મહિલાઓ માટે LIC ની એક ખાસ યોજના પણ છે. મહિલાઓ દ્વારા આ યોજનામાં રોકાણ કરવા માટે એક શરત છે કે તેમની પાસે આધાર કાર્ડ હોવું જોઈએ. 8 વર્ષથી 55 વર્ષ સુધીની મહિલાઓનો સમાવેશ આ યોજનામાં થાય છે.
દેશની સૌથી મોટી સરકારી વીમા કંપની LIC ની લોકપ્રિય પોલિસીમાં એક LIC ની જીવન લક્ષ્ય પોલિસી છે. સરકારી વીમા કંપનીની આ પોલિસીના ઘણા ફાયદા છે. આ પોલિસી તે લોકો માટે ખાસ છે જે નાની રકમ જમા કરાવીને મોટું ભંડોળ બનાવવા માંગે છે. તો ચાલો જાણીએ તેના ફાયદા અને કેવી રીતે મળશે 27 લાખ રૂપિયા.
ભારતીય જીવન વીમા નિગમ એટલે કે LIC વિવિધ યોજનાઓ દ્વારા વીમા કવચ તેમજ લાંબા ગાળે નાણાં કમાવવાની તક આપે છે. દરેક વ્યક્તિ પોતાની સુવિધા અને જરૂરિયાત મુજબ આ યોજનાઓ પસંદ કરી શકે છે. મહિલાઓને આત્મનિર્ભર બનાવવા માટે LIC ની પણ ખાસ યોજના છે. LIC ની આ યોજનાનું નામ ‘આધાર શીલા પ્લાન’ છે, જેમાં 8 વર્ષથી 55 વર્ષ સુધીની મહિલાઓ રોકાણ કરી શકે છે.
LIC આધાર શિલા યોજનામાં સુરક્ષા અને બચત બંને સુવિધા ઉપલબ્ધ છે. આ યોજનાનો લાભ તે મહિલાઓ જ લઇ શકે છે, જેમની પાસે આધાર કાર્ડ છે. આધાર શીલા યોજનાની પરિપક્વતા પહેલા પોલિસીધારકના મૃત્યુ પર પોલિસીધારકના પરિવારને નાણાકીય સહાય પણ ઉપલબ્ધ છે. જ્યારે, જો પોલિસીધારક પાકતી મુદત સુધી જીવિત રહે તો તેમને એકીકૃત રકમ ચૂકવવામાં આવે છે.
વીમાની રકમ અને પ્રીમિયમ ચુકવણીના નિયમો શું છે ?
LIC આધાર શિલા યોજના હેઠળ, મૂળભૂત વીમાની લઘુતમ રકમ 75,000 રૂપિયા અને મહત્તમ 3 લાખ રૂપિયા છે. પોલિસી ટર્મ ન્યૂનતમ 10 વર્ષ અને વધુમાં વધુ 20 વર્ષ છે. આ યોજનામાં પરિપક્વતાની મહત્તમ ઉંમર 70 વર્ષ હોય છે. આ યોજના એવી મહિલાઓ માટે છે જે સામાન્ય રીતે સ્વસ્થ હોય છે અને તેને કોઈ તબીબી પરીક્ષણો કરવાની જરૂર નથી.
આ પ્લાનનું પ્રીમિયમ માસિક, ત્રિમાસિક, અર્ધવાર્ષિક અથવા વાર્ષિક ચૂકવી શકાય છે. ખાસ કરીને મહિલાઓ માટે બનેલી આ યોજના અંતર્ગત પ્રીમિયમ, મેચ્યોરિટી ક્લેમ અને ડેથ ક્લેમ પર ટેક્સ મુક્તિની સુવિધા ઉપલબ્ધ છે.
LIC આધાર શીલા યોજનાની મુખ્ય લાક્ષણિકતાઓ ?
આ એક બિન-લિંક્ડ સહભાગી એન્ડોમેન્ટ યોજના છે, જેમાં કટોકટીની સ્થિતિમાં બચત અને નાણાકીય સુરક્ષા વધારવા માટે ડિઝાઇન કરેલું છે. આમાં, પોલિસી ટર્મના અંતે એક સામટી રકમ ઉપલબ્ધ છે. જો પોલિસી ધારક પોલિસીની મુદત પૂરી થાય તે પહેલા મૃત્યુ પામે તો તેના પરિવારને કવરેજ મળે છે.
આ સિવાય, જો પોલિસીધારક પોલિસી લીધાના 5 વર્ષ પછી મૃત્યુ પામે છે, તો મેચ્યોરિટી પર લોયલ્ટી એડિશનની સુવિધા પણ ઉપલબ્ધ છે. આ પ્લાનના ગ્રાહકો માટે અકસ્માત લાભ રાઇડર પણ ઉપલબ્ધ છે. જો કે, તેમાં ગંભીર બીમારી માટે કોઈ પણ રાઇડર શામેલ નથી.
આ લોયલ્ટી એડિશન શું છે ?
જો પોલિસી લેવાના પાંચ વર્ષ પૂરા થઈ ગયા હોય અને અત્યાર સુધી તમામ પ્રિમીયમ સમયસર ચૂકવવામાં આવ્યા હોય અને પોલિસીધારકના મૃત્યુ પછી, નોમિનીને લોયલ્ટી એડિશન મળે છે. જો વીમાધારક મહિલા 5 વર્ષની મુદત પૂરી કર્યા બાદ પોલિસીને સરેન્ડર કરે છે, તો તે લોયલ્ટી બોનસ મેળવી શકે છે. આ માટે એક શરત એ છે કે સ્ત્રીએ તમામ પ્રીમિયમ સમયસર ચૂકવવું પડશે.
મૃત્યુ લાભની રકમ
– જો મહિલા પોલિસીની મુદત પૂરી થાય તે પહેલા મૃત્યુ પામે તો, નોમિની દ્વારા મેળવેલ એકીકૃત રકમ વાર્ષિક પ્રીમિયમના 10 ગણા અથવા તમામ પ્રીમિયમ અથવા સંપૂર્ણ વીમાની 105% હશે.
– જો પોલિસીધારક પોલિસી લીધાના 5 વર્ષ પછી મૃત્યુ પામે છે, તો નોમિનીને વીમાની રકમ સમાન મૃત્યુ લાભ મળે છે. આવી સ્થિતિમાં, મૃત્યુ લાભ દાવાની રકમ મૂળભૂત વીમાની 110% જેટલી હશે.
– જો પોલિસીધારક પોલિસી લીધાના 5 વર્ષ પછી મૃત્યુ પામે પણ પરિપક્વતા પહેલા, નોમિનીને બેઝિક સમ એશ્યોર્ડ અને લોયલ્ટી એડિશન મળશે.
– જો પોલિસી ધારક પોલિસીની મુદત પૂર્ણ થાય ત્યાં સુધી જીવિત રહે છે, તો ત્યાં પાકતી મુદતના લાભ તરીકે બેઝિક સમ એશ્યોર્ડ અને લોયલ્ટી એડિશનની સમાન હશે. એ પણ નોંધવું જોઇએ કે પોલિસી ધારક પાકતી મુદત મેળવવા માટે જ હકદાર રહેશે, જયારે તેણે પોલિસીની મુદત દરમિયાન તમામ પ્રીમિયમ ચૂકવી દીધું હોય.