ઉનાળાની ઋતુમાં તમારી કારની સંભાળ આ રીતે રાખો, નહિં થાય તડકાની કોઇ અસર અને બેટરીની લાઇફ પણ સચવાશે

ઉનાળાની ઋતુમાં કાર ઝડપથી ગરમ થઈ જાય છે, તેથી કારને વધુ કાળજીની જરૂર હોય છે. જો તમે તમારી કારને કૂલ અને ફિટ બનાવવા માંગો છો, તો તમે આ ટિપ્સનો પણ ઉપયોગ કરી શકો છો. કોરોના રોગચાળાની સાથે સાથે ગરમીનો કહેર પણ અનુભવવો પડી રહ્યો છે.

દેશભરમાં કાળઝાળ ગરમી ચાલુ છે. આ સિઝનમાં મનુષ્યો સાથે ગાડીની સંભાળ રાખવી પણ ખૂબ જ મહત્વપૂર્ણ છે. ઉનાળાની ઋતુને કારણે ગાડીઓમાં ઘણી મુશ્કેલીઓ આવે છે. આજે અમે તમને આ લેખમાં એવી કેટલીક ખાસ ટિપ્સ આપી રહ્યા છીએ. જે તમને ઉનાળાની સિઝનમાં તમારી કારને ફિટ રાખવામાં મદદ કરશે.

કારના એસીની સર્વિસ સૌ પ્રથમ છે

તમારી કારની એસી સર્વિસ કરાવી લો અને જો ગેસ ઓછો હોય તો તે પણ ભરી લો. રેડિયેટરને યોગ્ય રીતે સાફ કરવું પણ ફાયદાકારક છે. અધિકૃત સેવા કેન્દ્રમાંથી કોજીયે પાસેથી જ કાર સર્વિસ કરાવવાનો પ્રયાસ કરવો. જો ઉનાળાની સિઝનમાં કારનું એસી બરાબર ઠંડુ નહીં થાય તો કારમાં રહેલા લોકોની હાલત વધુ ખરાબ થઈ જશે.

કારમાં કૂલન્ટનો જથ્થો સાચો રાખો

ઉનાળાની ઋતુમાં સૌથી મહત્ત્વની બાબત કારમાં કૂલન્ટની સમાન માત્રા હોવી, કારણ કે કૂલન્ટ કારને ઠંડી રાખવામાં તે મદદ કરે છે. તમારી કારમાં હંમેશાં બોટલ કૂલન્ટ રાખવાનો પ્રયાસ કરો. જરૂર પડશે તો તે કામ કરશે. રસ્તામાં જો કૂલન્ટ ઓછું થઈ જાય તો તેના બદલે પાણીનો ઉપયોગ પણ કરી શકાય છે, પરંતુ તે થોડા અંતર માટે ઠીક છે, પરંતુ લાંબી મુસાફરી માટે વધુ પાણીનો ઉપયોગ કરવો યોગ્ય નથી.

એન્જિન ઓઇલ અને ફિલ્ટર્સ પણ તપાસો

ઉનાળાની ઋતુમાં કારના એન્જિન ઓઇલનું પ્રમાણ બરાબર રાખવું જોઈએ. જો તેલ ઓછું હોય તો તેને ટોપ અપ કરો અને જો તે કાળો થઈ જાય તો તેને ફરીથી નવું ભરો. એન્જિન ઓઇલની માત્રા સાચી હશે તો તમારી મુસાફરીમાં કોઈ અવરોધ નહીં આવે. એન્જિન ઓઇલ ચેન્જ કરતી વખતે ઓઇલ ફિલ્ટરને નવું બદલો, જે કરવાથી કારનું સ્વાસ્થ્ય સુધરશે અને તમારી મુસાફરી પણ સુખદ બને છે.

રેડિયેટરમાં રહેલા પંખાને તપાસો

થોડા થોડા સમયાંતરે કાર રેડિયેટર સાથે જોડાયેલા ફેનને ચેક કરો, જો તે ફેન ને નુકસાન થયું હોય કે તે યોગ્ય રીતે કામ ન કરતું હોય તો તેને ઠીક કરાવી લો, કારણ કે તે ચાલતી વખતે તરત જ અટકી જાય છે, જેના કારણે તમારી કાર પણ બંધ થઈ શકે છે.

કારના ઇન્ટિરિઅરનો બચાવ પણ તેટલો જ જરૂરી

તડકામાં કાર પાર્ક કરવાથી ઇન્ટિરિઅરને પણ નુકસાન થાય છે. આ સીઝનમાં કારની મેટ, ડેશબોર્ડ અને એસી વેંટ્સની સાફસફાઈ ખૂબ જરૂરી છે. આ સમયમાં પવન ખૂબ જોરથી વાય છે જેના કારણે ધૂળ અને માટી ઉડે છે જે કારના આ ભાગમાં ચોંટી જાય છે અને લાંબા સમયે કારને નુકસાન કરે છે. ઉપરાંત તમે સન શેડ ખરીદીને કારની કેબિનને ઓવરહીટથી બચાવી શકો છો.