માતા વૈષ્ણવ દેવીના દરબારમાં પહોંચી શિલ્પા શેટ્ટી, ઘોડા પર સવાર દેખાઈ તસવીરોમાં.
બોલિવૂડ અભિનેત્રી શિલ્પા શેટ્ટી લાંબા સમયથી સતત ચર્ચામાં છે. તેના પતિ બિઝનેસમેન રાજ કુન્દ્રા પોર્નોગ્રાફી કેસમાં જેલમાં કેદ છે. તો શિલ્પા શેટ્ટી પણ આ કેસના કારણે લાંબા સમય સુધી મીડિયા સામે આવી ન હતી. પરિવાર પર આફતના કારણે શિલ્પા શેટ્ટીનો ભગવાન પરનો વિશ્વાસ વધુ વધી ગયો છે. તાજેતરમાં શિલ્પા માતા વૈષ્ણોદેવીના દરબારમાં પહોંચી હતી. માતાના આશીર્વાદ લેવા માટે શિલ્પા જમ્મુ -કાશ્મીર પહોંચી, તેણે સાંજે 5 વાગ્યાની આસપાસ ચડવાનું શરૂ કર્યું. એમનો એક ફોટો પણ સામે આવ્યો છે જેમાં એ ઘોડા પર બેઠેલી દેખાઈ રહી છે. શિલ્પા શેટ્ટીએ માસ્ક પહેરેલું છે અને એમની આસપાસ ઘણી પોલીસ પણ દેખાઈ રહી છે.
તમને જણાવી દઈએ કે શિલ્પા શેટ્ટીને હેલિકોપ્ટર દ્વારા મા વૈષ્ણો દેવી ભવન જવાનું હતું, પરંતુ ત્રિકુટા પર્વતની આસપાસ ધુમ્મસના કારણે હેલિકોપ્ટર સેવા સ્થગિત કરવામાં આવી છે. આ કારણે, શિલ્પા શેટ્ટીને પગપાળા ભવન માટે રવાના થવું પડ્યું. શિલ્પા શેટ્ટીએ કહ્યું કે તે માતા વૈષ્ણો દેવીની ભક્ત છે અને જ્યારે તેને સમય મળે છે ત્યારે તે માતા વૈષ્ણો દેવીના દરબારમાં હાજરી આપવા આવતી રહે છે.
શિલ્પા શેટ્ટીને ભગવાનમાં પૂરો વિશ્વાસ છે. તાજેતરમાં જ શિલ્પા શેટ્ટીએ પોતાના ઘરે ભગવાન ગણેશની સ્થાપના કરી હતી. તેણે સોશિયલ મીડિયા પર તેની સાથે જોડાયેલી કેટલીક તસવીરો અને વીડિયો પણ શેર કર્યા છે. તમને જણાવી દઈએ કે શિલ્પાના પતિ રાજ કુન્દ્રા હાલના દિવસોમાં જેલમાં છે. પોર્ન ફિલ્મ બનાવવા અને એપ પર સ્ટ્રીમ કરવા બદલ તેની ધરપકડ કરવામાં આવી હતી.
.
હાલમાં, મુંબઈ ક્રાઈમ બ્રાન્ચે રાજ કુંદ્રા વિરુદ્ધ મેજિસ્ટ્રેટની કોર્ટમાં 1,500 પાનાની ચાર્જશીટ દાખલ કરી છે. મુંબઈની ક્રાઈમ બ્રાન્ચે એપ્રિલ મહિનામાં આ કેસમાં 9 લોકો સામે ચાર્જશીટ દાખલ કરી હતી. જે બાદ રાજ કુન્દ્રા અને રાયન થોર્પેની 19 જુલાઈએ ધરપકડ કરવામાં આવી હતી.
પોલીસે જણાવ્યું કે રાજ કુંદ્રા અને થોર્પે અગાઉ પકડાયેલા આરોપીઓ સાથે કાવતરું કરીને આર્થિક રીતે નબળી યુવતીઓનો લાભ લીધો હતો. જે ફિલ્મ ઉદ્યોગમાં સંઘર્ષ કરી રહી હતી અને તેમની સાથે અશ્લીલ ફિલ્મો બનાવી હતી. અશ્લીલ વીડિયો પછી વિવિધ વેબસાઇટ્સ તેમજ મોબાઇલ એપ્લિકેશન્સ પર અપલોડ કરવામાં આવ્યા હતા.
શિલ્પા શેટ્ટી પોતાના કામ પર પરત ફરી છે. તે ‘સુપર ડાન્સર 4’માં જજ તરીકે જોવા મળે છે. આ સાથે તે પોતાની ફિટનેસનું પણ પૂરું ધ્યાન રાખે છે. તેણે તાજેતરમાં જ યોગ કરતા પોતાનો એક વીડિયો શેર કર્યો છે. આ સાથે, યોગના ફાયદાઓ પણ ગણાવ્યા હતા.