વિક્કી કરતા પાંચ વર્ષ મોટી છે કેટરીના, આ અભિનેત્રીઓએ પણ નાની ઉંમરના દુલ્હાને દિલ આપી ફેરા ફરી લીધા
બોલિવૂડમાં આજકાલ ધૂમધામથી લગ્નની ઉજવણી કરવામાં આવી રહી છે. એક તરફ, ઘણા સેલિબ્રિટી કપલ્સ લગ્નના બંધનમાં બંધાઈ ગયા છે, તો કેટલાક ટૂંક સમયમાં સાત ફેરા લેવાના છે. આ ક્રમમાં બોલિવૂડ એક્ટ્રેસ કેટરિના કૈફ અને એક્ટર વિકી કૌશલ પણ આ દિવસોમાં ચર્ચામાં છે. આ કપલ 9 ડિસેમ્બરે તેમના સંબંધોને આગળ વધારતા એકબીજા સાથે લગ્ન કરશે. કેટરીના અને વિકીએ તેમના શાહી લગ્ન માટે વિવિધ વ્યવસ્થાઓ કરી છે. આ સાથે લગ્નની સિક્રેસીને લઈને અનેક પ્રકારના નિયમો અને પ્રતિબંધ પણ લગાવવામાં આવ્યા છે
બોલિવૂડ સેલેબ્સની આ જોડીને લોકો ખૂબ જ પસંદ કરી રહ્યા છે. જો કે, દરેક વ્યક્તિ એ જાણવા માટે ઉત્સુક છે કે વિકી અને કેટરિના કોઈ પણ ફિલ્મમાં સાથે કામ કર્યા વિના એકબીજાની આટલી નજીક કેવી રીતે આવ્યા. બસ, એ તો નસીબની વાત છે કે કોનું દિલ કોના પર આવે છે. પરંતુ ચર્ચાનો વિષય એવો પણ છે કે વિકી કેટરિના કરતા નાનો છે. બંનેની ઉંમરમાં 5 વર્ષનો તફાવત છે. જો કે, કેટરીના ઇન્ડસ્ટ્રીની પહેલી અભિનેત્રી નથી, જે નાના વરની દુલ્હન બની રહી છે. તો ચાલો જાણી લઈએ એવી જ અમુક અભિનેત્રીઓ વિશે જે બની પોતાના કરતા નાના ઉંમરના દુલ્હાની દુલહન
નરગીસ – સુનીલ દત્ત
બોલિવૂડની પ્રખ્યાત અભિનેત્રી નરગીસે પોતાનાથી એક વર્ષ નાના સુપરસ્ટાર સુનીલ દત્ત સાથે લગ્ન કર્યા હતા. તેમના પ્રેમની શરૂઆત ત્યારે થઈ જ્યારે વર્ષ 1957માં ફિલ્મ ‘મધર ઈન્ડિયા’ના સેટ પર લાગેલી આગ દરમિયાન સુનીલે નરગીસને બચાવી હતી.
પ્રિયંકા ચોપરા – નિક જોનાસ
લોકપ્રિય કપલ પ્રિયંકા ચોપરા અને નિક જોનાસની જોડી માત્ર દેશમાં જ નહીં વિદેશમાં પણ ખૂબ પસંદ કરવામાં આવે છે. જોકે, આ મૂર્તિ યુગલની ઉંમરમાં લગભગ 10 વર્ષનું અંતર છે. આ કારણથી આ બંનેના સંબંધોને શરૂઆતથી જ ટ્રોલ કરવામાં આવે છે. પરંતુ પ્રિયંકા અને નિક બંને પોતાના સંબંધોને સારી રીતે નિભાવી રહ્યા છે.
અમૃતા સિંહ – સૈફ અલી ખાન
પોતાના સમયની જાણીતી અભિનેત્રી અમૃતા સિંહે પણ પોતાનાથી 12 વર્ષ નાના સૈફ અલી ખાન સાથે લગ્ન કર્યા હતા. જોકે લાંબા સમય સુધી સાથે રહ્યા બાદ બંને અલગ થઈ ગયા હતા.
ઐશ્વર્યા રાય-અભિષેક બચ્ચન
બોલિવૂડની સુંદર અભિનેત્રી ઐશ્વર્યા રાયે વર્ષ 2007માં અભિનેતા અભિષેક બચ્ચન સાથે લગ્ન કર્યા હતા. પરંતુ, ઓછા લોકો જાણે છે કે ઐશ્વર્યા અભિષેક કરતા 2 વર્ષ મોટી છે. જોકે આટલી ઉંમરના અંતર પછી પણ બંને આ સંબંધને ખૂબ જ સમજદારીથી ચલાવી રહ્યા છે. આ કપલને આરાધ્યા નામની પુત્રી પણ છે.
બિપાશા બાસુ – કરણ સિંહ ગ્રોવર
પ્રખ્યાત અભિનેત્રી બિપાશા બાસુ તેના પતિ કરણ સિંહ ગ્રોવર કરતા 4 વર્ષ મોટી છે. આટલું જ નહીં, ઉંમરના આ તફાવતને કારણે કરણની માતા પણ આ લગ્ન માટે તૈયાર નહોતી. પરંતુ તેમ છતાં કરણે બિપાશા સાથે લગ્ન કર્યા અને હવે બંને આ સંબંધને ખૂબ જ સમજદારીથી સંભાળી રહ્યા છે.