શરીરમાં પ્રોટીનની ખામીને દૂર કરવા માટે કરી લો ઈંડાનો ખાસ ઉપયોગ, નહીં રહે સ્વાસ્થ્યની મુશ્કેલી

શરીરમાં પ્રોટીન ની ઉણપને પહોંચી વળવા માટે ઘણી શાકાહારી વસ્તુઓ એવી હોય છે, જેમાં ખૂબ પ્રોટીન હોય છે, અને તેને આહારમાં સામેલ કરીને શરીરમાં પ્રોટીન ની ઉણપ ને સરળતાથી પૂરી કરી શકાય છે. શરીરની કોશિકાઓ ને સુધારવા અને નવા કોષો બનાવવા માટે પ્રોટીન ની જરૂર છે. તેમજ પ્રોટીન ને શરીર નો ઊર્જા સ્ત્રોત માનવામાં આવે છે.

પ્રોટીનના અભાવ થી ત્વચા ફાટી શકે છે, અને વાળ ખરવા ની સમસ્યા થાય છે. પ્રોટીન ની ઘણી મહત્વ પૂર્ણ ભૂમિકાઓ પણ છે. સામાન્ય રીતે શરીરમાં પ્રોટીન ની ઉણપ ને પહોંચી વળવા માટે ઇંડા, માછલી, ડેરી ઉત્પાદનો વગેરે લેવાની સલાહ આપવામાં આવે છે.

કારણ કે આ વસ્તુઓ ઉચ્ચ પ્રોટીન ખોરાક ની શ્રેણીમાં આવે છે. પરંતુ જો તમને ડેરી પ્રોડક્ટ્સ ઓછી ગમે છે અને તમે શાકાહારી છો તો તમે શરીરમાં પ્રોટીન ની ઉણપને કેવી રીતે પહોંચી વળશો ? ચાલો અમે તમને અહીં જણાવીએ શાકાહારી લોકો માટે ઉચ્ચ પ્રોટીન ખોરાક જે તમારા શરીરમાં ક્યારેય પ્રોટીન ની ઉણપ નું કારણ નહીં બને.

સોયાબીન :

સોયાબીન માં લગભગ છેતાલીસ ટકા પ્રોટીન હોય છે. તેમાં ફાઇબર, મિનરલ્સ, વિટામિન બી કોમ્પ્લેક્સ, વિટામિન એ, કેલ્શિયમ, મેગ્નેશિયમ અને પોટેશિયમ જેવા પોષક તત્વો પણ હોય છે. તેને તમારા આહારમાં શામેલ કરવાથી માત્ર પ્રોટીન ની ઉણપ જ નહીં પરંતુ અન્ય પોષક તત્વોની ઉણપ ને પણ પહોંચી વળે છે. તેમાં રહેલી અસંતૃપ્ત ચરબી ખરાબ કોલેસ્ટ્રોલ ના સ્તરને ઘટાડવામાં મદદ કરે છે, જેનાથી હૃદયરોગ નું જોખમ ઓછું થાય છે. તે ઓસ્ટિયોપોરોસિસનું જોખમ પણ ઘટાડે છે.

દાળ :

શરીરમાં પ્રોટીનનું યોગ્ય સ્તર જાળવવું હોય તો દરેક વ્યક્તિએ દરરોજ આહારમાં દાળ લેવી આવશ્યક છે. દાળના બાઉલમાં લગભગ અઢાર ગ્રામ પ્રોટીન હોય છે. કઠોળ ને આહારમાં ઘણી રીતે સમાવી શકાય છે.

બદામ :

અડધા કપ બદામમાં લગભગ સત્તર ગ્રામ પ્રોટીન હોય છે. તેમાં મેગ્નેશિયમ, કેલ્શિયમ અને આયર્ન જેવા પોષક તત્વો પણ હોય છે, જે શરીર ને ઊર્જા આપે છે તેમજ પ્રોટીન ને વેગ આપે છે. બદામ વાળ ઉપરાંત તમારી ત્વચા, મન અને શરીર માટે ઘણી રીતે ફાયદાકારક માનવામાં આવે છે. તમે દરરોજ બદામ પલાળી ને ખાઈ શકો છો, અથવા તેને બદામ માખણ તરીકે ખાઈ શકો છો.

ટોફુ :

જો તમને ડેરી પ્રોડક્ટ્સ પસંદ ન હોય તો તમે ટોફુ દ્વારા શરીરમાં પ્રોટીન ની ઉણપને દૂર કરી શકો છો. ટોફુ એક પ્રકાર નું ચીઝ છે, જે સોયા દૂધમાંથી તૈયાર કરવામાં આવે છે. તે એકદમ નરમ અને ક્રીમી છે. નેવું ગ્રામ ટોફુમાં લગભગ દસ ગ્રામ પ્રોટીન મળી શકે છે. આ ઉપરાંત સોયા મિલ્ક દ્વારા પ્રોટીન ની ઉણપ પણ પૂર્ણ કરી શકો છો.

સીંગદાણા :

સો ગ્રામ સીંગદાણામાં લગભગ છવીસ ગ્રામ પ્રોટીન હોય છે. મગફળી ને તમારા આહારમાં ઘણી રીતે સમાવી શકાય છે. તે ખૂબ ફાયદાકારક છે. તમે તેને નાસ્તા તરીકે ખાઈ શકો છો, અથવા તેને ખાદ્ય વસ્તુઓમાં ઉમેરી શકો છો. ઉનાળામાં મગફળી ને બદામની જેમ પલાળીને પણ ખાઈ શકાય છે. તમે પીનટ બટરનું સેવન પણ કરી શકો છો.