KBC ના તાજેતરના એપિસોડમાં અમિતાભ બચ્ચને જણાવી આ વાતો, જે જાણીને તમને આશ્ચ્ર્ય થશે

લોકપ્રિય ટીવી ક્વિઝ શો ‘કૌન બનેગા કરોડપતિ સીઝન 13’ ના તાજેતરના એપિસોડમાં, હોસ્ટ અમિતાભ બચ્ચને તેમના પરિવાર વિશે એક કિસ્સો સંભળાવ્યો. તેમણે પ્રથમ વખત ખુલાસો કર્યો કે કોરોના સમયગાળા દરમિયાન, પરિવારના સભ્યો ગુપ્ત રીતે બહાર ફરવા જતા હતા. અમિતાભ બચ્ચને કહ્યું કે જ્યારે તેઓ તેમના પરિવારના સભ્યોને બહાર જતા અટકાવતા હતા, ત્યારે તેઓ ગુપ્ત રીતે ઘરની બહાર જતા હતા. ખરેખર, અમિતાભ બચ્ચને આ શોની સ્પર્ધક દિવ્યા સહાય સાથે વાત કરતા આ ખુલાસો કર્યો હતો.

દિવ્યા સહાયે ક્વિઝ શો દરમિયાન હોસ્ટ અમિતાભ બચ્ચન સાથે ખૂબ મસ્તી કરી હતી. તેણે ગેમ રમતી વખતે તેના જીવનની રસપ્રદ ઘટનાઓ પણ પ્રેક્ષકો સાથે શેર કરી હતી. દિવ્યા સહાયે કહ્યું કે તે કોરોના -19 પ્રતિબંધો વચ્ચે ઘરની બહાર જતી હતી. તેમની વાત સાંભળીને અમિતાભ બચ્ચને તેમના ઘરની વાર્તા યાદ આવી અને તેમણે કહ્યું કે આવું જ કંઈક આપણા ઘરમાં પણ થતું હતું.

દિવ્યાએ અમિતાભ બચ્ચને કહ્યું કે કોરોના દરમિયાન તે તેના પતિને જાણ કર્યા વગર બાળકો સાથે ગુપ્ત રીતે ઘરની બહાર જતી હતી. આ અંગે બિગ બીએ કહ્યું કે આ કાર્યક્રમ તેમના ઘરના સભ્યો એટલે કે જ્યાં બચ્ચન, અભિષેક બચ્ચન અને એશ્વર્યા રાય બચ્ચન જોઈને ખુશ થશે, કારણ કે અમારા ઘરમાં પણ આવું જ થતું હતું. આગળ અમિતાભ બચ્ચને કહ્યું, ‘હું પરિવારના સભ્યોને પૂછતો હતો કે તમે ક્યાં જઇ રહ્યા છો … ઘરમાં રહો અને ત્યારે તેઓ કઈ બોલતા ન હતા. થોડા સમય પછી તેઓ ચુપ- ચાપ ઘરની બહાર ફરવા નીકળી જતા હતા.

‘પરિવાર કહેતો હતો કે અમે ઇન્જેક્શન લીધું છે’

અમિતાભે કહ્યું કે જ્યારે તેઓ કહેતા હતા કે કોરોના ચાલી રહ્યો છે, ત્યારે તેમના પરિવારના સભ્યો તેમને કહેતા હતા કે અમે રસી લીધી છે. નોંધનીય છે કે દિવ્યા સહાય આ શોમાં તેની પુત્રી અને પતિ સાથે આવી હતી. તે કોલકાતામાં પ્રાથમિક શાળાની શિક્ષિકા તરીકે કામ કરે છે. તેમણે ક્વિઝ શોની શરૂઆત પહેલા અમિતાભનો ઓટોગ્રાફ લીધો હતો.

દિવ્યાએ અમિતાભ બચ્ચનને કહ્યું કે તેને હિન્દી ફિલ્મો પસંદ છે. તેણે કહ્યું કે મારી અને મારા પતિની ઉંચાઈ અમિતાભ બચ્ચન અને જયા બચ્ચન જેવી જ છે.