જીઓએ તોડ્યું ફેન્સનું દિલ, બંધ કર્યા એમના ત્રણ ધમાકેદાર પ્રિપેડ પ્લાન્સ, જાણી લો ક્યાં ક્યાં
પ્રાઈવેટ ટેલિકોમ કંપની રિલાયન્સ જિયોએ થોડા દિવસો પહેલા પોતાના પ્રીપેડ પ્લાનની કિંમતમાં વધારો કર્યો હતો, જે 1 ડિસેમ્બરથી લાગુ પણ થઈ ગયો છે. તમને જણાવી દઈએ કે આ નિર્ણય સાથે જિયોએ આવા ત્રણ પ્રીપેડ પ્લાન પણ બંધ કરી દીધા છે જે લોકોને પસંદ હતા અને ઘણા ફાયદાઓ સાથે આવતા હતા. ચાલો જાણીએ કે કયા કયા પ્રીપેડ પ્લાન છે જે Jioએ બંધ કર્યા છે.
જિયોએ બંધ કર્યા એના ત્રણ પ્રિપેડ પ્લાન્સ
એક તરફ રિલાયન્સ જિયોએ તેના ઘણા પ્રીપેડ પ્લાનની કિંમતમાં વધારો કર્યો છે, તો બીજી તરફ તેણે ત્રણ પ્લાન પણ બંધ કરી દીધા છે. જો તમે જિયોની વેબસાઈટ પર જઈને જુઓ, તો તમને જિયોના રૂ. 499, રૂ. 666 અને રૂ. 888ના પ્લાન દેખાશે નહીં. તમને જણાવી દઈએ કે કંપનીએ આ પ્લાન્સને બંધ કરવા અંગે કોઈ અલગથી જાહેરાત કરી નથી. ચાલો જોઈએ કે આ યોજનાઓ કયા ફાયદાઓ ઓફર કરતી હતી.
જિયોનો 499 રૂપિયાનો પ્રિપેડ પ્લાન
499 રૂપિયાની કિંમતનો જિયોનો આ પ્રીપેડ પ્લાન 28 દિવસની વેલિડિટી સાથે આવતો હતો અને તેમાં તમને દરરોજ 3GB ડેટા, કોઈપણ નેટવર્ક પર અનલિમિટેડ વૉઇસ કૉલિંગ અને દરરોજ 100 SMS મળતા હતા. આ પ્લાનમાં યુઝરને તમામ જિયો એપ્સનું સબસ્ક્રિપ્શન પણ આપવામાં આવ્યું હતું.
જિયોનો 666 રૂપિયાનો પ્લાન
જિયો આ પ્લાન યુઝરને દરરોજ 2GB ડેટા, 100 SMS પ્રતિ દિવસ અને 56 દિવસ માટે કોઈપણ નેટવર્ક પર અનલિમિટેડ વૉઇસ કૉલિંગનો લાભ આપતો હતો. આ પ્લાનમાં જિયો કલાઉડ જેવી તમામ જીઓ એપ્સની ઍક્સેસ પણ આપવામાં આવી હતી. આ પ્લાનની કિંમત 666 રૂપિયા હતી પરંતુ હવે આ પ્લાનને બંધ કરી દેવામાં આવ્યો છે.
જિયોનો 888 રૂપિયાનો પ્લાન
આ પ્લાનમાં, કંપની વતી, યુઝરને 888 રૂપિયાના બદલામાં દરરોજ 2GB ડેટા, કોઈપણ નેટવર્ક પર અનલિમિટેડ કૉલિંગ અને દરરોજ 100 એસએમએસ મળતા હતા. આ પ્લાનમાં જીઓ મ્યુઝિક, જીઓ સિનેમા અને જીઓ કલાઉડ જેવી તમામ જીઓ એપ્સનું સબસ્ક્રિપ્શન પણ આપવામાં આવી રહ્યું હતું. તમને જણાવી દઈએ કે આ પ્લાનની વેલિડિટી 84 દિવસની હતી.
.
આ એવા ત્રણ પ્લાન છે જે જીઓ એ બંધ કરી દીધા છે પરંતુ તેના વિશે અલગથી જાણ કરી નથી. જો તમે જીઓ નું કોઈ રિચાર્જ કરાવવા ઈચ્છો છો, તો તમે જીઓની વેબસાઈટ પર જઈને પ્લાનના ઓપ્શન્સ ચેક કરી શકો છો.