તમારે દરેક સીઝનમાં તમારા હોઠ ની સંભાળ રાખવી જોઈએ. ખાસ કરીને જ્યારે તમારે તમારા હોઠ ને અતિશય શુષ્કતા અને તડકાથી બચાવવું પડે, નહીં તો તેમનો રંગ કાળો થવા લાગે છે. શિયાળામાં તમારા હોઠની સંભાળ રાખવી તમારા માટે ખૂબ જ જરૂરી છે. જોકે, બજારમાં ઘણા પ્રકારના ઉત્પાદનો ઉપલબ્ધ છે જે તમારા હોઠને ગુલાબી અને નરમ બનાવવાનો દાવો કરે છે પરંતુ, તમે એ પણ જાણો છો કે તે કેટલા અસરકારક છે?
અમે તમારા માટે તલના તેલના ફાયદા લાવ્યા છીએ. તે તમારા હોઠ ની કાળાશ દૂર કરવામાં મદદ કરી શકે છે. ચહેરાની સુંદરતામાં હોઠ પણ વિશેષ ભૂમિકા ભજવે છે. પરંતુ કેટલીક વાર હોઠનો રંગ કોઈ પણ કારણસર કાળો થવા લાગે છે. જેનાથી તમારી સુંદરતા ઝાંખી પડી જાય છે. આ કિસ્સામાં, તમે તલના તેલની મદદથી હોઠની કાળાશ દૂર કરી શકો છો, અને તેને ગુલાબી રંગ આપી શકો છો.
નાળિયેર અને તલનું તેલ :
અડધી ચમચી નાળિયેર તેલ અને અડધી ચમચી તલનું તેલ લો. હવે આ બંને તેલ ને સારી રીતે મિક્સ કરો. ત્યારબાદ આ મિશ્રણને તમારા હોઠ પર લગાવો અને પાંચ મિનિટ સુધી આંગળી થી મસાજ કરો. માલિશ કર્યા પછી તેને અડધા કલાક માટે છોડી દો. ધીમે ધીમે હોઠ ની કાળાશ ઓસરી જવા લાગશે અને હોઠ ગુલાબી થવા લાગશે. આ ઉપાય હોઠ ની કાળાશ ને દૂર કરીને હોઠને ગુલાબી બનાવવામાં મદદ કરશે.
ખાંડ અને તલનું તેલ :
એક ચમચી ખાંડ લો અને તેને હળવા હાથે ક્રશ કરો. હવે અડધી ચમચી તલ નું તેલ લઈ તેમાં ખાંડ મિક્સ કરી ને તેનું સ્ક્રબ બનાવો. ધ્યાન રાખો કે ખાંડ તેલમાં ઓગાળવાની નથી પણ બરછટ મિશ્રણ બનાવવા માટે છે. હવે આ મિશ્રણ ને તમારા હોઠ પર સારી રીતે લગાવો. હવે આંગળીઓ ની મદદથી લગભગ ત્રણ થી ચાર મિનિટ સુધી ધીમે ધીમે સ્ક્રબ કરો. ત્યાર બાદ હોઠ ને સાદા પાણી થી સાફ કરો. આ ઉપાય કરવાથી થોડા જ દિવસોમાં હોઠ નો રંગ ગુલાબી થવા લાગશે.
હળદર અને તલનું તેલ :
અડધી ચમચી તલ નું તેલ લઈ તેમાં બે ચપટી હળદર ઉમેરી જાડી પેસ્ટ બનાવી લો. આ પેસ્ટ ને તમારા હોઠ પર લગાવો અને બે મિનિટ માટે તમારી આંગળી થી તમારા હોઠ પર મસાજ કરો. પછી તેને અડધો કલાક માટે છોડી દો. ત્યારબાદ સ્વચ્છ પાણીથી ધોઈ લો. થોડા દિવસ તેનો ઉપયોગ કરવાથી હોઠનો રંગ ગુલાબી થવા લાગશે. આ ઉપાય થી હોઠ ની કાળાશ દૂર થાય છે અને તે ગુલાબી થઈ જાય છે.