ફેમસ કોમેડિયન કપિલ શર્માને આજે કોઈ ઓળખની જરૂર નથી. તેની જબરદસ્ત સેન્સ ઑફ હ્યુમર અને પરફેક્ટ કૉમિક ટાઈમિંગના કારણે કપિલ શર્માએ લોકોના દિલ જીતી લીધા છે. પરંતુ શું તમે જાણો છો કે એક સમય એવો હતો જ્યારે કપિલ શર્માને વધેલા વજનને કારણે રિજેક્ટ કરવામાં આવ્યો હતો. આ પછી કપિલે સમય માંગ્યો અને ‘ધ કપિલ શર્મા શો’ બનાવ્યો.
ફિલ્મને પ્રમોટ કરવા આવે છે સ્ટાર્સ
આજે દરેક વડીલથી લઈને બાળક સુધી ‘ધ કપિલ શર્મા શો’ વિશે જાણે છે. આ શો એટલો લોકપ્રિય છે કે સ્ટાર્સ તેમની ફિલ્મના પ્રમોશન માટે સતત આ શોમાં આવે છે. પરંતુ હાલમાં જ કપિલે આરજે નિશાંત સાથે વાત કરતા આ શો વિશે મોટો ખુલાસો કર્યો છે
આ શો માટે રિજેક્ટ થયા હતા કપિલ શર્મા
આર જે નિશાંત સાથે વાત કરતા કપિલ શર્માએ કહ્યું- ‘હું એક શો હોસ્ટ કરવા કલર્સની ઓફિસ ગયો હતો. આ શોનું નામ હતું ‘ઝલક દિખલા જા’. જ્યારે મેં તેને પૂછ્યું કે મારે શું કરવાનું છે તો તેણે કહ્યું કે તારે અને મનીષ પૉલે આ શોને હોસ્ટ કરવાનો છે. જ્યારે હું પ્રોડક્શન હાઉસ ગયો તો તેણે મને કહ્યું કે તું બહુ જાડો છે. વજન થોડું ઓછું કરો. આ વાત ચેનલને જણાવી. તે પછી ચેનલે પ્રોડક્શનમાં બોલાવીને કહ્યું કે આ છોકરો સારો છે. તેમને હોસ્ટ તરીકે કામ કરવા દો. તેઓ પછીથી વજન ઘટાડી લેશે’
એક આઈડિયાર બદલી જિંદગી
કપિલે આગળ કહ્યું- ‘મેં તેને કહ્યું કે તમે કોમેડી શો કેમ નથી બનાવતા. મને પિચ બનાવવા માટે કહેવામાં આવ્યું અને મેં બે દિવસનો સમય માંગ્યો. હું ઘરે ગયો અને વિચાર્યું. મેં વિચાર્યું કે મને સ્ટેન્ડઅપ કરવાનું ગમે છે. હું સ્કેચ કોમેડી તેમજ કોસ્ચ્યુમ કોમેડી કરું છું. આ બધાને મિક્સ કરીને એક શો બનાવવો જોઈએ. ચેનલને મારું પ્રેઝન્ટેશન ગમ્યું અને આ રીતે ‘કોમેડી નાઈટ્સ વિથ કપિલ’ શરૂ થઈ.
હવે ધ કપિલ શર્મા શોના નામે આવે છે
કપિલ શર્માનો આ શો પહેલા ‘કોમેડી નાઈટ્સ વિથ કપિલ શર્મા’થી આવતો હતો. થોડા સમય પછી આ શો ઓફ એર થઈ ગયો અને બાદમાં આ શો ‘ધ કપિલ શર્મા શો’ નામથી આવવા લાગ્યો