એ તો બધા જાણે છે કે ફિલ્મોમાં મુખ્ય અભિનેતા અને અભિનેત્રીનો મહત્વનો રોલ હોય છે, પરંતુ બીજું સત્ય એ છે કે કેટલીક ફિલ્મોમાં બાળ કલાકારો પોતાના નટખટ અંદાજથી પોતાના પાત્રમાં જીવ રેડી દે છે. બોલિવૂડમાં અત્યાર સુધી ઘણા એવા બાળ કલાકારો આવ્યા છે, જેમણે માત્ર એક-બે ફિલ્મોમાં કામ કરીને લોકોના દિલમાં ખાસ જગ્યા બનાવી છે. 21 વર્ષ પહેલા રીલિઝ થયેલી ફિલ્મ ‘હમ સાથ સાથ હૈ’માં નીલમની દીકરીનો રોલ કરનાર બાળ કલાકારે પણ કંઈક આવું જ કર્યું હતું
આ બાળ કલાકારનું નામ ઝોયા અફરોઝ છે, જેણે તે સમયે પોતાની ક્યુટનેસથી લોકોના દિલ જીતી લીધા હતા. ઝોયા ઘણી ફિલ્મોમાં જોવા મળી છે પરંતુ આજના સમયમાં ઝોયા સંપૂર્ણપણે બદલાઈ ગઈ છે. તે ખૂબ જ સુંદર બની ગઈ છે. આટલું જ નહીં તે મોડલિંગની દુનિયામાં ખૂબ જ લોકપ્રિય છે. ચાલો તમને તેમના વિશે જણાવીએ.
સુપર મોડલ છે જોયા
હમ સાથ સાથ હૈ’માં નીલમની દીકરીનો રોલ કરનાર ઝોયા હવે મોટી થઈ ગઈ છે. ખાસ વાત એ છે કે આજના સમયમાં ઝોયા મોડલિંગની દુનિયામાં ધૂમ મચાવી રહી છે. ઝોયા એક અભિનેત્રી હોવાની સાથે સુપરમોડલ પણ છે, જે હંમેશા રેમ્પ પર પગ મુકીને લોકોને ચોંકાવી દે છે.
ઘણા બ્યુટી કોન્ટેસ્ટનો રહી છે ભાગ
લખનઉની રહેવાસી ઝોયાએ મીઠી બાઈ કોલેજમાંથી અભ્યાસ પૂરો કર્યો અને ત્યાર બાદ તેણે મોડલિંગની દુનિયામાં પ્રવેશ કર્યો. તેણે અત્યાર સુધી ઘણી બ્યુટી કોન્ટેસ્ટમાં ભાગ લીધો છે. એટલું જ નહીં ઝોયા પોન્ડ્સ ફેમિના મિસ ઈન્ડિયાની સેકન્ડ રનર અપ રહી હતી.
ઝોયાના પ્રોજેક્ટ્સ
ઝોયાએ ખૂબ જ નાની ઉંમરે ફિલ્મી દુનિયામાં પગ મૂક્યો હતો. તે ‘હમ સાથ સાથ હૈ’માં જોવા મળી હતી. આ સિવાય તેણે ‘કહો ના કહો’, ‘પ્યાર કે તિયા સે’, ‘યે એક્સપોઝ’, ‘સ્વીટી વેડ્સ એનઆરઆઈ’ જેવા ઘણા મોટા પ્રોજેક્ટ્સમાં કામ કર્યું છે. આ સિવાય તાજેતરમાં જ તે વેબ સિરીઝ ‘મત્સ્યકાંડ’માં પણ જોવા મળી હતી. આ વેબ સિરીઝમાં ઝોયા સાથે અભિનેતા રવિ દુબે અને રવિ કિશન દેખાયા હતા.
સોશિયલ મીડિયા પર એક્ટિવ છે ઝોયા
સુપર મોડલ ઝોયા સોશિયલ મીડિયા પર ઘણી એક્ટિવ રહે છે. તે દરરોજ તેની હોટ અને સિઝલિંગ તસવીરો ફેન્સની વચ્ચે શેર કરતી રહે છે, જેના પર ફેન્સ ઘણો પ્રેમ વરસાવતા હતા. સોશિયલ મીડિયા પર પણ લાખો ઝોયાને ફોલો કરે છે. ઈન્સ્ટાગ્રામ પર તેને 2 લાખ 78 હજારથી વધુ લોકો ફોલો કરે છે.