મુંબઈ ડ્રગ્સ કેસમાં ધરપકડ કરાયેલા શાહરૂખ ખાનના પુત્ર આર્યન ખાન સાથે સેલ્ફી લેવી કિરણ ગોસાવીને પડી મોંઘી અને તેની પોલ ખુલ્લી પડી. હવે તેના માથા પર ધરપકડની તલવાર લટકી રહી છે. પુણે પોલીસ તેને 3 વર્ષથી શોધી રહી હતી. નાર્કોટિક્સ કંટ્રોલ બ્યુરો (NCB) દ્વારા ક્રુઝ પરની કાર્યવાહીમાં સામેલ કિરણ ગોસાવી પર 2018 માં પુણેમાં 420 કેસ નોંધાયા છે. ત્યારથી પુણે પોલીસ કિરણ ગોસાવીને શોધી રહી છે.
કિરણ ગોસાવીએ પુણેના ચિન્મય દેશમુખ નામના યુવક પાસેથી મલેશિયામાં નોકરી અપાવવાના બહાને ત્રણ લાખ રૂપિયાની છેતરપિંડી કરી હતી. ચિન્મયને મલેશિયા મોકલવામાં આવ્યો હતો, પરંતુ ત્યાં પહોંચ્યા પછી તે સમજી ગયો કે તેની સાથે દગો કરવામાં આવ્યો છે.
કોઈક રીતે, ચિન્મોય દેશમુખ મલેશિયાથી પૂણે પરત ફરવામાં સફળ રહ્યો, પરંતુ પાછા ફર્યા પછી, જ્યારે તેણે કિરણ ગોસાવી પાસે તેના પૈસા માંગ્યા, ત્યારે કિરણે તેને મારી નાખવાની ધમકી આપી. તે પછી ચિન્મયે કિરણ ગોસાવી વિરુદ્ધ ફરિયાદ નોંધાવી હતી, પરંતુ ત્યારથી તે ફરાર હતો. હવે કિરણ ગોસાવીએ શાહરૂખ ખાનના પુત્ર આર્યન સાથે અચાનક સેલ્ફી લીધા બાદ તેની વાયરલ થયેલી તસવીર પોલીસની નજરમાં આવી ગઈ. કહેવાય છે કે થોડા સમયમાં જ કિરણ ગોસાવીની ધરપકડ થઈ શકે છે.
જણાવી દઈએ કે આર્યન ખાન ડ્રગ્સના સંબંધમાં NCB ની કસ્ટડીમાં આવ્યો છે. આ કેસમાં નવા સુધારાઓ જોતા, કોર્ટમાં આર્યને ક્રૂઝની રાત્રે શું થયું તેની સંપૂર્ણ માહિતી આપી. આર્યનના વકીલે તેના વતી કહ્યું કે, “હું ક્રુઝ ટર્મિનલ પર પહોંચ્યો, જ્યાં અરબાઝ પણ હતો. હું તેને ઓળખતો હતો, તેથી અમે બંને એક સાથે જહાજ તરફ આગળ વધ્યા. હું ત્યાં પહોંચ્યા કે તરત જ તેણે મને પૂછ્યું કે શું તું ડ્રગ્સ લઈ જાય છે ? મેં કહ્યું કે ના, ત્યારબાદ તેમણે મારા બેગની તપાસ કરી અને પછી મારી તપાસ કરી. પરંતુ તેમને કઈ મળ્યું નહીં. ત્યારબાદ તેમને મારો ફોન લીધી અને મને NCB ઓફિસ લઈ આવ્યા.
ડ્રગ્સ કેસમાં 4 ઓક્ટોબરના રોજ થયેલી સુનાવણીમાં ઘણી આશ્ચર્યજનક બાબતો સામે આવી છે. NCB વતી, કોર્ટમાં કહેવામાં આવ્યું હતું કે ફોટોગ્રાફના રૂપમાં આઘાતજનક ચીજો આર્યન ખાનના ફોનમાં મળી છે, જેમાં NCB એ વધુ પૂછપરછ માટે 11 ઓક્ટોબર સુધી કસ્ટડી માંગી હતી. જોકે, કોર્ટે આર્યન ખાન અને અન્ય બેને 7 ઓક્ટોબર સુધી જ NCB કસ્ટડીમાં રહેવાનો આદેશ આપ્યો હતો.
સુનાવણીમાં NCB વતી દાવો કરવામાં આવ્યો હતો કે આર્યનના ફોન પરથી ચેટના રૂપમાં ઘણી લિંક્સ મળી આવી છે, જે આંતરરાષ્ટ્રીય ડ્રગ હેરફેર તરફ નિર્દેશ કરે છે. NCB એ કહ્યું હતું કે – ચેટ્સમાં ઘણા કોડ નામ પણ મળી આવ્યા છે અને તે શોધવા માટે કસ્ટડીની જરૂર પડશે. હવે જોવાનું એ રહેશે કે આ ડ્રગસ કેસ કેટલો આગળ વધશે અને તેનો નિર્ણય શું હશે ?