શિલ્પા શેટ્ટીએ કિરણ ખેરને કહ્યું મને દત્તક લઈ લો, સિકંદર થોડી પહેરશે જવેલરી
બોલિવૂડ એક્ટ્રેસ શિલ્પા શેટ્ટી સોશિયલ મીડિયા પર ઘણી જ એક્ટિવ રહે છે. તે અવારનવાર તેના ઈન્સ્ટાગ્રામ પર તસવીરો અને વીડિયો અપલોડ કરતી રહે છે. હવે તેણે ઈન્સ્ટાગ્રામ પર રિયાલિટી શો ‘ઈન્ડિયાઝ ગોટ ટેલેન્ટ’ના સેટ પરથી એક નવો બેક ધ સીન વીડિયો ચાહકો માટે શેર કર્યો છે. જેમાં તે કિરણ ખેર અને બાદશાહ સાથે જજની ભૂમિકામાં દેખાઇ રહી છે.
આ વીડિયો ક્લિપમાં, શિલ્પા શેટ્ટી કિરણ ખેરના નેકલેસ પર કેમેરાને ઝૂમ કરે છે. વિડિયોમાં શિલ્પા શેટ્ટી કહેતી સંભળાઈ રહી છે કે, “હું શૂટિંગ પર માત્ર જ્વેલરી જોવા માટે જ આવું છું.
આ વિડિયોમાં શિલ્પા શેટ્ટીને આગળ કહેતા સાંભળી શકાય છે, “મૈં તો બોલ રહી હૂં, મુજે અપના લો.” સિકંદર જ્વેલરીમાં થોડી પહેરશે. આ પછી શિલ્પા શેટ્ટી હસવા લાગે છે. વીડિયોમાં શિલ્પા કિરણ ખેર સાથે પોતાને દત્તક લેવાની વાત કરે છે.
View this post on Instagram
આ વીડિયોમાં શિલ્પા શેટ્ટી બાદશાહ અને કિરણ ખેર સાથે મસ્તી કરતી જોવા મળી રહી છે. કિરણ ખેર અભિનેત્રી શિલ્પા શેટ્ટીની વાત સાંભળે છે અને કહે છે કે જો સિકંદરને પહેરવી પડશે તો કદાચ એ આ જ્વેલરી પહેરી પણ લેશે. કિરણ ખેર આગળ કહે છે કે મને લાગે છે કે મારે મારા કેટલાક ઘરેણાં વેચવા જોઈએ, કારણ કે સિકંદર લગ્ન નથી કરી રહ્યો…. તેણે કહ્યું કે આવું ન કરો મારી પત્ની તેને પહેરશે.
શિલ્પા શેટ્ટી મજાકમાં આગળ કહે છે કે, સિકુ, હું જ્વેલરી લઈ રહી છું. આ પછી તે કેમેરો બાદશાહ તરફ ફેરવે છે અને કહે છે, શું તમે કંઈક કહેવા માંગો છો? આ પછી બાદશાહ દિવંગત અભિનેતા અમરીશ પુરીની નકલ કરે છે.
નોંધપાત્ર વાત એ છે કે, કેન્સરની બિમારીને હરાવીને કિરણ ખેર ફરીથી ઈન્ડિયાઝ ગોટ ટેલેન્ટ દ્વારા નાના પડદા પર પાછી ફરી છે. થોડા મહિનાઓ પહેલા કિરણ ખેરને કેન્સર હોવાનું નિદાન થયું હતું, એ પછી તેની સારવાર ચાલી રહી હતી. આ રિયાલિટી શો વિશે કિરણ ખેર કહે છે કે આ શો હંમેશા તેના દિલની નજીક રહ્યો છે. આ રિયાલિટી શોની સાથે એમનું આ નવમું વર્ષ છે.
તમને જણાવી દઈએ કે 14 જૂન, 1955ના રોજ પંજાબના ચંદીગઢમાં જન્મેલી જાણીતી અભિનેત્રી અને બીજેપી સાંસદ વર્ષ 2014માં પહેલીવાર ચંદીગઢથી સાંસદ તરીકે ચૂંટાયા હતા. તેઓ હજુ પણ ત્યાંથી સાંસદ છે. વર્ષ 1983માં તેણે પંજાબી ફિલ્મ ‘આસરા પ્યાર દા’થી અભિનયની દુનિયામાં પ્રવેશ કર્યો હતો. કિરણ ખેરને રિતુપર્ણા ઘોષની બંગાળી ફિલ્મ ‘બૈરીવાલી’ માટે નેશનલ એવોર્ડ મળ્યો હતો. પોતાની જોરદાર એક્ટિંગને કારણે લોકોમાં એક ખાસ સ્થાન બનાવનાર કિરણ ખેરે અનુપમ ખેર સાથે લગ્ન કર્યા છે. બંને સ્ટાર્સના આ બીજા લગ્ન છે. બંનેને એક પુત્ર સિકંદર છે
