કોરોનાના કેસમાં સતત વધારો ગુજરાત રાજ્યમાં થઈ રહ્યો છે. તેવામાં ખેડા જિલ્લામાં કલેકટર દ્વારા એક ઉમદા કાર્ય કરવામાં આવી રહ્યું છે. જે રીતે સરકારએ સુચના આપી છે કે કોરોનાની આ સ્થિતિમાં વડિલો અને બાળકોને ઘરમાં જ સુરક્ષિત રાખવા તે વાતને ધ્યાનમાં રાખી અને વડિલોને અગવડ ન પડે અને હાલાકી ન થાય તે માટે ખેડા જિલ્લા કલેકટરએ પેન્શનની રકમની હોમ ડિલીવરી શરુ કરાવી છે.
સદનસીબએ ખેડા જિલ્લામાં હાલ કોઈ કોરોના પોઝિટિવ કેસ નથી. આગામી દિવસોમાં પણ અહીં કોઈ કેસ ન નોંધાય તે માટે જિલ્લા કલેકટરએ લોકડાઉનનું ચુસ્ત રીતે પાલન શરુ કરાવ્યું છે.
અહીં પણ જીવન જરૂરીયાતની વસ્તુઓ લોકોને ઘર સુધી પહોંચાડવામાં આવી રહી છે. પરંતુ અલગ વાત એ છે કે જિલ્લા કલેકટરએ ખાસ ટીમ બનાવી છે જે વૃદ્ધોને પેન્સનની રકમ પણ ઘરે પહોંચતી કરી આપે.
આ કામ માટે જિલ્લા કલેકટર આઈ કે પટેલએ અલગ અલગ ટીમ બનાવી છે અને વોટસએપ નંબર જાહેર કર્યો છે. આ નંબર પર જેમને પેન્શનની રકમ જોઈતી હોય તેઓ મેસેજ કરી આપે છે અને ટીમના સભ્યો તેમણે જણાવેલી વિગત અનુસાર તેમને પેન્શન ઘરે પહોંચતું કરી દે છે.
આ વ્યવસ્થાથી વૃદ્ધો પણ ખુશ છે અને સુરક્ષિત થયા છે. અત્યાર સુધીમાં અહીં 29 જેટલા નિવૃત વૃદ્ધોને આ વ્યવસ્થાથી 3 લાખ જેટલી રકમ ચુકવવામાં આવી છે. ખાસ વાત એ છે કે આ રકમ ટીમ દ્વારા બેન્ક હોલિડે પહેલા પહોંચતી કરી દેવામાં આવી છે.