નાના પડદાનો સૌથી લોકપ્રિય રિયાલિટી ક્વિઝ શો ‘કૌન બનેગા કરોડપતિ’ હવે તેના 13 વર્ષ પૂર્ણ કરવા જઈ રહ્યો છે. શોની 13 મી સીઝન શરૂ થઈ ગઈ છે. મેગાસ્ટાર અમિતાભ બચ્ચન ગ્રાન્ડ સ્ટાઇલમાં દર વખતની જેમ જ આ શો હોસ્ટ કરી રહ્યા છે. શો સાથે જોડાયેલા એક મોટા સમાચાર સામે આવ્યા છે. અમિતાભ બચ્ચનના શોની આ સિઝનમાં પ્રથમ કરોડપતિ મળ્યા છે. હિમાની બુંડેલાએ 1 કરોડની રકમ જીતી છે. હિમાની બુંડેલા એક દૃષ્ટિહીન સ્પર્ધક છે.
હિમાની રમત વધારશે
તમે શોમાં જોશો કે હિમાની બુંડેલા હવે 7 કરોડ રૂપિયાની રમતને આગળ લઈ જશે. તે 7 કરોડ રૂપિયાના સવાલનો જવાબ પણ આપશે. અમિતાભ બચ્ચન હિમાનીને એક કરોડ જીતવા બદલ અભિનંદન આપશે અને હિમાની પણ આનંદથી કૂદી પડશે. સોની ટીવીએ ‘કૌન બનેગા કરોડપતિ 13’ નો નવો પ્રોમો શેર કર્યો છે. વીડિયોમાં અમિતાભ બચ્ચન હિમાનીને અભિનંદન આપતા જોવા મળે છે. અમિતાભ બચ્ચન હિમાનીને કહે છે કે તમે એક કરોડ રૂપિયા જીત્યા છે. આ પછી, હિમાની ખુશીથી કૂદી જાય છે.
7 કરોડના સવાલનો જવાબ આપશે
Khushmizaaj swabhaav se apni zindagi jeene wali ek drishtiheen contestant, Himani Bundela #KBC13 ki pehli crorepati ban gayi hain. Par kya woh de paayengi 7 crore ke sawaal ka sahi jawaab?
Jaanne ke liye dekhiye #KBC 30th-31st Aug, raat 9 baje,Sony par. @SrBachchan pic.twitter.com/SI3YhKbYgj
— sonytv (@SonyTV) August 25, 2021
ત્યાર બાદ અમિતાભ બચ્ચન તેમને 7 કરોડ રૂપિયાનો 16 મો પ્રશ્ન પૂછે છે. પ્રોમોથી સ્પષ્ટ થાય છે કે હિમાની પણ 16 મા સવાલનો જવાબ લોક કરવાનું કહે છે. 16 મો પ્રશ્ન 7 કરોડ રૂપિયાનો છે. આ તબક્કાને પાર કરવું સહેલું નથી. આ પ્રશ્ન માટે લાઇફલાઇનનો ઉપયોગ કરી શકતા નથી, પરંતુ હિમાનીએ ખચકાટ કર્યા વગર પ્રશ્નનો જવાબ આપ્યો અને ઉપરની બધું ભગવાન પર છોડી દે છે. હવે હિમાની 7 કરોડ જીતશે કે નહીં તે એક રહસ્ય છે, પણ આપણે તો એવી આશા રાખીએ છીએ, કે હિમાની 7 કરોડ જીતીને પોતાના ઘરે જાય.
એપિસોડ 30-31 ઓગસ્ટના રોજ ટેલિકાસ્ટ થશે
15 પ્રશ્નનો તબક્કો પાર કરવો સરળ નથી. હિમાની બુંડેલાએ રમત સારી રીતે પૂરી કરી છે. હવે જોવાનું રહેશે કે હિમાની 7 કરોડ રૂપિયાનો જવાબ આપવા સક્ષમ છે કે નહીં. આ એપિસોડનું ટેલિકાસ્ટ 30-31 ઓગસ્ટ રાત્રે 9 વાગ્યે કરવામાં આવશે. આ પોસ્ટને શેર કરતા, સોની ટીવીના સત્તાવાર હેન્ડલ પર લખવામાં આવ્યું હતું કે, ‘હિમાની બુંડેલા, એક દૃષ્ટિહીન સ્પર્ધક, જે પોતાનું જીવન સુખી સ્વભાવ સાથે જીવે છે, તે કેબીસી 13 ના પ્રથમ કરોડપતિ બન્યા છે. પરંતુ શું તે 7 કરોડના સવાલનો સાચો જવાબ આપી શકશે કે નહીં ? ‘તે એક રહસ્ય છે.