કોરોના વાયરસે દુનિયાના એક દેશમાં ભયંકર તબાહી મચાવી છે. અહીં અત્યાર સુધીના તમામ રેકોર્ડ તુટી ગયા છે તેવો મૃત્યુઆંક સામે આવ્યો છે. કોરોના વાયરસનો ડેલ્ટા વેરિયંટ અમેરિકા સહિત ભારતમાં તબાહી મચાવી રહ્યો છે. ત્યારે રશિયામાંથી ચિંતાજનક સમાચાર સામે આવ્યા છે. રશિયાથી જે મૃત્યુઆંકના આંકડા સામે આવ્યા છે તેણે અત્યાર સુધીના તમામ રેકોર્ડ તોડી નાખ્યા છે.
રશિયાથી જે આંકડા સામે આવ્યા છે તે અંગે જે જાણકારી સામે આવી છે તે અનુસાર અહીં કોરોનાના ગામા વેરિયંટે ભુક્કા બોલાવી દીધા છે. રશિયામાં ગામા વેરિયંટે લોકોની ચિંતા વધારી દીધી છે. બ્રાઝિલમાં જોવા મળેલો ગામા વેરિયંટ હવે રશિયામાં તબાહી મચાવી રહ્યો છે.
જાણવા મળતી માહિતી અનુસાર રશિયામાં કોરોના વાયરસના કેસોમાં ચિંતાજનક વધારો થયો છે અને સરકાર પણ દોડતી થઈ છે. આ સ્થિતિ જોઈ અને વિશ્વના અન્ય દેશોની ચિંતા પણ વધી છે.
ગામા વેરિયંટના કારણે રશિયામાં એક જ દિવસમાં 808 લોકોના જીવ લેવાયા છે. આંકડાકીય માહિતી અનુસાર રશિયામાં કોરોના સંક્રમિત દર્દીઓની સંખ્યા 65 લાખથી વધુ થઈ ચુકી છે. જો કે અહીં 50 લાખથી વધુ લોકો કોરોનાથી સ્વસ્થ થયા છે. જ્યારે કુલ 1,68,049 લોકો કોરોનાના કારણે મૃત્યુ પામ્યા છે.
ઉલ્લેખનીય છે કે ગત જૂન માસ સુધીમાં કોરોનાથી રશિયાનો એડિશનલ ફેટલિટી ટોલ 5,31,000થી વધારે હતો, તેવામાં રશિયાની કોવિડ-19 ટાસ્ક ફોર્સે ગુરુવારે 21,932 નવા કોવિડ-19 કેસની પુષ્ટિ કરી હતી. અહીં એક જ દિવસમાં 800થી વધુ લોકોના મોત પણ થયા છે. જાણવા મળતી માહિતી મુજબ રસીકરણ અભિયાનની ધીમી ગતિના કારણે અહીં કોરોના સંક્રમણમાં વધારો થયો છે. અત્યાર સુધીમાં અહીંની 19.7% વસ્તીને જ રસીના બે ડોઝ મળ્યા છે.