એક સમયે દીકરી માટે બનાવેલા તેલથી અત્યારે મહિને કરે છે 10 લાખની કમાણી, જાણો અને તમે પણ લો પ્રેરણા

આજના પોઝિટિવ સમાચારોની વાત વિદ્યા એમ.આર. નામની મહિલાથી કરીશું જે કેરળના તિરુવનંતપુરમની રહેવાશી છે. વિદ્યા એક કોન્ટ્રાક્ટ વર્કર છે, જે કમ્પ્યુટર સહાયક તરીકે કામ કરે છે. બે વર્ષ પહેલા તેણે ઘરેથી હેર ઓઇલનું સ્ટાર્ટ અપ શરૂ કર્યું હતું. આજે તે એક ડઝન જેટલી પ્રોડક્ટનું ઉત્પાદન કરી રહી છે. કેનેડા, અમેરિકા સહિતના સાત દેશોમાં તેના ઉત્પાદનોની સપ્લાય કરે છે. આ સાથે તે દર મહિને 10 લાખ રૂપિયાની કમાણી કરી રહી છે.

42 વર્ષીય વિદ્યા કહે છે કે તેણે ક્યારેય ધંધો કરવાનું વિચાર્યું નહોતું. તેણીની સામાન્ય જીંદગી ચાલતી હતી, પરંતુ મારી પુત્રી ઘણી વાર વાળમાં ડેન્ડ્રફથી પરેશાન રહેતી હતી. તેના મિત્રો પણ શાળામાં તેને ટોકતા હતા. અમે આ વિશે ઘણા તેલ અને શેમ્પૂ બદલ્યા, પરંતુ તેનો કોઈ ફાયદો થયો નહીં. ડેંડ્રફ ઓછો થયો નહીં.

વિદ્યા કહે છે કે મેં મારી માતા સાથે આ સમસ્યા વિશે વાત કરી. મેં વિચાર્યું કે તેઓની પાસે કોઈ ઘરેલું ઉપાય જરૂર હશે. તેથી વિચાર્યું કે એકવાર હું તેમનો અભિપ્રાય પણ લઈશ. વિદ્યાની માતાએ તેને પારંપરિક પદ્ધતિ બતાવી. જે પછી વિદ્યાએ નાળિયેરનું દૂધ, એલોવેરા, આમળા, ગુડહલ મેળવીને તેલ તૈયાર કર્યું. તેને તૈયાર કરવામાં ત્રણ દિવસનો સમય લાગ્યો.

તે કહે છે કે તે સમયે મને આ રીતેથી વધારે અપેક્ષા નહોતી, પરંતુ જ્યારે મેં તેને પુત્રીના વાળ પર લગાવી ત્યારે તેના ડેંડ્રફ થોડા દિવસ પછી સાફ થઈ ગયા. મારા માટે તે આશ્ચર્યજનક હતું. મારી પુત્રી અને હું વર્ષોથી મુશ્કેલી અનુભવી રહ્યી હતી, તેમાંથી સરળતાથી છૂટકારો મેળવવો એ મોટી વાત હતી.

વિદ્યાની પુત્રી ગાયત્રી જ્યારે શાળાએ પહોંચી ત્યારે શિક્ષકો અને મિત્રો પણ તેના વાળ ખોડો વગરના જોઈને આશ્ચર્યચકિત થઈ ગયા. તેઓએ તેની પાછળનું રહસ્ય પૂછવાનું શરૂ કર્યું. પછી ગાયત્રી તેને કહે છે કે મારી માતાએ તેલ તૈયાર કર્યું છે. તેને લગાવ્યા બાદ મારો ડેંડ્રફ સાફ થઈ ગયો. આ પછી, તેઓએ તે તેલની માંગ પણ શરૂ કરી. વિદ્યાએ તેના માટે તેલ પણ તૈયાર કર્યું. આ સાથે, તેમણે ઘણા સંબંધીઓને તેલ પણ મોકલ્યું.

વિદ્યા કહે છે કે જેણે પણ આ તેલનો ઉપયોગ કર્યો, તેમને ફાયદો થયો અને તેઓએ ફરીથી મારી પાસેથી તે માંગવાનું શરૂ કર્યું. આ જોઈને મારા પાડોશમાં રહેતી એક મહિલાએ મને સ્ટાર્ટઅપ શરૂ કરવાનો આઈડિયા આપ્યો. જોકે હું તેના માટે તૈયાર નહોતી. મને ખબર નહોતી કે ધંધો ચાલશે કે નહીં.

વિદ્યાએ મિત્રોની સલાહથી ઘરેથી તેલ બનાવવાનું શરૂ કર્યું અને પછી તેને સંબંધીઓને મોકલવાનું શરૂ કર્યું. આ પછી, તેણે સ્થાનિક બજારમાં પણ તેના ઉત્પાદનોની સપ્લાય કરવાનું શરૂ કર્યું. તે કહે છે કે જ્યારે મારા ઉત્પાદનની માંગ ધીરે ધીરે વધતી ગઈ ત્યારે મને હિંમત આવી અને લાગ્યું કે હવે તેને બિઝનેસનું રૂપ આપી શકાય છે. પછી મેં 2018માં બેંકમાંથી લોન લીધી અને મોટા સ્તરે કામ શરૂ કર્યું. હું તેલ તૈયાર કરવા માટે ઘરેલું પદ્ધતિઓનો ઉપયોગ કરતી હતી. પાછળથી, તેઓએ મશીનો દ્વારા તેલ બનાવવાનું શરૂ કર્યું અને ઉત્પાદનોની સંખ્યામાં પણ વધારો કર્યો.

વિદ્યા કહે છે કે અગાઉ હું સોશિયલ મીડિયા દ્વારા માર્કેટિંગ કરતી હતી. સોશિયલ મીડિયા પર તેની પ્રોડક્ટના ફોટા પોસ્ટ કરતી હતી, જેને લોકો જોતા અને ઓર્ડર કરતા હતા. હવે તેઓએ પોતાનું પોર્ટલ બનાવ્યું છે. જેના પર તેમના બધા ઉત્પાદનો અને તેમના ડિસ્ક્રિપ્શન હાજર છે.

આ સાથે તેણે એમેઝોન અને અન્ય પ્લેટફોર્મ સાથે પણ ટાઈપ અપ કર્યું છે. દર મહિને 500 થી વધુ ઓર્ડર તેમની પાસે આવે છે. કેરળની સાથે સાથે તેઓ ભારતના તમામ મોટા રાજ્યોમાં અને હવે વિદેશમાં પણ તેમના ઉત્પાદનોની સપ્લાય કરી રહ્યા છે. વિદ્યા હેર ઓઇલની સાથે સાબુ અને શેમ્પૂ પણ બનાવે છે. આ કામ માટે તેઓએ 10 મહિલાઓને રાખી છે. તેઓ વિદ્યાની મદદ કરે છે

વિદ્યા તેના ઉત્પાદનોને આયુર્વેદિક રીતે તૈયાર કરે છે. આ માટે તેણે ક્યાંય તાલીમ લીધી નથી પરંતુ કામ કરતા કરતા શીખી છે. તેઓ હજી પણ નિયમિત ઓનલાઇન માહિતી એકત્રિત કરતા રહે છે. વિદ્યા કહે છે કે હું અને મારી ટીમના સભ્યો સ્થાનિક વિક્રેતાઓ અને ખેડૂતો પાસેથી તેમની પ્રોડક્ટ જેવી કે નાળિયેર, આમળા, અશ્વગંધા, તુલસી, હળદર, કુંવારપાઠ જેવી વસ્તુઓ ખરીદે છે અને પછી તેને સાફ કરીને તેને તડકામાં સૂકવીએ છીએ. ત્યારબાદ તેઓ ટુકડા કરી તેના પાંદડા અને દાંડીને અલગ પાડે છે. પછી તે તેને સ્ટોવ પર સારી રીતે ઉકાળે છે. આ પછી, મશીનની મદદથી, અમે તેલ અને અન્ય ઉત્પાદનો તૈયાર કરીએ છીએ.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ –

આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.

આપણું પેજ “હેલ્થ ગુજરાત” માણતા રહો અને શેર કરતા રહો!

આપના સહકારની આશા સહ,

ટીમ હેલ્થ ગુજરાત