હાલના આ કોરોનાના સમયમાં કફ થઇ જાય તો પણ ટેન્શન વધી જાય છે કારણકે, કફ એ કોરોનાનું મુખ્ય લક્ષણ છે અને તેને મટાડવાના ઘરેલૂ ઉપચાર અપનાવવા જોઇએ. આ કોરોનાની મહામારીમાં તમારા સ્વાસ્થ્યની કાળજી રાખવી પણ ખુબ જ જરૂરી છે. આજે આપણે આ લેખમાં કફને કેવી રીતે દુર કરવા તેના ઘરેલું ઉપાય વિષે જાણીશું. તેનો ઉપયોગ કરવાથી કફની સમસ્યા માંથી છુટકારો મળે છે. તો ચાલો તેના ઘરેલું ઉપાય વિષે જાણીએ.
સ્ટીમ લેવાથી મળશે રાહત :
જો કોઈ વ્યક્તિને કફની સમસ્યા સતાવતી હોય તો સૌથી સારો ઓપ્શન છે કે સ્ટીમ લઇ લેવી જોઇએ. તેનાથી હવા સીધી ફેફસા સુધી પહોંચે છે અને કફને તોડવામાં પણ મદદ કરે છે.
મરી :
છાતીમાં કફ થઇ જવાના કારણે શ્વાસ લેવામાં પણ તકલીફ પડે છે. તેવામાં એક ચમચી કાળા મરી પાઉડર અને મધ મિક્સ કરીને ખાવાથી તમને ગળામાં રાહત મળશે. તમે ઇચ્છો તો કાળા મરીનો સુપ બનાવીને પણ પી શકો છો.
મીઠાના પાણીના કોગળા કરો :
કફ થવા પર મીઠાવાળા પાણીના કોગળા કરવા પણ એક અસરદાર ઉપાય માનવામાં આવે છે. લ્યુક વોર્મ વોટરમાં મીઠુ મિક્સ કરીને કોગળા કરો. તેનાથી ગળાની ખરાશમાં પણ આરામ મળશે અને કફને પણ તોડી શકશે.
આદુ :
આદુમાં એન્ટી ઇંફ્લેમેટ્રી ગુણ હોય છે જે નાકના પેસેજને ક્લિયર કરે છે. તેમાં રહેલા તત્વ શરીરમાં બેક્ટેરિયા અને કોરોના વાયરસના સંક્રમણ સાથે લડવામાં મદદ કરે છે. ગળામાં રહેલ કફ માટે આદુના નાના ટુકડા કરીને લીંબુના રસમાં મિક્સ કરીને તેનું સેવન કરો. તેનાથી તમને આરામ મળશે.
ફૂદીનાનું તેલ :
ફૂદીનાનું તેલ છાતીમાં જમા થયેલ કફને હટાવવામાં મદદ કરે છે. ગરમ પાણીમાં ફૂદીનાના તેલની કેટલીક ડ્રોપ્સ નાંખો અને સ્ટીમ લો. તેનાથી તમને કફમાં ઘણો આરામ મળશે.
ડુંગળી :
ડુંગળીમાં રહેલાં એન્ટીસેપ્ટિક અને એન્ટીઈન્ફ્લામેટરી તત્વ છાતીમાં કફ જામી જવાની સમસ્યામાં ઘણો આરામ આપે છે. તમે ડુંગળીનો આ ઉપાય અજમાવી ઝડપથી કફમાં આરામ મેળવી શકો છો. તેના માટે એક નાની ડુંગળીનો રસ કાઢી તેમાં એક ચમચી લીંબુનો રસ અને એક ચમચી પાણી અને થોડું મધ મિક્સ કરીને દિવસમાં ત્રણ વાર લો. આને સહેજ ગરમ પણ કરી શકો છો. આ એક રામબાણ ઉપાય છે. જે તમારા કફને દૂર કરી દેશે.
હળદર :
હળદર કેટલી ફાયદાકારક છે એ તો બધાં જાણે જ છે. તેમાં રહેલાં એન્ટીસેપ્ટિક, એન્ટીબેક્ટેરિયલ અને એન્ટીઈન્ફ્લામેટરી ગુણો શરદી, ખાંસી અને કફની સમસ્યામાં રામબાણની જેમ અસર કરે છે. હળદર એક અક્સિર ઈલાજ છે. તેના માટે અડધી ચમચી હળદર પાઉડરમાં અડધી ચમચી કાળા મરીનો પાઉડર મિક્સ કરી તેમાં એક ચમચી મધ મિક્સ કરી દો. હવે આ મિશ્રણને દિવસમાં ત્રણ થી ચાર વખત ખાઓ. પછી જુઓ કેવી અસર થાય છે.