દેશમાં બાળકો માટે વેક્સિનની તૈયારી, એઈમ્સના ડિરેક્ટરે આપ્યું મોટુ નિવેદન

ભારતમાં સપ્ટેમ્બર સુધીમાં બાળકોનુ રસીકરણ શરૂ થવાની સંભાવના છે. આજે સવારે આ માહિતી આપતા એઈમ્સના વડા ડો.રણદીપ ગુલેરિયાએ કહ્યું કે કોરોના ચેપને રોકવા માટે આ એક મહત્વપૂર્ણ પગલું હશે. આઈમ્સના ડાયરેક્ટરએ જણાવ્યું હતું કે, ભારત માટે બાયોટેકની કોવેક્સિન ટ્રાયલ ચાલી રહી છે. અને પરિણામ સપ્ટેમ્બર સુધીમાં જાહેર થવાની સંભાવના છે. ફાઈઝર રસીને એફડીએની મંજૂરી મળી ચૂકી છે. આશા છે કે સપ્ટેમ્બર સુધીમાં આપણે બાળકોને રસી આપવાનું શરૂ કરીશું.

ઝાયડસ કેડિલાએ 12 થી 18 વર્ષની વયના બાળકો માટે તેની ટ્રાયલ સમાપ્ત કરી લાધી છે. અમદાવાદ સ્થિત દવા ફર્મે પે 1 જુલાઇના રોજ ઝાયકોવ-ડી માટે કટોકટી ઉપયોગની મંજૂરીની વિનંતી કરી હતી. જો કે, સૂત્રોના જણાવ્યા અનુસાર, દેશના ડ્રગ કંટ્રોલર જનરલ ઓફ ઈન્ડિયા (ડીસીજીઆઈ) ને તેને કટોકટીના ઉપયોગ માટે મંજૂરી આપવા માટે હજી કેટલાક દિવસોનો સમય લાગશે. આ કોરોના વાયરસ સામે પ્લાસ્મિડ ડીએનએ રસી છે અને આ રસીના ત્રણ ડોઝ હશે.

ધ લન્સેટ મેગેઝિન શું કહે છે

ભારતે અત્યાર સુધીમાં 42 કરોડથી વધુ રસી ડોઝ આપ્યા છે અને સરકારનું લક્ષ્ય છે કે આ વર્ષના અંત સુધીમાં તમામ યુવાનોને રસી આપવામાં આવે. જો કે, ત્રીજી લહેરની ચિંતા વચ્ચે દેશએ હજુ સુધી બાળકો માટે એક પણ રસીને મંજૂરી આપી નથી. વિશ્વની સૌથી પ્રાચીન તબીબી જર્નલમાંના એક લેન્સેટ દ્વારા આ અઠવાડિયાની શરૂઆતમાં પ્રકાશિત થયેલા એક અભ્યાસ મુજબ, “11- 17 વર્ષના બાળકો સાથે રહેવાથી સંક્રમણ 18-30 ટકા વધી જાય છે.

તેના વિશે વાત કરતાં, ડો ગુલેરિયાએ આજે સવારે કહ્યું, તે એક મહત્વપૂર્ણ મુદ્દો છે. નબળા લોકો – વૃદ્ધ અથવા બીમારીઓવાળા લોકોને ચેપ થવાનું જોખમ વધારે છે (આવા કિસ્સાઓમાં). આ જ કારણ છે કે લોકો બાળકોને શાળાએ મોકલવાને લઈને ચિંતિત છે.

ડો.ગુલેરિયાએ એમ પણ કહ્યું કે, ‘બાળકોને આગામી થોડા અઠવાડિયામાં અથવા સપ્ટેમ્બર સુધી રસી ઉપલબ્ધ કરાવવી જોઈએ. પછી આપણે તબક્કાવાર રીતે શાળા શરૂ કરવી જોઈએ કારણ કે અમે 18 થી 45 વર્ષની વય જૂથના લોકો માટે કરી રહ્યા છીએ. આનાથી બાળકને વધુ સુરક્ષા મળશે અને લોકોને વિશ્વાસ મળશે કે તેમના બાળકો સુરક્ષિત છે. ‘ભારત સરકાર ડિસેમ્બર મહિના સુધી 18થી વધુની ઉમર ધરાવતા સમગ્ર લોકોના રસીકરણને લઈને રસી ખરીદવા માટે કોવિડ -19 રસી ઉત્પાદકો મોડર્ના અને ફાઇઝર સાથે ચર્ચા કરી રહી છે. જો કે, તેમાં મોડું થયું છે.