11મી સદીમાં બનાવવામાં આવ્યું છે આ મહાદેવ મંદિર, જાણો આ મંદિર વિશે તમે પણ, જેનું શિવલિંગ છે કંઇક અલગ જ

મહારાષ્ટ્રમાં મુબંઈ પાસે આવેલા અંબરનાથ શહેરમાં અંબરનાથ મંદિર સ્થિત છે. આ મંદિર ભગવાન શિવને સમર્પિત છે અને તેને અંબરેશ્વરના નામથી ઓળખવામાં આવે છે. મંદિરમાં મળેલા શિલાલેખ પ્રમાણે આ મંદિરનું નિર્માણ 1060 ઇ.સમાં રાજા માંબાણિએ કરાવ્યુ હતું. આ મંદિરમાં પાંડવકાલીન મંદિર પણ છે. મંદિર વિષે કેહવાય છે કે આ મંદિર જેવું આખા વિશ્વમાં કોઈ જ મંદિર નથી. અઁબરનાથ શિવ મંદિરની પાસે કેટલાએ એવા કૂદરતી ચમત્કાર છે, જેનાથી તેની માન્યતા વધી જાય છે. ચાલો જાણીએ આ મંદિર વિષેની ખાસ વાતો વિષે.

અહીંનું શિવલિંગ કંઈક આવું છે.

અંબરનાથ શિવ મંદિર અદ્વિતિય સ્થાપત્ય કળા માટે પ્રસિદ્ધ છે. 11મી સદીમાં બનેલા આ મંદિરની બહાર બે નંદી બનાવવામાં આવ્યા છે. મંદિરના પ્રવેશ માટે ત્રણ મુખ્યમંડપ છે. અંદર પ્રવેશતા સભામંડપ પહોંચાય છે અને ત્યાર બાદ સભામંડપ બાદ 9 સીડીઓ નીચે ઉતરીને ગર્ભગૃહમાં જવાય છે. મંદિરનું મુખ્ય શિવલિંગ ત્રૈમસ્તિનું છે અને તેના ગોઠણ પર એક નારી છે, જે શિવ-પાર્વતીનું સ્વરૂપ દર્શાવે છે. શીર્ષ ભાગ પર શિવ નૃત્યુ મુદ્રામાં દેખાય છે.

ઘટાદાર વૃક્ષોના સાનિધ્યમાં આવેલું છે આ મંદિર

મંદિરના ગર્ભગૃહ પાસે ગરમ પાણીનો એક કુંડ પણ આવેલો છે. તેની પાસે જ એક ગુફા પણ છે, જે કહેવાય છે કે તેનો રસ્તો પંચવટી સુધી જાય છે. યુનેસ્કોએ અંબરનાથ શિવ મંદિર સાંસ્કૃતિક વિરાસત ઘોષિત કર્યું છે. વલધાન નદીના તટ પર સ્થિત આ મંદિર આંબા તેમજ આંબલીના વૃક્ષોથી ઘેરાયેલું છે. અહીંની મૂર્તિઓ લોકોને ખૂબ આકર્ષે છે.

મંદિરની વાસ્તુકલા જોતા જ લોકો તેનામાં લીન થઈ જાય છે, તેને જોવા માટે અહીં દેશ-વિદેશથી કેટલાએ લોકો આવે છે. મંદિરની બહાર દિવાલો પર ભગવાન શિવના અનેક રૂપ બનાવવામાં આવ્યા છે. તેની સાથે સાથ જ ગણેશ, કાર્તિકેય, ચંડિકા વિગેરે દેવી-દેવતાઓની મૂર્તિઓથી પણ દિવાલો સજાવેલી છે. સાથે સાથે દેવી દુર્ગાની અસૂરોનો નાશ કરતી કોતરણી પણ કોતરવામાં આવેલી છે.

દર વર્ષે યોજાય છે મેળો

મંદિરની અંદર બહાર ઓછામાં ઓછી બ્રહ્મદેવની 8 મૂર્તિઓ બનાવવામાં આવેલી છે. સાથે સાથે આ જગ્યાની આસપાસ કેટલીએ પ્રાચીન કાળની બ્રહ્મદેવની મૂર્તિઓ છે, જેનાથી ખ્યાલ આવે છે કે અહીં પહેલાં બ્રહ્મદેવની ઉપાસના થતી હતી. શિવરાત્રિ દરમિયાન અહીં મેળાનું આયોજન કરવામા આવે છે. આ મેળો 3-4 દિવસ સુધી ચાલે છે અને તે સમયે અહીં ભક્તોની ભારે ભીડ જોવા મળે છે.

એક જ રાતમાં બનાવવામાં આવ્યું હતું આ વિશાળ મંદિર

કહેવાય છે કે અજ્ઞાતવાસ દરમિયાન પાંડવો કેટલાક વર્ષો સુધી અંબરનાથમાં રહ્યા હતા, ત્યારે તેમણે વિશાળ પથ્થરોમાંથી એક જ રાતમાં આ મંદિરનું નિર્માણ કર્યુ હતું. પછી કૌરવો દ્વારા એકધારો પીછો થવાના કારણે તેમણે આ જગ્યા છોડી દીધી હતી. અને તેના કારણે મંદિરનું કાર્ય પૂર્ણ નહોતું થઈ શક્યું. સદીઓથી મોસમની થાપટો ખાતું આ મંદિર આજે પણ અહીં અડિખમ ઉભું છે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ – દરેક ફોટો પ્રતીકાત્મક છે (ફોટો સોર્સ : ગુગલ)

રોજ મેળવો ધાર્મિક વાતો સીધી તમારા WhatsApp માં !

આપ નીચે પ્રમાણે કોઈ પણ એક WhatsApp ગ્રુપમાં જોડાઈ શકો. ગ્રુપ – 1 ફૂલ હોય તો, ગ્રુપ – 2 ની લિંક ટ્રાય કરવી.

ધાર્મિક વાતો WhatsApp ગ્રુપ 6 – https://bit.ly/DharmikVato6

ધાર્મિક વાતો WhatsApp ગ્રુપ 7 – https://bit.ly/DharmikVato7

ધાર્મિક વાતો WhatsApp ગ્રુપ 9 – https://bit.ly/DharmikVato9

ધાર્મિક વાતો WhatsApp ગ્રુપ 10 – https://bit.ly/DharmikVato10

ધાર્મિક વાતો WhatsApp ગ્રુપ 11 – https://bit.ly/DharmikVato11

આપણું પેજ “આપણી સંસ્કૃતિ” માણતા રહો અને શેર કરતા રહો!

આપના સહકારની આશા સહ,

ટીમ આપણી સંસ્કૃતિ