કેબીસી 13માં બિગ બી એ કર્યા કન્ટેસ્ટન્ટની સાડીના વખાણ, જવાબમાં યુવતીએ કહ્યું કંઇક આવું
ગુજરાતની કથક શિક્ષિકા નમ્રતા શાહ કૌન બનેગા કરોડપતિ 13 પર આવનાર એપિસોડમાં સ્પર્ધક તરીકે જોવા મળશે. સોની ટીવી દ્વારા ઓનલાઇન શેર કરવામાં આવેલા નવા પ્રોમોમાં, હોસ્ટ અમિતાભ બચ્ચને તેમને ઘણા કોમ્પ્લીમેન્ટસ આપ્યા હતા
આ પ્રોમો વીડિયોમાં જોઈ શકાય છે કે અમિતાભ બચ્ચન નમ્રતાને કહી રહ્યા છે કે તમે બહુ સુંદર લાગી રહ્યા છો, આ જે તમે ગળામાં પહેર્યું છે એ તો ખૂબ જ સુંદર છે, તમે આ જે સાડી પહેરી છે એના પર જેટલા પણ દેવી દેવતાઓ છે એ બધાની છબી છે. અમિતાભની વાત સાંભળીને નમ્રતાએ કહ્યું હતું કે પતિદેવ તો આવું ક્યારેય નથી બોલતા સર, તમે કહી દીધું એ જ મારા માટે બહુ મોટી વાત છે.
“જો કે, અમિતાભ બચ્ચન નમ્રતાના વખાણ કરવામાં ત્યાં જ અટક્યા નહોતા. તેમણે નમ્રતાને કહ્યું કે જ્યારે તે હોટ સીટ પર ચાલતી હતી ત્યારે તેને લાગતું હતું કે તે લયબદ્ધ રીતે ડાન્સ કરી રહી છે. તેના શબ્દો પણ સંગીત જેવા લાગતા હતા
નમ્રતાએ કહ્યું કે અમિતાભ ખૂબ જ યુવાન દેખાય છે અને ઉમેર્યું હતું કે 21 વર્ષ પહેલા કૌન બનેગા કરોડપતિ સેટની મુલાકાત લીધી ત્યારથી તેણી તેમનામાં કોઈ ફરક જોઈ શકતી નથી. આ સાંભળીને અમીતાભ બચ્ચને હસતા હસતા કહ્યું હતું કે “પ્રોડ્યુસર જી આ કાર્યક્રમ બંધ કરો મારે નમ્રતા જી સાથે ચા પીવા જવું છે,
પોતાના વિશે વાત કરતા નમ્રતાએ કહ્યું કે તેણીએ બે બાળકોને ભણાવીને શરૂઆત કરી હતી અને હવે તેની પાસે 200 વિદ્યાર્થીઓ છે. તેમણે કહ્યું કે તેઓએ વડાપ્રધાન નરેન્દ્ર મોદી સામે અનેક પ્રસંગોએ રજૂઆત કરી છે. અમિતાભની વિનંતી પર નમ્રતાએ કલંક ફિલ્મના ગીત ઘર મોરે પરદેસિયા પર ડાન્સ કર્યો હતો આ ગીત પર નમ્રતાએ એટલું ઝડપથી ગોળ ગોળ ફ્રીમે ડાન્સ કર્યો કે અમિતાભ બચ્ચન એમને પૂછે છે કે આટલી વાર ગોળ ગોળ ફર્યા તો એમને ચક્કર નથી આવતા એના જવાબમાં એ કહે છે કે નજર એક જગ્યાએ ટકેલી હોય તો ચક્કર ક્યારેય નથી આવતા..
કૌન બનેગા કરોડપતિ 13 સોની ટીવી પર અઠવાડિયાના દિવસોમાં રાત્રે 9 વાગ્યે પ્રસારિત થાય છે. આ શોમાં દર શુક્રવારે સેલિબ્રિટી મહેમાનો પણ આવે છે. જેકી શ્રોફ અને સુનીલ શેટ્ટી આગામી શાનદાર શુક્રવાર એપિસોડમાં ખાસ મહેમાન તરીકે જોવા મળશે.
