કૃષિ કાયદા વિરૂદ્ધ ખેડૂતોનું આંદોલન વધુ ઉગ્ર બનશે, 27 સપ્ટેમ્બરે ભારત બંધનું એલાન
ખેડૂત નેતા રાકેશ ટિકૈતના લાંબા ચાલનારા અને વાતચિતની વાત પર કેન્દ્રીય મંત્રી અનુરાગ ઠાકુરે વળતો પ્રહાર કર્યો છે. અનુરાગ ઠાકુરે કહ્યું કે ભારત સરકારના વરિષ્ઠ મંત્રીઓએ ખેડૂતો સાથે એક નહીં પરંતુ 11 રાઉન્ડની બેઠકો યોજી હતી. કૃષિ મંત્રીએ કહ્યું કે સરકાર હંમેશા વાતચીત માટે તૈયાર છે. ઠાકુરે એમ પણ કહ્યું કે સરકારે આ વર્ષે MSP માં વધારો કર્યો છે અને MSP પર વધુ કૃષિ પેદાશો ખરીદવામાં આવી છે. કૃષિ કાયદાને કારણે જેઓ મંડીઓની વાત કરે છે તેમને પણ તેમણે છોડ્યા નથી. ઠાકુરે કહ્યું કે કેટલાક લોકો ખોટી માહિતી ફેલાવી રહ્યા છે કે મંડીઓ બંધ રહેશે.
તેમણે પૂછ્યું કે છેલ્લા બે વર્ષમાં કયું બજાર બંધ થયું? તેઓ (ખેડૂતો) કહે છે કે MSP પર કૃષિ પેદાશો ખરીદવામાં આવશે નહીં. બીજી બાજુ, આ વર્ષે MSP પર ખરીદી વધુ હતી. આજે BKU (Apolitical) ના નેતા રાકેશ ટિકૈતે કહ્યું કે જ્યારે ભારત સરકાર અમને મંત્રણા માટે આમંત્રણ આપશે ત્યારે અમે જઈશું. જ્યાં સુધી સરકાર અમારી માંગણીઓ પૂરી નહીં કરે ત્યાં સુધી ખેડૂતોનું આંદોલન ચાલુ રહેશે. આઝાદીની લડત 90 વર્ષ સુધી ચાલી, તેથી મને ખબર નથી કે આ આંદોલન કેટલો સમય ચાલશે.
સેલ ફોર ઈન્ડિયાના બેનર લાગ્યા
આગામી વર્ષની શરૂઆતમાં ઉત્તર પ્રદેશ, ઉત્તરાખંડ અને પંજાબ રાજ્યોમાં વિધાનસભાની ચૂંટણી પહેલા કેન્દ્ર સરકારના ત્રણ નવા કૃષિ કાયદાઓ સામે પોતાનો ઈરાદો ઉભો સ્પષ્ટ કરતા, ભારતીય કિસાન યુનિયનના પ્રવક્તા રાકેશ ટીકૈતે રવિવારે દાવો કર્યો હતો કે, “સેલ ફોર ઈન્ડિયા” નું બોર્ડ દેશમાં લાગી ચુક્યુ છે અને જે દેશ વેચી રહ્યા છે તેમને ઓળખવા પડશે અને મોટુ આંદોલન શરૂ કરવુ પડશે.
સમગ્ર દેશમાં આંદોલન
Senior ministers of Govt of India held not one but 11 rounds of meeting with farmers. The agriculture minister said that Govt is always ready for talks. Govt has increased MSP & procured more agriculture produce on MSP this year: Union Minister Anurag Thakur in Bengaluru https://t.co/GWpGvuHdR4 pic.twitter.com/DRyeb4Xp9k
— ANI (@ANI) September 5, 2021
મુઝફ્ફરનગરના સરકારી ઇન્ટર કોલેજ ગ્રાઉન્ડ ખાતે રવિવારે યુનાઇટેડ કિસાન મોરચા દ્વારા આયોજિત કિસાન મહાપંચાયતને સંબોધતા રાકેશ ટીકૈતે જણાવ્યું હતું કે, સયુક્ત કિસાન મોરચા દ્વારા લેવામાં આવેલા નિર્ણયો હેઠળ આપણે દેશભરમાં મોટી સભાઓ કરવી પડશે. અમને પાક પર એમએસપીની ગેરંટીની જરૂર છે. વડાપ્રધાને કહ્યું હતું કે 2022 માં ખેડૂતોની આવક બમણી થશે અને 1 જાન્યુઆરીથી અમે બમણા દરે પાક વેચીશું. અમે દેશના લોકોની વચ્ચે જઈશું અને સંયુક્ત કિસાન મોરચા દેશભરમાં આંદોલન કરશે.
કિસાન મહાપંચાયતમાં દેશભરમાંથી હજારો ખેડૂતો તેમાં ભાગ લેવા પહોંચ્યા હતા. મહાપંચાયતમાં, સંયુક્ત કિસાન મોરચાએ 27 સપ્ટેમ્બરે ભારત બંધની જાહેરાત કરી છે. રાકેશ ટીકૈતે કહ્યું કે અમે શહીદ થઈશું પણ મોરચો મક્કમ રીતે ઉભો રહેશે, અમારું આંદોલન ખતમ નહીં થાય. તેમણે કહ્યું કે ખેડૂતોને શેરડીના ક્વિન્ટલ દીઠ 450 રૂપિયાની જરૂર છે. કૃષિ બીલ પરત ન આવે ત્યાં સુધી ખેડૂતો ગાઝીપુર બોર્ડરથી ઘરે નહીં જાય. મહાપંચાયતના મંચ પરથી સરકાર વિરોધી નારા લગાવવામાં આવ્યા છે. ખેડૂત નેતાઓએ જણાવ્યું હતું કે, આગામી યુપી અને ઉત્તરાખંડ વિધાનસભાની ચૂંટણીમાં ભાજપને ઉથલાવવું પડશે. સુરક્ષાને જોતા દરેક જગ્યાએ પોલીસ દળો તૈનાત રહ્યા હતા. આ મહાપંચાયતમાં દેશભરમાંથી 300 થી વધુ સક્રિય સંસ્થાઓએ ભાગ લીધો હતો.
શેરડીના ભાવમાં વધારો થયો નથી
યોગેન્દ્ર યાદવે કેન્દ્ર અને યુપી સરકાર પર આકરા પ્રહારો કર્યા અને કહ્યું કે શેરડીના ભાવમાં વધારો થયો નથી, પાક વીમાના નામે છેતરપિંડી કરવામાં આવી હતી. અનાજ ખરીદવાના વચન પર ખરીદી કરવામાં આવી ન હતી, લોન માફીનો ઢોંગ કર્યો અને લોકોને ધર્મના નામે વહેંચ્યા.
