માર્કેટમાં આગળ આવવા BSNLએ ચાલી એક હોશિયાર ચાલ, કરી નાખ્યા સસ્તા પ્લાન
ભારત સંચાર નિગમ લિમિટેડ (બીએસએનએલ) એ તેના લો કોસ્ટ પ્લાનમાં સુધારો કર્યો છે જેમાં 56 રૂપિયા, 57 રૂપિયા અને 58 રૂપિયાના પ્રીપેડ પ્લાનનો સમાવેશ થાય છે. આ ત્રણેય પ્લાન્સની કિંમતોને વધુ સસ્તું બનાવવા માટે ઘટાડવામાં આવી છે. કંપનીએ આ અપડેટ વિશે કેરળમાં તેના ગ્રાહકોને જાણ કરી છે. BSNL ની સાઈટ પર ઉપલબ્ધ માહિતી મુજબ આ ફેરફાર આંધ્રપ્રદેશ, છત્તીસગઢ,ચેન્નઈ, દમણ અને દીવ, ગુજરાત અને હરિયાણા સહિત અન્ય સર્કલમાં લાગુ કરવામાં આવ્યો છે.
નવા રિવિઝન સાથે બીએસએનએલ કંપની હવે 58 રૂપિયાનો પ્રીપેડ રિચાર્જ પ્લાન 57 રૂપિયામાં આપી રહી છે. તો, 57 રૂપિયાનો પ્લાન 56 રૂપિયામાં અને 56 રૂપિયાનો પ્લાન 54 રૂપિયામાં ઓફર કરી રહ્યો છે. બંડલ બેનિફિટ્સની વાત કરીએ તો આ લો-કોસ્ટ પ્લાન પહેલાની જેમ જ કરશે. માત્ર તેમની કિંમતમાં ફેરફાર કરવામાં આવ્યો છે.
BSNL નો 56 રૂપિયાનો પ્લાન
બીએસએનએલ 56 રૂપિયા એસટીવી હવે 2 રૂપિયા સસ્તા છે, એટલે કે તેની કિંમત 54 રૂપિયા થઈ ગઈ છે. તે 8 દિવસ અને 5600 સેકન્ડ કોલિંગ સમયની માન્યતા સાથે આવે છે.
બીએસએનએલનો 57 રૂપિયાનો પ્લાન
બીએસએનએલના 57 રૂપિયા એસટીવીની કિંમત હવે 56 રૂપિયા થશે. આ પ્લાન સાથે, ગ્રાહકોને 10 જીબી ડેટા અને ઝિંગ એન્ટરટેઇનમેન્ટ મ્યુઝિકનું મફત સબ્સ્ક્રિપ્શન અને 10 દિવસની વેલીડિટી મળે છે.
BSNL નો 58 રૂપિયાનો પ્લાન
BSNL ના 58 રૂપિયાના પ્લાનની કિંમત ઘટીને 57 રૂપિયા થઈ ગઈ છે. આ પ્લાન પ્રીપેડ ઇન્ટરનેશનલ રોમિંગ પેકને સક્રિય અથવા વધારવાની સુવિધા પણ પૂરી પાડે છે. આ પેકની વેલીડિટી 30 દિવસ છે.
યુઝર્સ તેમના ફોન પરથી 123 પર SMS મોકલીને રિવાઇઝડ BSNL રિચાર્જ પ્લાન મેળવી શકે છે. વૈકલ્પિક રીતે, રિવાઇઝડ પ્લાન રિચાર્જ પોર્ટલ અને અન્ય ચેનલો દ્વારા પણ ઉપલબ્ધ કરાવવામાં આવી છે. તમે તેમને માય બીએસએનએલ એપ અથવા બીએસએનએલ સાઇટ દ્વારા પણ એક્ટિવેટ કરી શકો છો.
BSNL એ તેના નેટવર્ક પર પ્રીપેડ ઇન્ટરનેશનલ રોમિંગ ઈનેબલ કર્યું છે. આ માટે યુઝરે 50 રૂપિયા ચૂકવવા પડશે. યુઝર્સ તેમના નજીકના BSNL ગ્રાહક સેવા કેન્દ્રની મુલાકાત લઈને આનો લાભ લઈ શકે છે. જો તમે આ સેવા લેવા માંગતા હોવ તો તમારે તમારો આઈડી પ્રૂફ જમા કરાવવો પડશે. તેમજ એક એપ્લિકેશન ફોર્મ ભરવાનું રહેશે. આ પછી, યુઝર્સ રિવાઇઝડ 57 રૂપિયાનો પ્લાન અથવા 168 રૂપિયાનો પ્લાન રિચાર્જ કરવો પડશે. તમને જણાવી દઈએ કે 68 રૂપિયાનો પ્લાન 90 દિવસ સુધી ઇન્ટરનેશનલ રોમિંગને સક્ષમ કરવા માટે રિચાર્જ છે.
