બોલિવૂડ એક્ટર વિકી કૌશલ હાલના દિવસોમાં પોતાની પર્સનલ લાઈફને લઈને ચર્ચામાં છે. છેલ્લા બે દિવસથી સતત એવા સમાચાર આવી રહ્યા છે કે વિકી કૌશલ કેટરીના કૈફ સાથે લગ્ન કરવા જઈ રહ્યા છે. એવું પણ કહેવામાં આવી રહ્યું છે કે બંને રાજસ્થાનના એક લક્ઝુરિયસ રિસોર્ટમાં સાત ફેરા લેશે અને કેટરીના સબ્યસાચીનો લહેંગા પહેરશે. જો કે બંને સ્ટાર્સ દ્વારા આ વાતોનું ખંડન કરવામાં આવી રહ્યું છે, પરંતુ તેમ છતાં તેની ચર્ચા ઓછી નથી થઈ રહી.
વિકી કૌશલની તસવીર પર ફેન્સ વરસાવી રહ્યા છે પ્રેમ
હવે લગ્નની આ અફવાઓ વચ્ચે વિકી કૌશલે એક ઈન્સ્ટાગ્રામ પોસ્ટ શેર કરી છે જે ખૂબ જ વાયરલ થઈ રહી છે. આ તસવીરમાં વિકી સોફા પર બેસીને હળવા સૂર્યપ્રકાશની મજા લેતો અને હસતો જોવા મળે છે. હવે યુઝર્સ તેની આ તસવીર પર જોરદાર કોમેન્ટ કરી રહ્યા છે.
વિકીની આ તસવીર પર કોમેન્ટ કરતાં એક યુઝરે લખ્યું કે- લગ્નની ખુશી. તો અન્ય એક યુઝરે લખ્યું કે – થનાર લગ્ન મુબારક હો. એક ફેને પૂછ્યું – ગોલ્ડન અવર શુ છે, સીધા લગ્ન બોલો ના સર. અન્ય એક યુઝરે મજાકમાં કહ્યું કે વરરાજા ચમકી રહ્યો છે.
વિકી કૌશલની આ તસવીર પર થોડા જ કલાકોમાં લાખો લાઈક્સ આવી ગયા છે અને હજારો લોકોએ કમેન્ટ કરી છે. વિકી કૌશલની ફેન ફોલોઈંગ ઘણી વધારે છે અને ચાહકો હંમેશા તેની તસવીર પર પ્રેમ વરસાવે છે પરંતુ આ વખતે લોકો તેની પોસ્ટ પર વધુ ધ્યાન આપી રહ્યા છે.
એવું કહેવામાં આવી રહ્યું છે કે કેટરીના અને વિકી રાજસ્થાનના સવાઈ મધેપુરના રિસોર્ટ સેન્સસ ફોર્ટ બરવાડામાં સાત ફેરા લેશે. જો કે હજુ સુધી આ સમાચારોની કોઈ સત્તાવાર પુષ્ટિ થઈ નથી. વિકી કૌશલ અને કેટરિનાએ ભલે આ બાબતે તેમના મંતવ્યો શેર કર્યા હોય પરંતુ તેમના પરિવારજનો કંઈ કહી રહ્યા નથી.
લગ્નની આ ખબરોની વચ્ચે કેટરિનાની માતા સુઝેન અને બહેન ઈસાબેલ તાજેતરમાં મુંબઈમાં એક એથનિક સ્ટોરની બહાર જોવા મળી હતી. બંને કપડાની ખરીદી માટે ત્યાં પહોંચ્યા હતા. મા-દીકરીએ પણ પાપારાઝી માટે પોઝ આપ્યો હતો. હવે ટ્રેડિશનલ કપડાની ખરીદીને કારણે લોકોના મનમાં સવાલો ઉઠવા લાગ્યા છે કે આ બધી તૈયારી વિકી અને કેટરીનાના લગ્નની છે.