અમિતાભ બચ્ચને 23 કરોડમાં વેચ્યો દિલ્લીનો ગુલમહોર પાર્ક વાળો બંગલો, પિતા હરિવંશ રાય બચ્ચને ખરીદી હતી પ્રોપર્ટી

અમિતાભ બચ્ચન હજુ પણ ફિલ્મોમાં સક્રિય છે. આ સિવાય તેઓ વિવિધ પ્રકારના રોકાણ માટે પણ જાણીતા છે. મુંબઈમાં જ અમિતાભ બચ્ચનના પાંચ બંગલા છે. હવે અહેવાલ છે કે તેણે દિલ્હીના ગુલમોહર પાર્કમાં સ્થિત બંગલો ‘સોપન’ 23 કરોડમાં વેચી દીધો છે. નેઝોન ગ્રુપની સીઈઓ અવની બદરે અમિતાભ બચ્ચનનું દિલ્હીનું ઘર ‘સોપાન’ ખરીદ્યું છે

આ કારણે લીધો ઘર વેચવાનો નિર્ણય

રિપોર્ટ અનુસાર, દિલ્હીના ગુલમોહર પાર્કમાં સ્થિત અમિતાભ બચ્ચનની આ પ્રોપર્ટી 418 સ્ક્વેર મીટરમાં ફેલાયેલી છે. ગયા વર્ષે 7 ડિસેમ્બરના રોજ બદરે આ મિલકત પોતાના નામે નોંધાવી હતી. આ જૂના ઘર સાથે અમિતાભ બચ્ચનની ઘણી યાદો જોડાયેલી હતી. આ પ્રોપર્ટી અમિતાભ બચ્ચનના પિતાએ ખરીદી હતી. તેઓ ઘણા વર્ષો સુધી તેજી બચ્ચન સાથે અહીં રહ્યા. જો કે મુંબઈમાં હોવાથી દિલ્હીમાં ઘર સંભાળવું મુશ્કેલ બની રહ્યું હતું. જેના કારણે તેણે આ ઘર વેચવાનો નિર્ણય લીધો છે.

ગુલમહોર પાર્કનો બંગલો ‘સોપાન’ ખૂબ જ લોકપ્રિય રહ્યો છે. બિગ બીએ પોતે પણ તેમના બ્લોગમાં ઘણી વખત ‘સોપાન’ નો ઉલ્લેખ કર્યો છે, જે તેમની માતા તેજી બચ્ચનના નામે નોંધાયેલ છે. તેજી બચ્ચન ગુલમોહર પાર્ક હાઉસિંગ સોસાયટીના સભ્ય હતા. મુંબઈ જતા પહેલા અમિતાભ અહીં પોતાના માતા-પિતા સાથે રહેતા હતા.

અમિતાભ બચ્ચન પાસે મુંબઈમાં છે 5 બંગલા

અમિતાભ બચ્ચન પાસે પહેલાથી જ મુંબઈમાં પાંચ બંગલા છે. અમિતાભ પોતાના આખા પરિવાર સાથે જલસામાં રહે છે. ચાહકો દર રવિવારે અહીંયા તેને મળવા આવે છે. તે લગભગ 10 હજાર સ્ક્વેર ફૂટમાં ફેલાયેલો છે.અમિતાભ બચ્ચનનો જલસા બંગલો મુંબઈના જુહુમાં આવેલો છે. બીજો બંગલો ‘પ્રતિક્ષા’ છે, જ્યાં તેઓ ‘જલસા’માં શિફ્ટ થયા પહેલા રહેતા હતા. તેમનો ત્રીજો બંગલો ‘જનક’ છે, જ્યાં તેમની ઓફિસ છે. જ્યારે ચોથો બંગલો વત્સનો છે. જે તેણે બેંકને ભાડે આપી દીધું છે.

2013માં પણ તેણે ‘જલસા’ની પાછળ જ 60 કરોડ રૂપિયાનો બંગલો ખરીદ્યો હતો. અમિતાભ બચ્ચને અંધેરી વિસ્તારમાં ભાડા પર ડુપ્લેક્સ ફ્લેટ આપ્યો છે. અમિતાભ બચ્ચન 31 કરોડમાં ડુપ્લેક્સ લક્ઝરી ફ્લેટ ખરીદ્યો હતો

જો અમિતાભ બચ્ચનના વર્ક ફ્રન્ટની વાત કરીએ તો તે રકુલ પ્રીત સિંહ અને અજય દેવગન સાથે આગામી ફિલ્મ ‘રનવે 34’માં જોવા મળશે. આ સાથે તેની બીજી આગામી ફિલ્મ ‘બ્રહ્માસ્ત્ર’ છે. તેમાં અભિનેતા આલિયા ભટ્ટ, ડિમ્પલ કાપડિયા, રણબીર કપૂર, મૌની રોય અને નાગાર્જુન સાથે જોવા મળશે