વર્તમાન સમયમાં આધુનિક જીવનશૈલીના કારણે એક પરીવારમાં બે સગા ભાઈ હોય તો તે પણ મોટાભાગે અલગ થઈ જાય છે. ઘણા લોકો સાથે રહેતા હોવા છતાં એક રસોડે જમતા નથી હોતા. તેવામાં જો તમને કહીએ કે એક આખું ગામ છે જ્યાં વૃદ્ધો સવાર સાંજ બંને ટાઈમ એક સાથે જ જમે છે તો ? વાત પહેલા તો માનવામાં જ આવશે નહીં. પરંતુ માનવું પડશે કારણ કે આજના સમયમાં પણ એક ગામ છે જ્યાં એક રસોડે એક બે પરીવાર નહીં આખું ગામ જમે છે.
આ ગામ આવેલું છે. મહેસાણાના બહુચરાજીમાં. બહુચરાજીના નાનકડા ગામ ચાંદણકીમાં ગામલોકો આજે પણ એક રસોડે જમે છે. અહીંના ઘરે ઘરના વડિલો રોજ એક જગ્યાએ એકત્ર થાય છે અને તેઓ ત્યાં જ જમે છે.
ચાંદણકી ગામની આમ તો આ ખાસિયત સૌથી અલગ છે. આખા ગામના વડિલો એક રસોડે જમે છે તેનું કારણ છે કે અહીંની નવી પેઢી એટલે કે યુવાનો કમાણી કરવા આસપાસના મોટા શહેરો એટલે કે અમદાવાદ, નવસારી કે સુરતમાં સ્થાયી થયા છે તો કેટલાક ઘરના યુવાનો વિદેશમાં સ્થાયી થઈ ચુક્યા છે. હવે ગામમાં રહ્યા વૃદ્ધો. તો તેઓ એકબીજા સાથે સુખેથી રહે છે અને આ ભાઈચારો જળવાઈ રહે તે માટે એક જ રસોડે સવારે અને સાંજે એમ બંને ટાઈમ જમે છે.
આ ગામમાં રહે છે તેમાંથી મોટાભાગના લોકોની ઉંમર 55 વર્ષથી વધુની જ છે. જો કે એવું પણ નથી કે તેમને તેમના સંતાનો રાખતા નથી. પરંતુ જેમણે વર્ષો સુધી આવા ભાઈચારાવાળા વાતાવરણમાં રહેવાનું પસંદ કર્યું હોય તેવા વડિલોને શહેરનું વાતાવરણ અનુકૂળ આવતું નથી. તેથી તેઓ અહીં જ રહે છે. તેમના સંતાનોએ જ ગામમાં આ એક રસોડાની વ્યવસ્થા કરી છે. માતાપિતા પોતાના નિવૃત જીવનનો આનંદ એકબીજા સાથે માણે તે માટે યુવાનોએ આ વ્યવસ્થા ઊભી કરી દીધી છે. બધા માટે ભોજન તૈયાર થઈ જાય એટલે એક ઘંટનાદ થાય છે. આ અવાજ આવે એટલે લોકો પોત પોતાના ઘર બંધ કરી ભોજન કરવા આવી જાય.
આ ગામની અન્ય એક ખાસિયત એ પણ છે કે અહીં આઝાદી પછીથી વર્તમાન સમય સુધીમાં ક્યારેય સરપંચની ચૂંટણઈ યોજાઈ નથી. અહીં સમરસ ગ્રામ પંચાયત છે. આ ગામને નિર્મળ ગામ સહિતના અનેક એવોર્ડ પણ મળ્યા છે. કારણ કે ગામનો સાક્ષરતા દર 100 ટકા છે. અહીંના 900થી વધુ લોકો બહારગામ વસે છે અને 90 લોકો અમેરિકામાં વસે છે. ગામના યુવાનો ડોક્ટર, ઈજનેર જેવા વ્યવસાય સાથે સંકળાયેલા છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો. આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે ન્યુઝ ગુજરાત વેબસાઈટ કે પેજની રહેશે નહીં. આપણું પેજ “ન્યુઝ ગુજરાત” માણતા રહો અને શેર કરતા રહો!