટે 93.27 રૂપિયા થશે.