બોસ્ટનના પ્રખ્યાત ‘સ્કીની હાઉસ’ નો ઘણો ખર્ચ થયો છે. આ ઘર ખરીદવા માટે ઘણી ઓફરો આવી હતી અને અંતે તે $ 1.25 મિલિયન (9 કરોડ રૂપિયા થી વધુ) માં વેચવામાં આવ્યું હતું. સામાન્ય રીતે કરોડોના મકાનો ખૂબ મોટા હોય છે, અને તેમાં જીમ, સ્વિમિંગ પૂલ જેવી તમામ સુવિધાઓ હોય છે. પરંતુ બોસ્ટનમાં આવા ઘર કરોડો રૂપિયામાં વેચાયા છે, જેની પહોળાઈ માત્ર દસ ફૂટ છે.
આટલું નાનું હોવા છતાં, આ ઘર તેના અડી ને આવેલા ઘરો વચ્ચે સંપૂર્ણ પણે અલગ દેખાય છે. તાજેતરમાં વેચાણ માટે ગયેલા આ મકાન ને ગુરુવારે સોદો થયો હતો અને તે 1.2 મિલિયન ડોલર એટલે કે 9 કરોડ રૂપિયાથી પણ વધુ રકમમાં વેચાયો હતો.
નાનું ઘર ખરીદવા માટે લાંબી કતાર
રિયલ એસ્ટેટ એજન્સી સીએલ પ્રોપર્ટીઝે ફેસબુક પર લખ્યું હતું કે, ‘ઘણા લોકો આ ઘર ખરીદવા માટે આગળ આવ્યા હતા અને એક સપ્તાહ થી પણ ઓછા સમયમાં તેનો વ્યવહાર કરવામાં આવ્યો હતો. તમને જણાવી દઈએ કે આ ચાર માળનું ઘર 1862 માં બનાવવામાં આવ્યું હતું. આ ઘરની પહોળાઈ દસ ફૂટ આગળ છે, જે પાછળ ગયા બાદ ઘટીને લગભગ 9.25 ફૂટ થઈ જાય છે. આ ઘર વર્ષોથી ઘણી વખત વેચાયું છે. 2017 માં તે છેલ્લે નેવું હજાર ડોલરમાં વેચાયું હતું.
આ ઘરના નિર્માણ માટે રસપ્રદ કારણ
એપીના અહેવાલ અનુસાર, આ સ્કીની હાઉસ ને સ્પાઇટ હાઉસ તરીકે પણ ઓળખવામાં આવે છે. સ્થાનિક રીતે, આ ઘર વિશે કહેવામાં આવે છે કે આ ઘર બે ભાઈઓ વચ્ચે ના ઝઘડા નું પરિણામ છે. ખરેખર, આ ભાઈઓ ને કેટલીક જમીન વારસામાં મળી હતી, જ્યારે તેમાંથી એક સૈન્યમાં સેવા આપવા ગયો, ત્યારે બીજા ભાઈએ તે જમીનનો મોટાભાગ નો ઉપયોગ કર્યો અને પોતાના માટે મોટું મકાન બનાવ્યું.
આ પછી, ગુસ્સે થયેલા સૈનિકે આ નાનું ચાર માળનું મકાન બનાવ્યું અને તેના ભાઈ ના ઘરમાંથી સૂર્યપ્રકાશ ને રોકી દીધો. આ નાના ઘરમાં બે શયનખંડ અને એક બાથરૂમ છે. આ સિવાય તેમાં એક ખાનગી ડેક છે, જ્યાંથી બોસ્ટન હાર્બર નો નજારો દેખાય છે. આ ઘરમાં સામે થી કોઈ ગેટ નથી, પરંતુ ઘરમાં પ્રવેશવા માટે બાજુ થી ગેટ આપવામાં આવ્યો છે.