જેકી શ્રોફને પ્રેમ બતાવનાર કૂતરાએ અસલ જીવનમાં કર્યો હતો એમનો આવો હાલ, જાણી લો આ રસપ્રદ કિસ્સો

હિન્દી ફિલ્મોમાં મનુષ્ય અને પ્રાણીઓ વચ્ચેના સુંદર સંબંધોને હંમેશા પડદા પર દર્શાવવામાં આવ્યા છે. રાજેશ ખન્નાની ફિલ્મ હાથી મેરા સાથી હોય કે દેવઆનંદની ફિલ્મ ઈન્સાનિયતમાં ‘ચિમ્પાન્ઝી’નો રોલ હોય અને નેવુંના દાયકાની વાત કરીએ તો ‘ટફી’નું પાત્ર બધાને યાદ હશે. 2014માં આવેલી અક્ષય કુમારની ફિલ્મ એન્ટરટેઈનમેન્ટમાં આ ફિલ્મનું નામ કૂતરાના નામ પરથી રાખવામાં આવ્યું હતું.

આજે આપણે એવી જ એક ફિલ્મ વિશે વાત કરીશું જેમાં લીડ હીરો એક કૂતરો હતો. હા, જો તમે ફિલ્મી દુનિયામાં થોડુ પાછળ જશો તો તમને જેકી શ્રોફની ફિલ્મ તેરી મહેરાબનિયાં ચોક્કસ યાદ આવશે. આ ફિલ્મ જોરદાર હિટ રહી હતી. આજે પણ લોકો ફિલ્મ તેરી મહેરબાનિયામાં કૂતરા મોતીના પાત્રને યાદ કરે છે. જો કે આ ફિલ્મમાં પૂનમ ધિલ્લોન અને જેકી શ્રોફ વચ્ચેની લવસ્ટોરી બતાવવામાં આવી હતી, પરંતુ આ ફિલ્મમાં જો કોઈ વાતે લોકોને સૌથી વધુ બાંધી દીધા તો તે જેકી શ્રોફના કૂતરા ‘મોતી’નું પાત્ર હતું. માલિક અને કૂતરા વચ્ચેની વાર્તા લોકોને ખૂબ પસંદ પડી. જેમાં મોતી પોતાના માસ્ટરના મોતનો બદલો લેવા માટે અંત સુધી લડે છે, પરંતુ શું તમે જાણો છો કે મોતીનું સાચું નામ શું હતું અને તેણે વાસ્તવિક જીવનમાં જેકી સાથે શું કર્યું હતું.

ફિલ્મ તેરી મહેરાબનિયાંમાં જેકી શ્રોફ અને તેના કૂતરા મોતી વચ્ચે ખૂબ જ અદભૂત સંબંધ દર્શાવવામાં આવ્યો હતો. મોતી તેના ગુરુને એટલો પ્રેમ કરતો હતો કે તે તેના હત્યારાઓ સામે બદલો લેવા લડે છે. ફિલ્મમાં જેકી અને મોતી વચ્ચે ખૂબ જ મૈત્રીપૂર્ણ અને પ્રેમભર્યા સંબંધો દર્શાવવામાં આવ્યા હતા પરંતુ શું તમે જાણો છો કે વાસ્તવિક જીવનમાં જેકી સાથે મોતીના સંબંધો એટલા મૈત્રીપૂર્ણ નહોતા. એક વાર મોતીએ જેકી દાદાને માર માર્યો. આ ફિલ્મમાં મોતીનો રોલ સૌથી મહત્વનો હતો. એવામાં જેકી શ્રોફથી સેટ પર પહોંચ્યા પછી પણ શૂટિંગ ત્યારે શરૂ થતી હતી જ્યારે મોતી કે જેનું અસલી નામ બ્રાઉની હતું એ આવી જતા હતા.

એકવાર શૂટિંગના સ્થળે મોતી એટલે કે બ્રાઉની ખુરશી પર આરામ કરી રહી હતી કે ત્યારે જ જેકી શ્રોફ ત્યાં પહોંચી ગયો અને તેણે બેસવા માટે ખુરશી ખેંચી કે તરત જ બ્રાઉનીએ એના દાંત જેકીને ખોસી દીધા એ પણ બે વાર. ત્યારથી, જેકી હંમેશા કૂતરાઓથી દૂર રહે છે.

બ્રાઉની એક અદ્ભુત એકટર હતો. તેરી મેહરાબનિયાંમાં મોતીની ભૂમિકા યાદગાર છે, આ સિવાય મોતીએ ઓરિજિનલ તેરી મેહરાબનિયાં ફિલ્મમાં પણ કામ કર્યું હતું. મર્દ ફિલ્મમાં બ્રાઉનીને પણ કાસ્ટ કરવામાં આવ્યો હતો. આ સિવાય બ્રાઉનીએ તમિલ, તેલુગુ, બંગાળી અને કન્નડ ફિલ્મોમાં પણ કામ કર્યું હતું.